Mateus 16:25 - Biblia Tetun Dili

²⁵ Tanba see mak hakarak salva nia aan, nia sei lakon nia moris. I see mak lakon nia moris tanba tuir Hau, nia sei hetan moris rohan-laek.

Mateus 16:25 Iomraidhean Croise

Ester 4:14

Keta haluha, se o la koalia buat ruma agora, ema seluk bele ajuda no salva ema Judeu sira. Maibee se nunee deit, maka o ho o nia familia sei mate hotu. See mak hatene? Agora o sai liurai nia kaben nee, para hodi hetan dalan diak hosi problema hanesan nee.’ ”

Ester 4:16

“Baa halibur ema Judeu hotu iha sidade Suzan nee. Hau husu ba imi jejun no harohan mai hau loron tolu, kalan tolu. La bele haan, no la bele hemu buat ida. Hau ho hau nia ema feto sira nebee serbisu mai hau nee mos jejun no harohan hotu. Depois, hau sei baa koalia ho liurai, maski kontra lei. Se karik hau tenki mate ba ida nee, hau prontu mate.”

Mateus 10:39

Ema nebee hanoin liu nia moris iha mundu nee, nia sei lakon nia moris. Maibee see mak lakon nia moris iha mundu nee tanba nia tuir Hau, nia sei hetan moris rohan-laek.”

Mateus 16:26

Folin saida se ema ida nian tiha mundu tomak maibee nia klamar lakon? La iha buat ida mak nia bele foo hodi troka nia klamar.

Marcos 8:35

Ema nebee moris deit ba nia aan, nia sei lakon buat hotu. Maibee ema nebee prontu mate tanba tuir Hau, no foo sai Nai Maromak nia Novidade Diak, nia sei moris hamutuk nafatin ho Maromak.

Lucas 17:33

See mak hakarak salva nia aan, nia sei lakon nia moris. I see mak lakon nia moris, nia sei hetan moris rohan-laek.

João 12:25

Ema nebee la tuir Maromak nia hakarak, tanba nia hadomi liu nia moris iha mundu nee, aban-bainrua nia sei lakon nia moris. Maibee ema nebee foo nia moris tomak ba Maromak iha mundu nee, nia sei hetan moris rohan laek.

Apokalipse 12:11

Ita nia maun-alin ema fiar sira manaan tiha ona samea ulun hitu nee, Tanba Bibi Oan nia raan nebee fakar hodi salva sira, i tanba sira foo sai nafatin Nai Maromak nia liafuan. Maski ema atu oho sira mos sira la hakiduk.