Mateus 2:13 - Biblia Tetun Dili

¹³ Bainhira matenek nain sira fila tiha, Nai Maromak nia anju mai hatudu aan ba José liu hosi mehi. Anju nee foo hatene dehan, “Hadeer ona! Lori Labarik nee ho Nia inan halai ba iha rai Ejitu, tanba Erodes buka hela Labarik nee atu oho Nia. Hela iha nebaa too hau foo hatene fali ba o katak imi bele fila.”

Mateus 2:13 Iomraidhean Croise

Mateus 1:20

Maibee bainhira José hanoin hela planu nee, Nai Maromak nia anju ida mai hatudu aan ba nia liu hosi mehi hodi dehan, "José, liurai David nia jerasaun, la bele tauk atu kaben ho Maria, tanba labarik nebee mak iha Maria nia kabun-laran nee mai hosi Espiritu Santu.

Mateus 10:23

Bainhira ema halo terus imi iha sidade ida tanba imi fiar mai Hau, halai ba sidade seluk. Hau hatete loloos ba imi, imi seidauk haleu sidade hotu iha Israel laran, Hau Ema Oan fila fali mai ona.

Mateus 2:12

Liu tiha nee Maromak foo hanoin ba sira liu hosi mehi katak sira la bele fila fali ba Erodes. Entaun sira fila ba sira nia rain liu hosi dalan seluk.

Mateus 2:14

Iha kalan nee kedas, José hadeer lori Labarik nee ho Nia inan halai ba Ejitu,

Mateus 2:16

Bainhira liurai Erodes hatene katak, matenek nain sira halo beik tiha nia hodi fila liu hosi dalan seluk, nia hirus teb-tebes. I nia foo orden ba soldadu sira baa Belém ho rai nebee besik hodi oho hotu labarik mane kiik-oan nebee tinan rua mai kraik. Nia foo orden nunee tuir informasaun hosi matenek nain sira kona ba tempu nebee mak sira haree fitun nee mosu.

Mateus 2:22

Maibee too iha nebaa, José rona katak liurai Erodes nia oan Arquelau mak ukun fali iha provinsia Judeia, nunee nia tauk atu fila ba nebaa. Maromak mos foo hanoin ba nia liu hosi mehi. Entaun sira baa hela fali iha provinsia Galileia,

Apostolu sira nia Istoria 10:22

Sira hataan, “Komandante Cornélio mak haruka ami mai. Nia ema moris loos ho hamtauk ba Nai Maromak. Ema Judeu sira hotu respeita teb-tebes nia. Horiseik Nai Maromak nia anju mai haruka nia bolu senhor hodi ba iha nia uma, para nia bele rona senhor nia liafuan.”

Apostolu sira nia Istoria 10:7

Bainhira anju nee baa tiha ona, Cornélio bolu nia ema nain rua ho nia soldadu ida nebee hamtauk ba Maromak.

Apostolu sira nia Istoria 12:11

Nee mak Pedro foin hatene saida mak akontese. Nia dehan, “Loos duni! Maromak mak haruka Nia anju mai hasai hau hosi Erodes nia liman laran, ho buat aat hotu nebee mak ema Judeu sira atu halo mai hau.”

Apostolu sira nia Istoria 12:7

Derpenti deit, Nai Maromak nia anju ida mosu, i kuartu kadeia nee sai naroman nabilan tiha. Anju nee fanu Pedro i dehan, “Hadeer lalais!” Korenti namkore kedas hosi Pedro nia liman.

Apostolu sira nia Istoria 16:36

Nunee komandante foo hatene ba Paulo dehan, “Senhor, ema boot sira desidi tiha ona, atu hasai imi. Tan nee, senhor sira bele baa ona ho diak.”

Apostolu sira nia Istoria 5:19

Maibee iha kalan nee kedas Nai Maromak nia anju ida baa loke kadeia nia odamatan, i lori sira sai ba liur. Nia hatete,

Apostolu sira nia Istoria 7:19

Liurai nee buka dalan hodi halo terus ita nia povu i hanehan ita nia bei-ala sira. Nia obriga sira soe tiha sira nia oan nurak, para sira mate.

Apokalipse 12:14

Maibee senhora nee simu liras rua hanesan manu makikit boot ida nia liras hodi semo ba fatin nebee prepara tiha ona ba nia iha rai fuik maran. Iha nebaa Nai Maromak sei hamahon nia durante tinan tolu ho balu para samea ulun hitu nee la bele halo buat aat ba nia.

Apokalipse 12:4

Samea ulun hitu nee uza nia ikun hodi baku makaas fitun parte ida hosi parte tolu tuun ba mundu. Depois nia baa hamriik iha senhora isin rua nee nia oin para nia oan moris mai nia bele tolan kedas.

Apokalipse 12:6

Senhora nee halai kedas baa iha rai fuik maran, iha fatin ida nebee mak Nai Maromak prepara tiha ona ba nia. Nai Maromak sei tau matan ba nia iha fatin nee too tinan tolu ho balu, nee hamutuk loron rihun ida atus rua neen nulu.