Mateus 19:21 - Biblia Tetun Dili

²¹ Jesus hataan, “Se o hakarak moris halo tuir Maromak nia hakarak hotu, entaun baa faan tiha o nia rikusoin hotu, i osan nee fahe ba ema kiak sira. Nunee mak o sei hetan fali rikusoin iha lalehan. Depois, mai tuir Hau.”

Mateus 19:21 Iomraidhean Croise

Jenesis 17:1

Bainhira Abrão tinan 99, NAI Maromak mai hatudu Aan ba nia. Nia hatete, “Hau nee NAI Maromak Boot Liu. O tenki tuir nafatin Hau nia hakarak, i moris loos.

Jenesis 6:9

Noé nia istoria nunee. Nia iha oan mane nain tolu. Sira nia naran mak : Sem, Jafé ho Kam. Noé nee moris loos, i la halo buat aat. Iha tempu nee, nia mesak deit mak ema diak. Nia moris hamtauk ba NAI Maromak.

Mateus 16:24

Depois Jesus dehan ba Nia eskolanti sira, “See mak hakarak tuir Hau, nia tenki nega nia aan, lori nia krus i tuir Hau. Nee hanesan husik tiha nia hakarak rasik, tenki prontu simu terus, hanesan ema nebee loro-loron lori nia krus too mate. I nia tenki tuir Hau nafatin.

Mateus 19:20

Joven nee hataan, “Ukun fuan sira nee hau halo tuir hotu ona. Saida mak sei falta?”

Mateus 19:22

Bainhira joven nee rona nunee, nia fila ho laran susar tanba nia riku teb-tebes.

Mateus 19:28

Jesus hatete ba sira, “Hau dehan loloos ba imi, bainhira Maromak halo buat hotu sai foun, Hau, Ema Oan sei tuur iha kadeira ukun, i naroman lalehan nian haleu hela Hau. Imi sira nebee agora tuir Hau mos sei tuur iha kadeira ukun sanulu resin rua hodi tesi Israel nia suku sanulu resin rua nia lia.

Mateus 4:19

Jesus dehan ba sira, “Mai tuir Hau! Imi uluk buka ikan, maibee agora Hau sei hanorin imi atu buka ema hodi tuir Maromak.”

Mateus 5:48

Aman Maromak iha lalehan hadomi ema hotu-hotu, nunee imi tenki hadomi mos hanesan Nia.”

Mateus 8:22

Maibee Jesus hataan, “Mai tuir Hau! Ema nebee lakohi rona Maromak, sira hanesan ema nebee mate tiha ona. Husik ema mate hakoi sira nia mate.”

Mateus 9:9

Depois Jesus husik tiha fatin nee. Nia lao dadauk, Nia hetan ema kobrador impostu ida naran Mateus, tuur hela iha nia serbisu fatin. Jesus dehan ba nia, “Mai tuir Hau!” I Mateus hamriik hodi ba tuir Jesus.

Marcos 10:21

Jesus hadomi ema nee, i dehan, “Nee loos! Maibee sei falta buat ida tan. Agora o fila ona, i baa faan tiha o nia riku soin hotu. Nia osan nee, o fahe ba ema kiak ho ema mukit sira. Foin o mai tuir Hau. Depois Nai Maromak sei foo fali ba o, riku seluk iha lalehan.”

Marcos 2:14

Iha fatin nee, iha ema ida, naran Levi, Alfeu nia oan. Nia serbisu mak kobra impostu ba estadu Roma. Natoon Jesus liu hosi nebaa, Nia hetan Levi tuur hela, i Nia dehan, “Mai tuir Hau!” Nia rona nunee, nia hamriik kedas, i tuir Jesus.

Marcos 8:34

Depois Jesus bolu tan ema seluk mai hamutuk ho nia eskolanti sira. Nia hanorin sira dehan, “See mak hakarak tuir Hau, nia tenki aguenta tuir nafatin Hau. Nia tenki husik tiha nia hakarak rasik, hodi tuir deit Nai Maromak nia hakarak. Maski ema atu oho nia, nia tenki tuir nafatin, hanesan ema nebee lori nia krus baa too nia fatin mate.

Lucas 12:33

Entaun, baa faan tiha sasaan nebee imi iha i fahe osan nee ba ema kiak sira. Nunee imi rai fali rikusoin iha lalehan, para bele dura. Iha nebaa, imi nia rikusoin sei la hotu, naok-teen la besik, i barata mos la haan.

Lucas 14:33

Nunee mos, se o atu tuir Hau, o tenki prontu husik buat hotu-hotu nebee o iha. Se lae, o la serve atu sai Hau nia eskolanti.”

Lucas 16:9

Nunee, Hau hatete ba imi, maski ema mundu manobra uza sira nia osan, diak liu imi uza rikusoin mundu nian hodi ajuda ema. Ho nunee, imi bele hetan belun barak, i bainhira riku nee hotu ona, Maromak sei prepara fatin ba imi iha lalehan.

Lucas 18:22

Rona nunee, Jesus hataan, “Maibee o sei falta buat ida nebee o tenki halo. Agora baa faan tiha o nia rikusoin hotu, i osan nee fahe ba ema kiak. Nunee mak o sei hetan fali rikusoin iha lalehan. Depois mai tuir Hau.”

Lucas 5:27

Hotu tiha, Jesus sai hosi uma nee Nia haree kobrador impostu ida naran Levi tuur hela iha nia serbisu fatin. Jesus dehan ba nia, “Mai tuir Hau!”

Lucas 6:40

Estudante ida la bele boot liu nia mestri, maibee se nia eskola too remata, nia bele hanesan nia mestri.

Lucas 9:23

Depois Nia foo hatene ba sira hotu dehan, “Ema nebee hakarak tuir Hau, nia tenki nega nia aan rasik, lori nia krus loro-loron no tuir Hau.

João 10:27

Hau nia bibi loloos, rona no konhese Hau nia lian. Sira mos tuir Hau, i Hau mos konhese sira.

João 12:26

Ema nebee hakarak serbii Hau, nia tenki tuir Hau nafatin. Hau baa iha nebee deit, Hau nia atan sira mos iha nebaa. Ema nebee serbii Hau maka Hau nia Aman iha lalehan respeita nia.”

Apostolu sira nia Istoria 2:45

Iha balu faan sira nia sasaan ka sira nia riku ruma, i osan nee sira fahe ba ema sarani sira, tuir ida-idak nia presiza.

Ebreu 10:34

Imi hatudu imi nia laran diak ba ema dadur sira iha kadeia laran. I bainhira ema hadau imi nia sasaan, imi foo deit ho laran kontenti, tanba imi hatene katak, imi sei simu fali rikusoin nebee diak liu, i rikusoin nee sei dura too tinan ba tinan.