Mateus 13:3 - Biblia Tetun Dili

³ Nia koalia buat barak liu hosi komparasaun, nunee: “Iha toos nain ida baa kari fini iha nia toos.

Mateus 13:3 Iomraidhean Croise

Mateus 13:4

Bainhira nia kari fini nee, balu monu iha dalan. I manu fuik mai hili tiha hotu.

Mateus 13:53

Bainhira Jesus hanorin liu hosi komparasaun hirak nee hotu, Nia husik tiha fatin nee

Mateus 22:1

Depois Jesus koalia tan ho sira uza komparasaun dehan,

Mateus 24:32

“Hanoin took ai figeira, i aprende hosi ai nee. Bainhira ai figeira nia sanak komesa matak i nia dikin komesa sai, imi hatene katak bailoro besik ona.

Marcos 12:1

Tuir mai, Jesus koalia tan ho nai-lulik nia ulun, ho mestri relijiaun, ho nai ulun sira. Nia dehan, “Hau konta istoria ida nunee: Iha loron ida, iha ema ida baa lere nia rai hodi kuda ai uvas. I nia halo lutu haleu, no halo tanki ida hodi sama uvas fuan para hasai nia been. I nia halo mos uma oan ida hodi hein. Depois nia foo toos nee ba ema aluga. Sira promete atu fahe uvas been ho toos nain. Depois toos nain nee baa tiha nasaun seluk.

Marcos 12:12

Rona nunee, ema boot sira komprende ona katak, Jesus koalia kona ba sira liu hosi komparasaun. Sira hanesan ho ema sira aluga toos nee. Tanba nee, sira buka dalan hodi kaer Nia. Maibee sira la brani, tanba ema barak mak gosta rona Jesus nia hanorin. Nunee sira baa ona, husik hela Nia.

Marcos 3:23

Jesus rona nunee, Nia bolu sira hotu mai, dehan, “Nee la tama iha kakutak! Oinsaa diabu bele duni fali nia aan rasik? La bele!

Marcos 4:13

Depois Jesus dehan, “Se imi la komprende komparasaun ida nee, halo nusaa mak imi bele komprende komparasaun sira seluk?

Marcos 4:33

Jesus nia hanorin hanesan nee, tuir buat nebee sira bele komprende.

Lucas 12:41

Pedro husu ba Jesus, “Nai, komparasaun ohin nee kona ba ami deit ka ba ema hotu?”

Lucas 8:10

Jesus hataan, “Uluk ema seidauk hatene Nai Maromak ukun nudar Liurai. Agora Hau foo sai momoos ba imi. Maibee ba ema seluk, Hau hanorin sira uza komparasaun deit, atu nunee ‘Sira haree, maibee hanesan sira la haree. Sira rona, maibee sira la komprende.’ ”

João 16:25

Jesus kontinua koalia dehan, “Hau baibain hanorin imi uza komparasaun. Maibee too iha tempu ida Hau hanorin sei la uza ona komparasaun. Tanba Hau sei koalia momoos kona ba Hau nia Aman.