Mateus 13:39 - Biblia Tetun Dili

³⁹ Inimigu nebee kari duut manlai nee mak diabu. Tempu kolheita mak bainhira mundu remata. I ema nebee halo kolheita mak Maromak nia anju sira.

Mateus 13:39 Iomraidhean Croise

Mateus 12:32

Nunee mos ema nebee mak koalia kontra Hau, Ema Oan, nia sei hetan perdaun. Maibee see mak koalia kontra Espiritu Santu, Maromak la foo perdaun ba nia too tinan ba tinan.”

Mateus 13:22

Fini nebee monu iha duut tarak laran mak ema nebee rona Maromak nia Liafuan, maibee nia preokupa ho nia moris loro-loron nian, i matan naklosu ba rikusoin mundu nian. Nia preokupasaun nee la foo fatin ba Maromak nia Liafuan, nunee la halo ema nee buras.

Mateus 13:25

Kalan boot ema hotu toba dukur tiha, toos nain nia inimigu ida mai kari tan duut manlai nia musan ba iha toos nee nia laran. Hotu tiha inimigu nee fila.

Mateus 13:28

Toos nain nee hataan, ‘Hau nia inimigu mak halo ida nee.’ Atan sira dehan tan, ‘Se patraun hakarak, ami baa fokit sai tiha.’

Mateus 13:40

Hanesan duut manlai nebee fokit tiha hodi sunu iha ahi laran, nunee mos bainhira mundu nee remata.

Mateus 13:49

Nunee mos bainhira mundu nee remata, anju sira sei mai haketak tiha ema aat hosi ema nebee mak moris loos.

Mateus 24:3

Bainhira Jesus baa tuur mesak iha foho Oliveira, Nia eskolanti sira baa besik Nia hodi husu, “Hatete took mai ami, buat nebee ohin Ita Boot koalia nee, bainhira mak buat sira nee sei akontese? Bainhira Ita Boot atu fila fali mai, sinal saida mak sei mosu? I sinal saida mak sei hatudu katak mundu nee atu remata ona?”

Mateus 25:31

Jesus hatutan tan dehan, “Hau, Ema Oan sei fila fali mai hosi lalehan ho naroman nabilan, i anju sira hotu mai hamutuk ho Hau. Hau sei tuur iha kadeira naroman nabilan hodi ukun nudar Liurai.

Mateus 28:20

I hanorin sira atu halo tuir buat hotu-hotu nebee mak Hau hatete ona ba imi. Keta haluha, Hau sempre hamutuk ho imi too mundu nee remata.”

1 Korintu 10:11

Buat nebee akontese ba sira nee hanesan ezemplu ida mai ita atu la bele halo tuir sira. I ema hakerek para foo hanoin mai ita nebee moris iha tempu ikus.

2 Korintu 11:3

Agora dadaun imi tuir hela Kristu ho laran tomak. Maibee hau tauk, keta halo be ema ruma mai lohi imi para sees tiha hosi Kristu, hanesan iha tempu uluk samea lohidor mai lohi Eva.

2 Korintu 2:17

Iha mestri barak mak hanorin Maromak nia liafuan ho objetivu atu manaan osan deit. Maibee ami la hanesan sira. Ami nee hanorin ho laran moos hodi Kristu nia naran, tanba Maromak mak haruka ami, i Nia haree hela ami.

Efezu 2:2

Iha tempu nebaa imi moris tuir mundu nia hakarak, i tuir mos diabu nia hakarak. Diabu mak ukun espiritu aat sira, i nia mak agora serbisu hela iha ema sira nebee lakohi tuir Nai Maromak.

Ebreu 1:2

Maibee iha tempu ikus nee, Maromak koalia mai ita liu hosi Nia Oan rasik. Hosi hahuu, Nai Maromak hili Nia Oan hodi ukun hamutuk ho Nia. Uluk liu bainhira Maromak halo lalehan ho rai, ho buat hotu-hotu iha laran, Nia Oan nee halo hamutuk ho Nia.

Ebreu 9:26

Tanba se karik Nia tenki foo Nia Aan fila-fila, nee dehan katak Nia terus hela deit komesa Nai Maromak halo mundu nee. Maibee laos nunee. Agora tempu ikus ona, Nia foo Nia Aan hanesan sakrifisiu dala ida deit hodi halakon ita nia sala.

1 Pedro 5:8

Matan moris neon nain, tanba imi nia inimigu diabu hakarak estraga imi, hanesan leaun nebee mak lao baa-mai ho lian makaas hodi buka ema atu haan.

Judas 1:14

Nunee mos Enoke foo sai hori uluk kedas kona ba ema hanesan nee. Se ita sura Adão nia jerasaun, Enoke tama ba jerasaun hitu. Nia dehan nunee: “Haree baa! Ita nia Nai mai ho anju rihun ba rihun.

Apokalipse 12:9

Miguel ho nia anju sira soe sai tiha samea ulun hitu nee hosi lalehan. Sira soe tiha samea nee mai mundu hamutuk ho nia anju sira hotu. Samea ulun hitu nee mak ema bolu ꞌdiabuꞌ ka ꞌSatanásꞌ. Hori uluk kedas samea nee lohi ema hotu iha mundu para lao sala dalan.

Apokalipse 13:14

Ho milagre nebee nia halo hodi animal siak primeiru nia naran nee, nia lohi ema hotu iha mundu. Nia haruka ema harii estatua animal primeiru nian para foti aas animal primeiru nee, ida nebee uluk ema halo kanek ho surik, maibee sei moris hela.

Apokalipse 19:20

Maibee Ema nebee sae kuda mutin nee manaan tiha animal siak nee ho nia profeta falsu. Profeta falsu nee mak uluk hatudu nia milagre boboot hodi animal siak nia naran. Ho milagre sira nee nia bosok ema hotu-hotu nebee simu ona animal siak nia marka i adora animal nee nia estatua. Agora Ema ida nebee sae kuda mutin nee kaer animal siak nee ho nia profeta falsu, i soe moris sira nain rua ba iha ahi lakan boot nia laran.