Mateus 14:6 - Biblia Tetun Dili

⁶ Iha loron ida Erodes halo nia tinan, i Erodias nia oan feto mai dansa iha bainaka sira nia oin. Oan feto nia dansa nee halo Erodes nia laran kontenti teb-tebes,

Mateus 14:6 Iomraidhean Croise

Jenesis 40:20

Liu tiha loron tolu, liurai halo tinan, i nia halo festa boot ba nia funsionariu sira. Nia foo orden atu hasai nia ema nain rua nee hosi kadeia.

Ester 2:18

Depois liurai halo festa boot ida ba Ester. I nia konvida funsionariu hotu-hotu no ema boot sira hotu ba sira haan rame-rame, i nia foo ba konvidadu sira prezenti oi-oin nebee mesak didiak. I nia desidi dehan, loron nee, loron deskansa ba provinsia 127.

Mateus 14:3

João Sarani Nain ho Erodes nia istoria nunee: Uluk Erodes kaben fali nia alin Filipe nia kaben Erodias. Iha tempu nebaa, João foo sala fila-fila dehan, “Ita la bele hola fali ita nia alin nia kaben, hahalok nee kontra Maromak nia lei!” Tanba nee Erodes haruka ema kaer João i futu hodi ba hatama iha kadeia.

Mateus 14:7

too nia jura ba oan feto nee atu foo saida deit mak nia husu.

Mateus 22:24

“Mestri, Moisés dehan, se mane ida mate, maibee la iha oan, mane nia alin tenki kaben fali feto faluk nee para bele foo jerasaun ba nia maun.

Marcos 6:14

Iha tempu nee, ema iha fatin-fatin hatene ona kona ba Jesus. I liurai Erodes mos rona kona ba Jesus nia kbiit. Iha ema balu dehan, “Jesus nee João Sarani Nain. Nia moris fali iha Jesus nia Aan. Tanba nee mak Nia bele halo milagre barak.”

Marcos 6:17

Liurai Erodes hatete nunee, tanba uluk iha problema boot ho João. Nia istoria hanesan nee: liurai Erodes kaben fali ho nia alin Filipe nia kaben, naran Erodias, maski Filipe ho Erodias seidauk soe malu. Tan nee, João kritika bebeik liurai Erodes dehan, “Liurai, tuir loos ita boot la bele kaben fali ho ita nia alin nia feen. Nee kontra ita ema Judeu nia lei!” Maski nunee, liurai Erodes kaben nafatin ho feto nee. Depois nia haruka ema baa kaer João hatama iha kadeia.

Marcos 6:19

Tanba João kritika bebeik hanesan nee, feto nee odi João, i buka dalan atu oho nia. Maibee seidauk bele, tanba liurai Erodes hatama hela João iha kadeia laran.

Marcos 8:15

Rona sira koalia kona ba paun, Jesus dehan, “Imi tenki kuidadu ho liurai Erodes no ema Farizeu sira. Sira nia hanorin hanesan fermentu nebee tau ba trigu hodi halo trigu sae.”

Lucas 13:31

Depois ema balu hosi grupu relijiaun Farizeu mai hasoru Jesus hodi foo hatene, “Diak liu sees tiha hosi fatin nee, tanba liurai Erodes atu oho Ita Boot.”

Lucas 23:11

Depois liurai Erodes ho nia soldadu sira komesa hamoe Jesus i goza Nia. Sira foo hatais Nia ho ropa nabilan ida nebee baibain liurai sira mak hatais, depois haruka Nia fila ba governador Pilatus.

Lucas 23:7

Sira hataan dehan, loos. Nunee governador haruka Jesus baa iha liurai Erodes, tanba nia mak ukun iha provinsia Galileia, i tempu nebaa nia iha hela sidade Jerusalém.

Lucas 3:1

Bainhira liurai boot Tibério ukun iha Roma besik tinan sanulu resin lima ona, Pónsiu Pilatus mak governador iha provinsia Judeia. Erodes ukun iha Galileia, Erodes nia maun Filipe ukun iha Itureia ho Trakonitis, i Lisánias ukun iha Abilene.

Lucas 3:19

Ikus mai João kritika liurai Erodes, tanba nia hadau nia alin rasik nia feen Erodias hodi kaben fali ho nia. João mos foo sala ba nia hahalok aat selu-seluk tan.

Lucas 8:3

Iha mos Joana ho Susana. Joana nia kaben Kuza mak toma konta liurai Herodes nia uma. Sei iha tan feto barak mos tuir Jesus. Feto sira nee serbii Jesus ho Nia eskolante sira ho sira nia osan rasik.

Apostolu sira nia Istoria 12:1

Iha tempu nee, liurai Erodes komesa halo terus Nai Jesus nia ema.

Apostolu sira nia Istoria 4:27

Buat nebee liurai David hakerek agora sai loos duni. Iha sidade nee, liurai Erodes ho governador Pónsiu Pilatus hamutuk ona ho nai ulun sira hosi Israel, ho nai ulun sira hosi nasaun seluk. Sira hotu kombina hodi kontra Jesus, Ita Boot nia Oan Santu, nebee Ita Boot hili ona. Nia sempre halo tuir Ita Boot nia hakarak.