Mateus 18:7 - Biblia Tetun Dili

⁷ Mundu nee susar barak tanba iha buat barak mak halo ema monu ba sala. Loos duni, buat aat sira nee sempre iha. Maibee see mak halo ema seluk monu ba sala, nia sei simu terus.

Mateus 18:7 Iomraidhean Croise

Jenesis 13:7

Nunee Abrão nia bibi atan ho Lo nia bibi atan sira komesa istori malu, tanba duut la too hodi foo haan sira nia animal barak nee. (Iha tempu nee, ema Kanaán ho ema Feris sei hela iha rai nee.)

Mateus 16:23

Maibee Jesus fila ba Pedro hodi siak fali nia dehan, “Satanás, sai tiha hosi nee! O atu taka dalan fali mai Hau! O nia hanoin nee laos mai hosi Maromak, maibee mai hosi ema nia hanoin.”

Mateus 26:24

Hau, Ema Oan tenki mate duni tuir buat nebee hakerek tiha ona iha Livru Sagradu. Maibee ema nebee faan Hau nee, sei terus teb-tebes. Diak liu ema ida nee lalika moris.”

Marcos 13:7

Se imi haree ema funu, ka imi rona boatus dehan ema funu iha fatin-fatin, imi keta tauk. Tanba buat sira nee tenki mosu uluk, molok mundu nee remata.

Lucas 17:1

Jesus hatete ba Nia eskolanti sira dehan, “Sempre iha buat ruma mak halo ema monu ba sala. Maibee see mak halo ema seluk monu ba sala, nia sei simu kastigu todan liu.

João 17:12

Bainhira Hau sei hamutuk ho sira iha mundu, Hau mak tau matan ba sira, tanba sira nee Aman ninian. Hau tau matan ba sira didiak para sira bele metin nafatin ho Aman, i ida deit mos la lakon. So Judas deit mak lakon, nee hodi halo tuir saida mak hakerek ona iha Eskritura Sagrada.

Apostolu sira nia Istoria 1:16

“Maun-alin sira hotu, ita hatene Judas uluk lori ema baa kaer Jesus. Buat nee hodi kumpri Nai Maromak nia Liafuan, nebee Nia Espiritu foo ba liurai David uluk kedas kona ba Judas.

1 Korintu 11:19

tanba hanoin la hanesan sempre iha. Hosi nee mak ema bele haree, see mak halo tuir Maromak nia hakarak, i see mak la halo tuir.

1 Timóteo 6:1

Atan nebee fiar Jesus tenki respeita nia patraun, para ema seluk la bele hatete aat Nai Maromak ka koalia aat ita nia hanorin.

Tito 2:5

moris loos no laran moos, badinas hadia uma laran, laran diak, i rona ba sira nia lain. Se sira moris nunee, maka ema la hatete aat Maromak nia liafuan.

Tito 2:8

Bainhira o hanorin, o tenki uza lia loos, para ema la bele foo sala ba o. Nunee ema sira nebee kontra o, sei moe, tanba sira la iha razaun atu hatete aat ita.

Judas 1:4

Tanba iha ona ema balu tama sub-subar iha imi nia leet. Sira nee uza sala Nai Maromak Nia grasa. Sira dehan, tanba Maromak nee laran diak, entaun ita bele halo sala saida deit konformi ita nia hakarak. Sira mos nega Jesus Kristu, afinal Nia mak ita nia Liurai ho ita nia Nai. Iha Livru Sagradu hakerek tiha ona katak ema sira nee sei hetan kastigu.