Mateus 2:2 - Biblia Tetun Dili

² sira husu, “Ema Judeu sira nia liurai nebee foin moris nee iha nebee? Ami haree fitun ida iha parte lorosae nebee foo sinal dehan Nia moris ona. Tanba nee mak ami mai adora Nia.”

Mateus 2:2 Iomraidhean Croise

Mateus 2:3

Bainhira liurai Erodes rona sira nia liafuan nunee, nia komesa hanoin barak, no mos povu iha Jerusalém tomak.

Mateus 21:5

“Hatete ba Jerusalém oan sira nunee: ‘Haree baa, imi nia Liurai mai iha imi. Nia mai ho haraik Aan, sae deit kuda buru salak.’ ”

Mateus 27:11

Bainhira Jesus hamriik iha governador Pilatus nia oin, governador husu ba Nia, “O mak ema Judeu sira nia Liurai ka?” Jesus hataan, “Ita rasik mak dehan nunee.”

Lucas 19:38

Sira haklalak ho haksolok dehan, “Nai Maromak foo bensaun ba Liurai! Nia mai hodi Nai Maromak nia naran. Agora ema dame malu ona ho Maromak iha lalehan. Hahii ba Maromak nebee ukun iha fatin aas liu!”

Lucas 2:11

Ohin imi nia Salvador moris ona iha liurai David nia moris fatin Belém. Nia mak Kristu, imi nia Nai, Ema nebee Maromak promete ona hori uluk atu haruka mai.

Lucas 23:3

Entaun Pilatus husu ba Jesus, “O mak ema Judeu sira nia liurai duni ka?” Jesus hataan, “Ita dehan nee loos.”

Lucas 23:38

Sira prega ai kabelak ida ba krus iha Jesus nia ulun leten. Iha ai kabelak nee hakerek dehan, “Ema nee ema Judeu sira nia liurai.”

João 1:49

Natanael rekonhese dehan, “Mestri, Ita Boot Nai Maromak nia Oan! Ita Boot mos ema Israel nia Liurai!”

João 12:13

Nunee sira baa taa ramus hodi simu Jesus, hanesan ema boot. Sira haklalak hamutuk dehan, “Hosana! Ami hahii Nai Maromak! Tanba Maromak hatudu nia laran diak ba liurai Israel, nebee mai lori Nai nia naran.”

João 18:37

Governador husu fali, “Entaun, o Liurai, ka?” Jesus hataan, “Senhor rasik mak dehan Hau Liurai. Loloos nee, Hau moris para sai Liurai. Hau mai iha mundu nee para sai Liurai, hodi foo hatene kona ba buat nebee loos. Ema hotu nebee kaer metin lia loos, sira rona Hau.”

João 19:19

Governador Pilatus haruka nia soldadu sira hakerek iha ai kabelak ida, hodi baa prega iha Jesus nia ai krus leten. Iha ai kabelak nee sira hakerek nunee, “Nee Jesus, ema Nazaré. Nia ema Judeu sira nia liurai”

João 20:28

Tome hataan, “Nai! Agora hau fiar tebes ona. Ita Boot mak hau nia Nai no hau nia Maromak!”

João 5:23

Hau nia Aman hakarak ema hotu-hotu respeita Hau, hanesan sira respeita ona ba Nia. Tanba ema nebee la respeita Hau, nudar Nia Oan, ema nee mos la respeita Aman nebee haruka Hau mai.

João 9:38

Ema nee dehan, “Nai, hau fiar!” I nia hakneak hodi adora Jesus.

Ebreu 1:6

Bainhira Nai Maromak haruka Nia Oan mane mesak mai iha mundu, Nia dehan, “Hau nia anju sira hotu tenki adora Nia.”

Apokalipse 22:16

"Hau, Jesus, haruka ona Hau nia anju lori liafuan nee ba imi, para imi foo tutan ba sarani sira. Hau nee liurai David nia jerasaun, Hau mak fitun dadeer, ida nebee lakan makaas.”