Mateus 13:44 - Biblia Tetun Dili

⁴⁴ “Maromak nia reinu, bele kompara ho rikusoin ida karun teb-tebes nebee subar hela iha rai okos. Iha ema ida hetan rikusoin nee. Nia kontenti loos, entaun nia hakoi fila fali, i baa faan tiha nia sasaan hotu-hotu hodi sosa rai nee, para rikusoin nee bele sai ninian.

Mateus 13:44 Iomraidhean Croise

Mateus 13:24

Depois Jesus halo tan komparasaun dehan, “Reinu lalehan nian hanesan toos nain ida baa kari fini diak iha nia toos.

Mateus 13:46

Bainhira nia hetan buat murak-mean nebee folin karun teb-tebes, nia baa faan tiha nia sasaan hotu-hotu hodi sosa buat murak-mean nee.”

Mateus 13:47

“Maromak nia reinu bele mos kompara ho redi nebee peskador sira hatuun ba iha tasi laran hodi kaer ikan oi-oin.

Mateus 19:21

Jesus hataan, “Se o hakarak moris halo tuir Maromak nia hakarak hotu, entaun baa faan tiha o nia rikusoin hotu, i osan nee fahe ba ema kiak sira. Nunee mak o sei hetan fali rikusoin iha lalehan. Depois, mai tuir Hau.”

Mateus 19:27

Depois Pedro dehan, “Ami husik tiha ona buat hotu-hotu hodi tuir Ita Boot. Nunee ami sei hetan saida?”

Mateus 19:29

See mak husik ona nia uma, nia maun-alin, feton ho naan, nia inan-aman, nia oan sira ka nia rai tanba nia tuir Hau, ema nee sei simu fali dala atus ida no mos sei hetan moris rohan-laek.

Mateus 6:21

Tanba imi nia rikusoin tau iha nebee, imi nia fuan-laran mos iha nebaa.”

Lucas 14:33

Nunee mos, se o atu tuir Hau, o tenki prontu husik buat hotu-hotu nebee o iha. Se lae, o la serve atu sai Hau nia eskolanti.”

João 6:35

Jesus foo hatene ba sira dehan, “Hau mak Paun nee. Tan Hau mak lori moris nebee loloos. Nunee ema nebee sai Hau nia ema, sei la hamlaha tan. I ema nebee fiar mai Hau, sei la hamrook tan.

Roma 15:4

Buat hotu-hotu nebee hakerek ona iha Livru Sagradu, hakerek hodi hanorin ita, tulun ita hodi aguenta nafatin no foo korajen, para ita laran metin liu tan ba Maromak.

Kolose 2:3

Kristu deit mak bele halo ita sai matenek hodi komprende Maromak nia dalan. Tanba matenek nee hanesan rikusoin nebee subar hela iha Nia.

Kolose 3:16

Kristu nia liafuan tenki domina imi nia laran, tanba Nia liafuan nee folin teb-tebes i foo matenek mai ita. Uza Nia liafuan nee hodi hanorin malu i foo hanoin ba malu. Hananu kanta oi-oin, hanesan hosi livru Salmus, kanta espiritual, ho hananu seluk nebee hodi adora Maromak. Hananu hodi agradese ba Maromak ho laran tomak.

Ebreu 10:34

Imi hatudu imi nia laran diak ba ema dadur sira iha kadeia laran. I bainhira ema hadau imi nia sasaan, imi foo deit ho laran kontenti, tanba imi hatene katak, imi sei simu fali rikusoin nebee diak liu, i rikusoin nee sei dura too tinan ba tinan.

Apokalipse 3:18

Nunee diak liu imi sosa osan mean diak nian hosi Hau para imi bele sai riku. Imi sosa hena mutin hosi Hau hodi taka imi nia isin molik para imi la moe tan. I sosa aimoruk hosi Hau hodi kose ba imi nia matan delek sira nee para haree.