Mateus 13:41 - Biblia Tetun Dili

⁴¹ Hau, Ema Oan sei haruka Hau nia anju sira baa iha Hau nia povu nia leet hodi halibur see deit mak halo sala no mos ema nebee mak halo ema seluk monu ba sala.

Mateus 13:41 Iomraidhean Croise

Mateus 13:49

Nunee mos bainhira mundu nee remata, anju sira sei mai haketak tiha ema aat hosi ema nebee mak moris loos.

Mateus 18:7

Mundu nee susar barak tanba iha buat barak mak halo ema monu ba sala. Loos duni, buat aat sira nee sempre iha. Maibee see mak halo ema seluk monu ba sala, nia sei simu terus.

Mateus 24:31

I Hau sei haruka Hau nia anju sira huu korneta ho lian makaas i sira sei ba halibur ema sira nebee mak Maromak hili tiha ona, hosi lorosae too loromonu, hosi tasi feto too tasi mane.”

Mateus 3:12

Nia hanesan natar nain nebee prontu ona atu haketak hare isin ho hare kulit sira nee. Hotu tiha, hare isin Nia sei rai didiak iha armazen, maibee hare kulit nia soe tiha ba ahi ida nebee nunka mate.”

Mateus 8:20

Jesus hataan, “Asu fuik iha fatuk kuak hodi hela. Manu fuik mos iha nia knuuk. Maibee Hau, Ema Oan, la iha fatin ida hodi tau Hau nia ulun.”

Marcos 13:27

I Hau sei haruka Nai Maromak nia anju sira hosi lalehan baa halibur ema hotu-hotu nebee Hau hili tiha ona, hosi mundu tomak. Hosi rai ulun too rai ikun, hosi loro-sae too loro-monu, hosi tasi feto too tasi mane.”

Roma 2:16

Nunee mos sei akontese iha loron ikus. Iha loron nee, tuir Novidade Diak nebee hau foo sai, Maromak sei foti Jesus Kristu para tesi ema hotu-hotu nia lia. Nia sei tesi buat hotu nebee segredu hela iha ema nia laran no hanoin.

Ebreu 1:14

Entaun anju sira nee see? Sira nee espiritu nebee serbii Nai Maromak. I Nia haruka anju sira nee mai tulun ema nebee mak sei hetan salvasaun.

Apokalipse 21:27

Maibee buat aat ida mos la bele tama iha nebaa. Ema nebee halo sala foer ka adora fali lulik, ho ema bosok-teen, sira hotu la bele tama. So ema sira nebee nia naran hakerek tiha ona iha Bibi Oan nia livru mak bele tama iha sidade nee.