Mateus 13:22 - Biblia Tetun Dili

²² Fini nebee monu iha duut tarak laran mak ema nebee rona Maromak nia Liafuan, maibee nia preokupa ho nia moris loro-loron nian, i matan naklosu ba rikusoin mundu nian. Nia preokupasaun nee la foo fatin ba Maromak nia Liafuan, nunee la halo ema nee buras.

Mateus 13:22 Iomraidhean Croise

Mateus 12:32

Nunee mos ema nebee mak koalia kontra Hau, Ema Oan, nia sei hetan perdaun. Maibee see mak koalia kontra Espiritu Santu, Maromak la foo perdaun ba nia too tinan ba tinan.”

Mateus 13:39

Inimigu nebee kari duut manlai nee mak diabu. Tempu kolheita mak bainhira mundu remata. I ema nebee halo kolheita mak Maromak nia anju sira.

Mateus 13:40

Hanesan duut manlai nebee fokit tiha hodi sunu iha ahi laran, nunee mos bainhira mundu nee remata.

Mateus 13:7

Fini balu monu iha duut tarak laran. Maibee duut tarak aumenta boot i habit fini nee too mate.

Lucas 12:15

Depois Jesus dehan ba ema barak nee, “Kuidadu! Matan moris neon nain, para imi la bele kaan ema nia sasaan. Tanba ema nia moris la depende ba nia rikusoin.”

Lucas 12:21

Nunee mos ho ema nebee halibur rikusoin ba nia aan rasik, maibee sai kiak iha Maromak nia futar oin.”

Lucas 21:34

Jesus hatutan tan dehan, “Matan moris neon nain! Keta halo festa hela deit, keta sai lanu-teen, no keta hanoin liu ba mundu nia hakarak. Se lae, bainhira Hau fila fali mai derepenti, imi hanesan animal fuik nebee molok hakfodak mono ba iha lasu.

Lucas 8:14

Fini nebee monu iha duut tarak laran, mak ema nebee rona Maromak nia liafuan, maibee sira preokupa ho sira nia moris ho sira nia rikusoin, i buka goza deit. Nunee, sira nia fiar la baa oin, i sira nia moris nunka foo rezultadu diak.

Apostolu sira nia Istoria 8:18

Simão haree katak bainhira sira nain rua tau liman iha ema nia ulun, sira simu Espiritu Santu. Entaun nia atu foo osan ba Pedro ho João, i nia husu dehan,

Roma 12:2

La bele halo tuir ema iha mundu nee nia hahalok. Maibee husik Maromak halo foun imi nia hanoin hodi muda imi nia laran. Nunee imi bele hatene loloos Maromak nia hakarak ba imi. Maromak nia hakarak nee buat nebee diak, loos i halo Nia laran haksolok.

1 Korintu 1:20

Entaun oinsaa ho ema matenek sira, mestri relijiaun sira no tesi lia nain sira? Sira nee matenek tuir mundu nian, maibee Maromak halo sira nia matenek nee la vale tiha.

1 Korintu 2:6

Maski nunee, bainhira ami koalia ho ema nebee abut metin ona iha Kristu, ami uza duni liafuan matenek nian. Maibee laos matenek mundu nian, i laos matenek tuir ukun nain sira iha mundu agora nian, tanba sira sei la iha tiha hotu.

1 Korintu 2:8

Nai Jesus nee makaas teb-tebes. Maibee ukun nain sira iha mundu nee, la iha ida mak komprende Maromak nia planu kona ba Nia. Se sira konhese Nia, sira la brani oho ita nia Nai iha krus.

1 Korintu 3:18

Keta bosok imi nia aan. Se iha ema ruma iha imi nia klaran hanoin dehan nia matenek tuir mundu nian, entaun diak liu nia sai beik tiha, atu nia bele sai matenek iha Maromak nia oin.

2 Korintu 4:4

Sira nia maromak mak diabu. I nia mak taka hela ema nebee la fiar nia hanoin, halo sira la bele haree naroman hosi Novidade Diak kona ba Kristu i Nia naroman nabilan makaas teb-tebes. Kristu nee hanesan loloos Maromak.

Galasia 1:4

Kristu foo-Aan ba mate hodi hamoos ita nia sala i hasai ita hosi buat aat iha mundu nee. Nia halo nunee tuir ita nia Aman Maromak nia hakarak.

Efezu 2:2

Iha tempu nebaa imi moris tuir mundu nia hakarak, i tuir mos diabu nia hakarak. Diabu mak ukun espiritu aat sira, i nia mak agora serbisu hela iha ema sira nebee lakohi tuir Nai Maromak.

1 Timóteo 6:17

Hatete ba ema riku sira iha mundu nee para sira la bele foti aan, i la bele laran metin ba sira nia rikusoin. Tan rikusoin sira nee hotu loron ida sei mohu. Hatete ba sira para laran metin ba Nai Maromak. Tan Nia mak foo buat hotu-hotu mai ita too res-resin, atu ita bele moris haksolok.

2 Timóteo 4:10

Tan Demas husik tiha ona hau hodi baa iha sidade Tesalónika, tanba hadomi liu buat mundu nian. Kresente baa tiha ona provinsia Galasia, i Tito mos baa tiha ona rai Dalmásia.