Mateus 13:23 - Biblia Tetun Dili

²³ Maibee fini nebee monu iha rai bokur mak ema nebee rona i komprende Maromak nia Liafuan. Nunee ema nee moris tuir, hanesan fini nebee moris too foo isin, balu too musan dala atus ida, balu musan dala neen-nulu, i balu tan musan dala tolu-nulu.”

Mateus 13:23 Iomraidhean Croise

Mateus 12:33

Jesus koalia nafatin ba ema Farizeu sira dehan, “Se imi dehan ai huun nebee diak maka sei foo fuan diak. Maibee se imi dehan ai huun nebee la diak maka sei foo fuan la diak. Tanba hosi ai nee nia fuan mak hatudu katak ai huun nee diak ka la diak.

Mateus 13:8

Iha fini balu tan monu iha rai bokur, fini nee moris too foo isin barak, balu too musan dala atus ida, balu too musan dala neen-nulu i balu tan too dala tolu-nulu.

Mateus 3:10

Maromak hanesan toos nain nebee kaer hela baliu atu tesi ona ai huun too abut. Ai huun hotu-hotu nebee la foo fuan diak, Nia sei tesi tiha hodi soe ba ahi laran.

Mateus 3:8

Importante mak imi tenki muda imi nia hahalok hodi hatudu katak imi husik duni imi nia sala.

Marcos 10:15

Imi hanoin didiak! See mak atu sai Nai Maromak nia ema, nia tenki hanoin Nai Maromak hanesan labarik sira hanoin sira nia inan-aman . Se lae, sira la serve atu sai Nai Maromak nia ema.”

Marcos 4:20

Maibee fini nebee monu iha rai bokur, hanesan ema nebee rona ona Nai Maromak nia Liafuan, i halo tuir Nai Maromak nia hakarak. Tanba nee, nia sempre halo buat diak deit, hanesan fini nebee foo isin barak. Iha balu foo isin dala tolu-nulu, balu foo dala neen-nulu, too balu tan foo dala atus ida.”

Lucas 13:9

Karik tinan oin nia bele foo fuan. Se la fuan mak ita tesi.’ ”

Lucas 8:15

Maibee fini nebee monu iha rai bokur, mak ema nebee moris loos ho laran moos. Bainhira sira rona Maromak nia liafuan, sira rai didiak iha sira nia laran hodi kaer metin nafatin too foo rezultadu diak teb-tebes.”

Lucas 8:8

Iha tan fini balu monu iha rai bokur, i moris too foo isin. Fini sira nee, ida-idak foo fali musan atus ida.” Konta tiha hotu, Jesus hatete ho lian makaas, “Imi nebee iha tilun hodi rona, rona didiak mai!”

João 15:16

Laos imi mak hili Hau. Maibee Hau mak hili no foti imi hodi halao serbisu nee. Nunee imi tenki baa halo buat diak barak nebee bele dura. Nee hanesan ai uvas huun ida nebee foo fuan diak nafatin. Se imi halo nunee, imi bele husu saida deit ba Hau nia Aman lori Hau nia naran, i Nia sei foo ba imi.

João 8:47

Nai Maromak nia ema rona Nia Liafuan. Maibee imi nee la mai hosi Maromak, nee mak imi lakohi rona mai Hau.”

Apostolu sira nia Istoria 16:14

Ida naran Lídia, hosi sidade Tiatira. Senhora nee faan hena koor uvas nebee folin karu teb-tebes. Nia hamtauk ona ba Nai Maromak. Bainhira nia rona Paulo nia liafuan, Maromak loke nia laran hodi simu kedas buat nebee Paulo koalia.

Apostolu sira nia Istoria 17:11

Ema Judeu sira iha Bereia la hanesan ho sira iha Tesalónika. Sira laran nakloke atu rona Novidade Diak kona ba Nai Jesus. Nee mak loro-loron sira lee Maromak nia Liafuan hodi buka hatene liafuan sira nebee Paulo ho Silas foo sai nee loos ka lae.

2 Korintu 9:10

Maromak mak foo fini ba toos nain kuda, i Nia mak foo ai haan ba ita haan. Nunee mos Nia sei foo bensaun ba imi, i aumenta bensaun nee loron ba loron, atu nunee lia loos iha imi nee aumenta ba bebeik.

Filipi 1:11

Ho Jesus Kristu nia tulun, imi sei hatudu hahalok diak iha imi nia moris tomak. Ho nunee, ema sei foti aas Nai Maromak nia naran hodi hahii Nia.

Filipi 4:17

Hau koalia hanesan nee, laos tanba hau hakarak atu imi foo tan. Maibee hau hakarak para Maromak foo bensaun ba imi, tanba imi nia laran diak.

Kolose 1:10

Ho nunee, imi nia moris foti aas Nai Jesus nia naran, i sempre halo haksolok Nia laran. Imi mos sei foo fuan iha imi nia serbisu nebee diak, i sei buras hodi konhese Maromak diak liu tan.

Kolose 1:6

i buras ba bebeik hodi muda ema nia moris iha fatin bara-barak. Nunee mos muda imi nia moris, komesa hosi loron primeiru imi rona Novidade Diak nee hodi komprende loloos Nai Maromak nia grasa.

1 Tesalonika 4:1

Maun-alin sira, ami husu ba imi atu moris halo haksolok Nai Maromak, tuir ami hanorin ona ba imi. Loos, imi moris tuir ona nunee, maibee tanba ita Nai Jesus nia ema, ami husu atu imi hakaas aan liu tan.

2 Tesalonika 2:10

Ema aat nee sei halo buat oi-oin deit hodi bosok ema barak. Sira nebee monu ba bosok nee mak ema nebee iha loron ikus Maromak sei soe dook hosi Nia. Nee tanba sira nee lakohi simu no la hadomi lia loos nebee bele salva sira.

Ebreu 4:2

Tanba ema foo sai tiha ona Nai Maromak nia Novidade Diak ba imi, hanesan mos uluk ema foo sai ba ita nia bei-ala sira. Maibee liafuan nebee sira rona nee la iha folin ba sira, tanba sira la fiar.

Ebreu 6:7

Ita bele kompara ema ho rai. Bainhira rai simu bebeik udan been, i depois foo rezultadu diak ba toos nain, Maromak mos foo bensaun ba rai nee.

Ebreu 8:10

Agora Hau, Nai Maromak, foo sai katak, aliansa nebee Hau sei halo ho povu Israel mak nee: Hau sei tau Hau nia lei iha sira nia neon, i sei hakerek Hau nia ukun fuan iha sira nia fuan-laran. Hau sei sai sira nia Nai Maromak, i sira sei sai Hau nia povu.

2 Pedro 3:18

Hakaas aan para loron ba loron konhese diak liu Nai Jesus Kristu ita nia Salvador, i hatene liu tan Nia laran diak. Mai ita foti aas Nia naran agora i too tinan ba tinan. Amen.

1 João 5:20

Ita hatene katak Maromak nia Oan mai ona, i Nia loke ona ita nia neon para ita bele konhese Ida nebee mak loos. Ita laran ida ona ho Ida nebee mak loos, ita mos laran ida ho Nia Oan Jesus Kristu. Nia mak Maromak loloos, i Nia mak moris rohan-laek.