Mateus 13:8 - Biblia Tetun Dili

⁸ Iha fini balu tan monu iha rai bokur, fini nee moris too foo isin barak, balu too musan dala atus ida, balu too musan dala neen-nulu i balu tan too dala tolu-nulu.

Mateus 13:8 Iomraidhean Croise

Jenesis 26:12

Iha tempu nee, Isac halo toos. I nia hetan rezultadu dala atus ida, tanba NAI Maromak foo bensaun ba nia.

Mateus 13:23

Maibee fini nebee monu iha rai bokur mak ema nebee rona i komprende Maromak nia Liafuan. Nunee ema nee moris tuir, hanesan fini nebee moris too foo isin, balu too musan dala atus ida, balu musan dala neen-nulu, i balu tan musan dala tolu-nulu.”

Mateus 13:7

Fini balu monu iha duut tarak laran. Maibee duut tarak aumenta boot i habit fini nee too mate.

Marcos 4:20

Maibee fini nebee monu iha rai bokur, hanesan ema nebee rona ona Nai Maromak nia Liafuan, i halo tuir Nai Maromak nia hakarak. Tanba nee, nia sempre halo buat diak deit, hanesan fini nebee foo isin barak. Iha balu foo isin dala tolu-nulu, balu foo dala neen-nulu, too balu tan foo dala atus ida.”

Marcos 4:8

Maibee iha fini balu tan, monu iha rai bokur. Fini nee moris diak, buras, too foo isin barak. Iha fini balu, bote ida bele foo fali too bote tolu-nulu, i balu foo too bote neen-nulu, i balu tan foo too bote atus ida.

Lucas 8:15

Maibee fini nebee monu iha rai bokur, mak ema nebee moris loos ho laran moos. Bainhira sira rona Maromak nia liafuan, sira rai didiak iha sira nia laran hodi kaer metin nafatin too foo rezultadu diak teb-tebes.”

Lucas 8:8

Iha tan fini balu monu iha rai bokur, i moris too foo isin. Fini sira nee, ida-idak foo fali musan atus ida.” Konta tiha hotu, Jesus hatete ho lian makaas, “Imi nebee iha tilun hodi rona, rona didiak mai!”

João 15:8

Se imi halo buat diak barak, nee hanesan sanak nebee foo fuan barak. Nunee imi foti aas Nai Maromak no hatudu katak imi nee, Hau nia eskolante sira.

Roma 7:18

Hau hatene katak, nudar ema kriatura la iha buat diak ida iha hau nia laran. Tanba hau hakarak duni halo buat nebee diak maibee la konsege.

Filipi 1:11

Ho Jesus Kristu nia tulun, imi sei hatudu hahalok diak iha imi nia moris tomak. Ho nunee, ema sei foti aas Nai Maromak nia naran hodi hahii Nia.