Mateus 13:30 - Biblia Tetun Dili

³⁰ Husik sira moris hamutuk. Bainhira too nia tempu atu koa mak hau haruka ema nebee serbisu baa fokit sai duut nee hodi futu hamutuk ba sunu tiha. Depois toos nia rezultadu tau hamutuk hodi rai iha armazen laran.’ ”

Mateus 13:30 Iomraidhean Croise

Mateus 13:25

Kalan boot ema hotu toba dukur tiha, toos nain nia inimigu ida mai kari tan duut manlai nia musan ba iha toos nee nia laran. Hotu tiha inimigu nee fila.

Mateus 13:29

Maibee toos nain hataan dehan, ‘La bele. Keta fokit lai, tanba se imi fokit sai duut manlai nee, imi bele fokit sai mos trigu nebee moris ona nee.

Mateus 25:32

Depois ema hosi nasaun hotu-hotu sei mai halibur iha Hau nia oin, i Hau sei haketak ema sira nee ba grupu rua, hanesan bibi atan haketak bibi malae ho bibi.

Mateus 25:41

Depois Hau hatete ba ema sira nebee iha Hau nia sorin karuk dehan, ‘Sai tiha hosi nee, imi sira nee hetan ona malisan. Baa tama iha ahi laran nebee mak nunka mate. Ahi nee prepara tiha ona ba diabu ho nia anju sira.

Mateus 3:12

Nia hanesan natar nain nebee prontu ona atu haketak hare isin ho hare kulit sira nee. Hotu tiha, hare isin Nia sei rai didiak iha armazen, maibee hare kulit nia soe tiha ba ahi ida nebee nunka mate.”

Lucas 3:17

Nia hanesan natar nain nebee prontu ona atu haketak hare isin ho hare boen. Hotu tiha, hare isin nia sei rai didiak iha nia armazen, maibee hare boen nia soe tiha ba ahi laran nebee nunka mate.”

João 15:6

Ema nebee la metin nafatin ho Hau, nia hanesan sanak nebee la iha folin. Sanak hanesan nee, toos nain tesi soe tiha, para sai ai maran. Depois ema halibur ai maran nee hodi baa sunu tiha.

1 Korintu 4:5

Nee duni la bele julga ema seluk, tanba tempu atu tesi lia seidauk too. Hein too Nai Jesus fila fali mai hosi lalehan. Nia sei tesi ema hotu-hotu nia lia. Saida deit mak ema halo iha nakukun laran, Nia sei foo sai iha ema hotu nia oin. Too ema nia hanoin nebee segredu mos, Nia sei hatudu sai. Depois Maromak mak sei gaba ema ida-idak tuir sira nia serbisu nebee sira halo ba Nia.

1 Timóteo 5:24

Haree didiak! Iha ema balu halo sala, seidauk lori ba justisa mos, ema hotu-hotu hatene tiha ona. Maibee iha ema balu halo sala, kleur mak foin ema hatene.