Mateus 18:9 - Biblia Tetun Dili

⁹ Se o nia matan halo o monu ba sala, sukit sai tiha o nia matan nee i soe tiha. Diak liu o tama ba iha lalehan ho matan sorin deit duke o tama ba iha infernu ho matan kompletu.”

Mateus 18:9 Iomraidhean Croise

Mateus 16:26

Folin saida se ema ida nian tiha mundu tomak maibee nia klamar lakon? La iha buat ida mak nia bele foo hodi troka nia klamar.

Mateus 18:8

Se o nia liman ka o nia ain halo o monu ba sala, tesi i soe tiha. Diak liu o tama ba iha lalehan ho liman ka ain sorin deit duke o tama ba iha infernu ho liman-ain kompletu.

Mateus 19:17

Jesus hataan, “Nusaa mak ita husu mai Hau kona ba buat saida mak diak? So Maromak deit mak diak. Se ita hakarak hetan moris rohan-laek, halo tuir Nia ukun fuan hotu.”

Mateus 5:22

Maibee Hau hatete ba imi, ‘See mak hirus nia maun-alin ida, nia sei hetan kastigu. See mak tolok nia maun-alin ida, nia sei baa hataan iha tribunal. I see mak hirus ema seluk dehan, ‘O beik-teen’, ema nee lao dadauk ona ba iha ahi infernu nebee lakan.

Mateus 5:29

Se o nia matan sorin loos halo o monu ba sala karik, sukit sai o nia matan nee i soe tiha. Diak liu o moris ho matan sorin deit, duke o iha matan rua maibee tama ba infernu.

Marcos 9:47

Se o halo sala ho o nia matan, sukit soe tiha matan nee! Tanba diak liu o tama ba lalehan ho matan ida deit, dukee o iha matan rua, maibee o tama ba infernu.

Apostolu sira nia Istoria 14:22

Iha fatin hirak nee sira koalia ho sarani sira hodi hametin sira nia laran. Sira foo hanoin dehan, “Ita nebee fiar ba Nai Jesus sei hetan terus oi-oin, maibee ita tenki tuir nafatin Jesus, para ita bele moris hamutuk ho Nai Maromak iha nia reinu.”

Ebreu 4:11

Tanba nee, mai ita hakaas aan nafatin hodi tama ba iha deskansa nee. Keta halo be iha balu monu tanba halo tuir fali ita nia bei-ala sira nebee lakohi rona Nai Maromak.

Apokalipse 21:27

Maibee buat aat ida mos la bele tama iha nebaa. Ema nebee halo sala foer ka adora fali lulik, ho ema bosok-teen, sira hotu la bele tama. So ema sira nebee nia naran hakerek tiha ona iha Bibi Oan nia livru mak bele tama iha sidade nee.