Mateus 15:11 - Biblia Tetun Dili

¹¹ Buat nebee tama ba ema nia ibun, nee la halo foer nia iha Maromak nia oin. Maibee buat nebee sai hosi ema nia ibun, nee mak halo foer nia.”

Mateus 15:11 Iomraidhean Croise

Mateus 15:10

Depois Jesus bolu ema hotu iha nebaa atu mai besik. I Nia dehan ba sira, “Rona mai, i komprende didiak Hau nia liafuan nee.

Mateus 15:12

Jesus nia eskolanti sira mai dehan ba Nia, “Ita Boot hatene ka? Ita Boot nia liafuan ohin nee xoke loos ema Farizeu sira.”

Marcos 7:15

Saida deit mak tama ba ema nia kabun la halo foer nia. Maibee saida deit mak sai hosi ema nia laran, nee mak halo foer nia.

Roma 14:14

Tanba hau laran ida ho Nai Jesus, hau fiar metin katak, la iha buat ida mak bele hafoer ema atu la adora Maromak. Maibee se ema ida hanoin katak buat ida bele hafoer nia hodi la adora Maromak tan, ba ema nee buat nee foer duni.

Roma 14:17

Tanba iha Maromak nia reinu, haan no hemu nee, laos importante. Ida nebee importante mak ita moris tuir Maromak nia hakarak, i Nia hakarak mak ita moris iha lia loos, dame, i laran haksolok, tanba Espiritu Santu hela iha ita.

Roma 14:20

La bele estraga Maromak nia serbisu tanba deit problema haan-hemu. Hahaan saida deit bele haan. Maibee se o haan hahaan ruma nebee halo o nia maluk sidi, o sala.

1 Timóteo 4:3

Sira hanorin dehan ema la bele kaben, i dehan hahaan balu lulik, la bele haan. Maski Nai Maromak halo hahaan sira nee hotu ba ema nebee fiar ba Kristu i hatene lia loos bele haan. Naran katak ita haan, foo agradese ba Nai Maromak.

Tito 1:15

Ba ema nebee laran moos, buat hotu-hotu diak. Maibee ba ema nebee aat i la fiar ba Nai Jesus, la iha buat ida mak diak, tanba sira nia hanoin aat ona i sira la hatene ona saida mak diak, saida mak aat.

Ebreu 13:9

Nunee se ema ruma hanorin buat falsu oi-oin, keta halo tuir hodi sees hosi dalan loos. Atu hametin imi nia laran, imi tenki depende ba Maromak nia grasa. La bele depende fali ba regra kona ba haan-hemu, tanba regra sira nee la iha folin mai ita.

2 Pedro 2:18

Tanba sira tebe rai loos, maibee koalia liafuan mamuk deit. Sira gosta buka ema nebee mak foin komesa husik nia sala, hodi dada ema sira nee para moris tuir fali sala seksual saida deit mak ema nee kaan atu halo.