Mateus 16:8 - Biblia Tetun Dili

⁸ Jesus hatene hela saida mak sira koalia. Entaun Nia hatete, “Imi nia fiar fraku! Nusaa mak imi diskuti malu fali kona ba la iha paun?

Mateus 16:8 Iomraidhean Croise

Mateus 14:31

Jesus lolo kedas Nia liman ba Pedro hodi kaer nia dehan, “O nia fiar nee fraku! Nusaa mak o duvida hanesan nee?”

Mateus 16:7

Nunee Nia eskolanti sira komesa hatete ba malu dehan, “Nia koalia hanesan nee tanba ita la lori paun.”

Mateus 6:30

Maromak mak halo furak duut nebee ohin loron matak iha ai-laran no aban ema soe ba ahi laran. Saa tan imi! Nia sei foo ropa ba imi hatais. Entaun nusaa mak imi nia fiar fraku hanesan nee?!

Mateus 8:26

Jesus hataan, “Nusaa mak imi tauk hanesan nee? Imi nia fiar iha nebee?” Depois Nia hadeer hodi siak anin ho laloran boot nee. Anin para kedas, tasi mos hakmatek fali.

Marcos 16:14

Nee liu tiha, Jesus hasoru malu ho Nia eskolanti nain sanulu resin ida, bainhira sira haan hela. Nia hasee sira, dehan, “Imi nee ulun fatuk toos duni! Ema hatete ona ba imi katak, sira haree Hau ho sira nia matan rasik, maibee imi la fiar! Imi dehan, sira bosok. Agora, Hau rasik mak mai nee. Hau mate tiha ona, maibee Hau moris fali ona. Imi haree rasik baa.

João 16:30

Ami fiar ona Ita Boot hatene buat hotu-hotu. Ema la presiza husu saida-saida ba Ita Boot ona, tanba Ita Boot hatene uluk tiha ona saida mak sira atu husu, no nia resposta oinsaa. Nee hatudu mai ami katak, Ita Boot mai hosi Nai Maromak.”

Ebreu 4:13

Iha lalehan ho rai la iha buat ida mak bele subar hosi Nai Maromak. Ba Nia, buat hotu-hotu nakloke, Nia haree borus. Too loron ida ita tenki hataan iha Maromak nia oin kona ba buat hotu-hotu nebee ita halo.

Apokalipse 2:23

Sira nebee tuir Jezabel hanesan fali oan ida tuir nia inan, Hau sei oho hotu sira. Nunee sarani sira iha fatin-fatin deit sei hatene katak, Hau konhese momoos ema nia hanoin ho laran i Hau foo ba ema ida-idak tuir nia hahalok.