Mateus 16:19 - Biblia Tetun Dili

¹⁹ Hau sei foo xavi reinu lalehan nian ba o. Saida mak o bandu iha mundu nee, iha lalehan mos bandu. I saida mak o foo lisensa atu halo iha mundu nee, iha lalehan mos foo lisensa.”

Mateus 16:19 Iomraidhean Croise

Mateus 18:18

Hau hatete loloos ba imi, saida mak imi bandu iha mundu nee, iha lalehan mos bandu. I saida mak imi foo lisensa atu halo iha mundu nee, iha lalehan mos foo lisensa.

João 20:23

Nunee, se imi foo perdaun ba ema nia sala, sala nee lakon tiha ona, tan Maromak mos hamoos tiha sala sira nee ona. Maibee se imi lakohi foo perdaun ba ema nia sala, Maromak mos la hamoos sala nee.”

Apostolu sira nia Istoria 15:7

Sira diskuti baa-mai, iha ikus, Pedro hamriik hodi koalia dehan, “Maun-alin sira, imi rasik hatene katak, uluk Nai Maromak hili ona hau, hosi imi, atu lori Jesus nia Liafuan ba ema sira nebee laos Judeu. Tan Nia hakarak atu sira mos fiar ba Jesus.

2 Korintu 2:10

Se imi foo perdaun ba ema nee, hau mos foo perdaun ba nia. Sala saida deit mak nia halo ita presiza foo perdaun, hau mos foo perdaun iha Kristu nia oin para ajuda imi.

1 Tesalonika 4:8

Nee duni, see mak lakohi tuir hanorin nee, nia laos deit fila kotuk mai ami, maibee nia fila kotuk ba Nai Maromak, nebee foo Nia Espiritu Santu mai ita.

Apokalipse 1:18

Uluk Hau mate tiha ona, maibee agora, haree baa, Hau moris fali ona. Hau sei moris nafatin tinan ba tinan. I Hau mak kaer xavi hodi loke odamatan ba matebian sira nia fatin, Hau mak iha kbiit hodi halo moris fali ema mate sira.

Apokalipse 11:6

Sira nain rua sei iha kbiit hodi taka kalohan para udan la bele tuun durante sira foo tutan Nai Maromak nia liafuan. Sira mos iha kbiit para halo bee sai fali raan, ho kbiit para halo dezastre selu-seluk tan iha mundu, tuir sira nia hakarak.

Apokalipse 3:7

Tuir mai Ema nee hatete mai hau, “Hakerek hanesan nee ba sarani sira iha sidade Filadélfia: ‘Hau mak Santu no Loos. Hau mak kaer xavi liurai David nian. Bainhira Hau loke odamatan, la iha ema ida mak bele taka fali. I bainhira hau taka odamatan, la iha ema ida mak bele loke. Hau nia lia menon mak nee:

Apokalipse 9:1

Anju numeru lima huu nia korneta. Derepenti hau haree fitun ida monu tuun tiha ona ba rai. Fitun nee simu xavi ida hodi loke rai kuak klean nakukun.