Mateus 18:3 - Biblia Tetun Dili

³ i Nia dehan ba sira, “Hau hatete loloos ba imi, see mak atu sai Maromak nia reinu, nia tenki husik nia sala hodi sai hanesan labarik kiik ida nee.

Mateus 18:3 Iomraidhean Croise

Mateus 13:15

Tanba povu nee nia fuan toos tiha ona, sira lakohi rona ho sira nia tilun, sira nia matan taka metin. Se lae, sira bele haree ho sira nia matan, bele rona ho sira nia tilun, bele komprende iha sira nia laran. I sira fila fali mai Hau, nunee Hau sei kura sira.’

Mateus 18:2

Entaun Jesus bolu labarik ida mai hamriik iha sira nia klaran,

Mateus 18:4

Nunee see mak haraik aan hanesan labarik nee, nia mak boot liu iha Maromak nia reinu.

Mateus 19:14

Entaun Jesus dehan, “Husik labarik sira nee mai Hau, la bele bandu. Tanba ema hanesan sira nee mak sai Maromak nia reinu.”

Mateus 19:23

Depois Jesus dehan ba Nia eskolanti sira, “Hau hatete loloos ba imi, susar teb-tebes ema riku ida atu tama ba Reinu Lalehan.

Mateus 5:18

Hau hatete ba imi, bainhira lalehan ho rai sei iha, buat hotu nebee hakerek iha lei nee, mezmu ke letra kiik-oan liu ida, ka pontu ida mos sei la lakon, too buat hotu nebee Maromak hatete, sai realidade.

Mateus 5:20

Hau dehan ba imi, imi tenki moris loos liu fali mestri relijiaun sira ho ema Farizeu sira. Se lae imi la bele tama iha Maromak nia reinu.”

Mateus 6:16

“Bainhira imi halo jejun, la bele halo imi nia oin tristi hanesan ema laran makerek sira nebee buka oin. Sira hatudu aan nunee para ema bele hatene katak sira jejun hela. Hau dehan loloos ba imi: sira simu hotu ona sira nia kolen.

Mateus 6:2

Bainhira o foo ezmola ba ema ruma, la bele konta ba-mai hanesan ema laran makerek nebee buka oin. Sira sempre konta sira nia diak iha uma kreda laran ho mos iha estrada ibun para ema bele gaba sira. Hau dehan loloos ba imi, sira simu hotu ona sira nia kolen.

Mateus 6:5

“Bainhira imi halo orasaun, la bele halo orasaun hanesan ema laran makerek nebee buka oin. Sira gosta hamriik halo orasaun iha uma kreda laran no mos iha estrada boot atu ema haree. Hau dehan loloos ba imi, sira simu hotu ona sira nia kolen.

Marcos 4:12

Nai Maromak nia profeta ida hakerek ona hori uluk, kona ba ema hanesan sira nee, dehan, ‘Sira haree ona, maibee lakohi komprende. Sira rona ona, maibee lakohi hatene. Se sira lakohi nunee, diak liu sira lalika fiar Nai Maromak! Para Nai Maromak lalika perdua sira nia sala.’ ”

Lucas 13:24

Jesus hataan, “Odamatan tama ba lalehan nee, kloot. Nunee, hakaas aan para imi bele tama liu hosi odamatan nee. Hau hatete ba imi, ema barak hakaas aan atu tama baa, maibee sei la konsege.

Lucas 22:32

Maibee, Simão, Hau halo ona orasaun ba o, para o nia fiar la bele lakon. I bainhira o fila fali mai Hau, o tenki hametin o nia kolega sira nia fiar.”

João 1:51

Tebes duni! Hau foo hatene kedas. Imi sei haree lalehan nakloke, i Maromak nia anju iha lalehan tuun-sae iha Hau nia sorin. Hau nee, Ema Oan.”

João 3:3

Jesus hataan, “Nee loos! Hau atu dehan nunee: se ema la moris foun, nia la bele haree Maromak nia reinu no la bele sai Maromak nia ema.”

João 3:5

Jesus hataan, “Nee loos! Maibee Hau dehan ba ita: se ema la moris hosi bee no hosi Espiritu, nia la halo parte iha Maromak nia reinu. Ema tenki moris hosi bee para bele sai moos, i moris hosi Espiritu para sai ema foun. Ho nunee, foin bele sai Nai Maromak nia ema.

Apostolu sira nia Istoria 14:22

Iha fatin hirak nee sira koalia ho sarani sira hodi hametin sira nia laran. Sira foo hanoin dehan, “Ita nebee fiar ba Nai Jesus sei hetan terus oi-oin, maibee ita tenki tuir nafatin Jesus, para ita bele moris hamutuk ho Nai Maromak iha nia reinu.”

Apostolu sira nia Istoria 28:27

Tanba povu nee nia ulun toos teb-tebes. Sira sulan tiha sira nia tilun ona; sira taka metin tiha sira nia matan. Para sira nia tilun la bele rona tan, sira nia matan la bele haree tan, i sira nia laran nakukun nafatin. Too sira la hatene dalan atu fila mai Hau, para Hau bele kura sira.’ ”

Apostolu sira nia Istoria 3:19

Tanba nee, imi tenki husik ona imi nia sala i fila ba Nai Maromak, atu Nia bele hamoos imi nia sala hotu.

1 Korintu 14:20

Maun-alin sira, imi la bele hanoin hanesan labarik kiik-oan. Kona ba buat aat, imi tenki hanoin hanesan labarik duni. Maibee kona ba buat sira nee imi nia hanoin tenki hanesan ema nebee iha maturidade.

1 Pedro 2:2

Hanesan bebee ida nebee foin moris hamrook hakarak hemu susu been hosi sira nia inan, nunee mos imi tenki hamrook ba Nai Maromak nia liafuan. Tanba Nia liafuan hanesan susu been diak ba imi nia klamar, halo imi loron ba loron buras ba bebeik, iha imi nia salvasaun.

2 Pedro 1:11

i aban-bainrua Nai Maromak sei simu imi ho laran tomak hodi tama iha Jesus Kristu nia reinu. Jesus Kristu mak ita nia Nai no ita nia Salvador, i Nia ukun la hotu la remata.