Mateus 18:5 - Biblia Tetun Dili

⁵ See mak simu labarik ida nebee fiar mai Hau, hanesan mos nia simu Hau.

Mateus 18:5 Iomraidhean Croise

Mateus 18:4

Nunee see mak haraik aan hanesan labarik nee, nia mak boot liu iha Maromak nia reinu.

Mateus 18:6

Maibee see mak halo labarik kiik ida monu ba sala too nia la fiar mai Hau, nia sei simu kastigu todan. Diak liu ema kesi fatuk boot ida iha nia kakorok hodi lori ba soe tama ba tasi laran.

Mateus 25:40

Hau sei hataan, ‘Hau hatete loloos ba imi! Bainhira imi halo saida deit ba Hau nia maluk ida, maski ba ema kiik ida mos, nee hanesan imi halo ona mai Hau.’

Mateus 25:45

Hau sei hataan, ‘Hau hatete loloos ba imi! Bainhira imi la halo buat sira nee ba Hau nia maluk ida, maski la halo ba ema kiik ida mos, nee hanesan imi la halo mai Hau.’

Mateus 7:8

Tanba see mak husu bebeik ba Maromak, nia sei simu. See mak buka bebeik, nia sei hetan. See mak tuku bebeik odamatan, Maromak sei loke ba nia.

Marcos 9:37

“See mak tuir Hau, nia tenki serbii ema kiik, hanesan labarik oan nee. Bainhira halo hanesan nee, nia mos serbii Hau. I see mak serbii Hau, nia serbii mos Nai Maromak, ida nebee haruka Hau mai iha mundu nee.”

Marcos 9:41

Nee duni, hanoin didiak. Se ema hatene katak imi tuir Kristu, mak nia ajuda imi, Nai Maromak mos la haluha ema nee nia kole. Maski nia foo deit bee kopu ida mos, Nai Maromak la haluha nia.”

Lucas 9:48

Nia hatete ba sira, “See mak simu labarik nee hodi Hau nia naran, nia simu Hau. I see mak simu Hau, nia simu mos Ida nebee haruka Hau mai. Ema nebee haraik aan nudar ema kiik, nia mak boot liu iha Maromak nia futar oin.”

João 13:20

Hau nia koalia nee loos. See mak simu ho diak ema nebee Hau haruka baa nee, nia mos simu Hau. I see mak simu diak Hau, nia mos simu Ida nebee haruka Hau mai.”

Galasia 4:14

Maski hau nia kondisaun nee foo todan ba imi, maibee imi la hakribit hau. Imi simu hau hanesan imi simu fali Nai Maromak nia anju ida. I liu tan, imi simu hau hanesan imi simu Kristu Jesus rasik.