Mateus 18:10 - Biblia Tetun Dili

¹⁰ “Jesus koalia tan dehan, keta hanoin dehan ema kiik sira nee la iha folin. Hau hatete ba imi, anju sira nebee hamriik iha Hau nia Aman Maromak nia oin, iha lalehan, sempre tau matan ba sira.

Mateus 18:10 Iomraidhean Croise

Mateus 1:20

Maibee bainhira José hanoin hela planu nee, Nai Maromak nia anju ida mai hatudu aan ba nia liu hosi mehi hodi dehan, "José, liurai David nia jerasaun, la bele tauk atu kaben ho Maria, tanba labarik nebee mak iha Maria nia kabun-laran nee mai hosi Espiritu Santu.

Mateus 12:20

Onu nebee besik atu tohar, Nia la silu tohar. Ahi oan nebee besik atu mate, Nia la huu mate. Nia sei hatudu Nia laran luak bebeik too lia loos mak manaan.

Mateus 18:14

Nunee mos imi nia Aman iha lalehan lakohi atu labarik kiik sira ida lakon.”

Mateus 18:6

Maibee see mak halo labarik kiik ida monu ba sala too nia la fiar mai Hau, nia sei simu kastigu todan. Diak liu ema kesi fatuk boot ida iha nia kakorok hodi lori ba soe tama ba tasi laran.

Mateus 2:13

Bainhira matenek nain sira fila tiha, Nai Maromak nia anju mai hatudu aan ba José liu hosi mehi. Anju nee foo hatene dehan, “Hadeer ona! Lori Labarik nee ho Nia inan halai ba iha rai Ejitu, tanba Erodes buka hela Labarik nee atu oho Nia. Hela iha nebaa too hau foo hatene fali ba o katak imi bele fila.”

Mateus 2:19

Ikus mai liurai Erodes mate. Iha tempu nebaa Nai Maromak nia anju hatudu aan ba José liu hosi mehi iha rai Ejitu.

Mateus 24:31

I Hau sei haruka Hau nia anju sira huu korneta ho lian makaas i sira sei ba halibur ema sira nebee mak Maromak hili tiha ona, hosi lorosae too loromonu, hosi tasi feto too tasi mane.”

Lucas 1:19

Anju hataan, “Hau Gabriel. Hau sempre serbii iha Nai Maromak nia futar oin. I Nia rasik mak haruka hau mai hatoo novidade diak nee ba o.

Lucas 10:16

Depois Jesus hatete ba Nia eskolanti sira, “Ema nebee rona imi, nia rona Hau. I ema nebee lakohi simu imi, nia lakohi simu Hau. I ema nebee lakohi simu Hau, nia mos lakohi simu Ida nebee mak haruka Hau mai.”

Lucas 16:22

Too ikus, Lázaro mate, i Maromak nia anju sira mai foti nia lori ba iha fatin diak nian iha Abraão nia sorin. La kleur ema riku nee mos mate, i ema hakoi nia.

Apostolu sira nia Istoria 10:3

Iha loron ida, besik tuku tolu lokraik, hanesan mehi, nia haree momoos Nai Maromak nia anju ida, mai bolu nia dehan, “Cornélio!”

Apostolu sira nia Istoria 12:15

Sira hataan, “O bulak karik!” Maibee Rode hatete nafatin, “Tebes! Nia iha liur nebaa.” I sira hataan fali, “Karik Pedro nia anju.”

Apostolu sira nia Istoria 12:23

Derepenti deit, Nai Maromak nia anju foo moras ida ba Erodes, tanba bainhira ema adora nia hanesan fali Nai Maromak nia simu deit. I ular haan nia isin too mate.

Apostolu sira nia Istoria 27:23

Hori kalan, Nai Maromak, ida nebee hau serbii nee, haruka Nia anju ida mai hamriik iha hau nia sorin, hodi hatete,

Apostolu sira nia Istoria 5:19

Maibee iha kalan nee kedas Nai Maromak nia anju ida baa loke kadeia nia odamatan, i lori sira sai ba liur. Nia hatete,

Roma 14:10

Se nunee nusaa mak imi foo sala ba imi nia maluk sarani? Nusaa mak imi hatuun sira? Afinal ita hotu-hotu sei hamriik iha Maromak nia futar oin para Nia tesi ita nia lia,

Roma 14:21

Diak liu ita la bele haan naan ka hemu tua ka halo saida deit nebee halo ita nia maluk sarani sidi ka monu ba sala.

Roma 15:1

Ita nebee fiar metin tenki iha pasiensia hodi ajuda maluk sira nebee sei duvida kona ba saida mak ita sarani sira bele halo. Ita la bele buka diak deit ba ita nia aan.

1 Korintu 11:22

Imi halo saida mak nee? Imi la iha uma rasik atu haan-hemu ka? Keta halo be imi hakarak estraga sarani sira nia naran ka imi hakarak halo moe ema kiak. Hau atu dehan tan saida? Hau atu gaba imi nia hahalok nee ka? Lae liu!

1 Korintu 16:11

Nee duni keta husik ema ida la konsidera nia. Ajuda nia atu fila mai hau ho diak, tanba hau ho maluk sarani sira seluk hein hela nia iha nee.

1 Korintu 9:22

Ba ema nebee fraku, hau mos sai fraku, atu nunee bele manaan sira. Nunee, ba see-see deit hau halo hau nia aan hanesan sira, hau prontu halo saida deit atu bele lori sira balu ba salvasaun.

2 Korintu 10:1

Hau, Paulo, mak hakerek iha nee. Imi balu hanoin dehan, iha imi nia oin, hau la brani koriji imi, hosi dook mak foin hau brani. Agora ho Kristu nia laran maus ho haraik aan, hau, Paulo husu

2 Korintu 10:10

Iha ema balu dehan, “Paulo nia liafuan iha nia surat nee makaas loos, maibee bainhira nia hamutuk ho ita, nia ema nebee fraku i nia koalia la duun iha folin.”

Galasia 6:1

Maun-alin sira, se ema sarani ida monu ona ba sala, entaun imi nebee moris tuir Espiritu Santu nia hakarak, tenki baa koalia didiak ho nia ho laran maus no haraik aan hodi lori nia fila fali ba dalan loos. Maibee kuidadu imi nia aan, para la bele monu ba sala.

1 Tesalonika 4:8

Nee duni, see mak lakohi tuir hanorin nee, nia laos deit fila kotuk mai ami, maibee nia fila kotuk ba Nai Maromak, nebee foo Nia Espiritu Santu mai ita.

1 Timóteo 4:12

Keta husik ema ida la konsidera o tan deit o foin-sae. O tenki hatudu ezemplu diak ba ema sarani sira, liu hosi o nia koalia, o nia hahalok, o nia domin, o nia fiar ba Jesus Kristu, ho o nia moris loos.

Ebreu 1:14

Entaun anju sira nee see? Sira nee espiritu nebee serbii Nai Maromak. I Nia haruka anju sira nee mai tulun ema nebee mak sei hetan salvasaun.

Ebreu 9:24

Kristu la tama ba Fatin Santu nebee ema mak halo, ida nebee kopia tuir deit lalehan nian, maibee Nia tama liu ba lalehan. I agora Nia iha hela Nai Maromak nia prezensa hodi husu tulun mai ita.

Apokalipse 8:2

Depois hau haree anju hitu nebee baibain hamriik iha Nai Maromak nia oin, sira ida-idak simu korneta.