Mateus 13:21 - Biblia Tetun Dili

²¹ Maibee liafuan nee la metin i aguenta lalais deit. Bainhira susar kona nia, ka ema seluk halo terus nia tanba nia simu liafuan nee, nia husik tiha kedas.

Mateus 13:21 Iomraidhean Croise

Mateus 10:22

Ema iha nebee-nebee deit sei odi imi tanba imi tuir Hau. Maibee ema nebee mak aguenta nafatin too rohan, Maromak sei salva sira.

Mateus 11:6

Ema nebee fiar nafatin mai Hau too rohan, nia hetan bensaun. ”

Mateus 13:20

Fini nebee monu iha rai fatuk laran mak ema nebee rona Maromak nia Liafuan, i simu kedas ho laran haksolok.

Mateus 13:57

Nunee sira hirus i lakohi simu Nia. Maibee Jesus hatete ba sira, “Maromak nia profeta ema respeita iha nebee-nebee deit. So iha nia aldeia rasik no nia familia mak la respeita nia.”

Mateus 13:6

Maibee bainhira loro matan sae, loro manas sunu fini nebee foin moris sai mai nee too namlaik tiha, tanba abut la tama iha rai okos.

Mateus 24:13

Maibee ema nebee tuir nafatin Hau too rohan, Maromak sei salva nia.

Mateus 26:31

Bainhira sira lao dadaun Jesus hatete ba Nia eskolanti sira dehan, “Iha kalan nee kedas, imi hotu nia fiar sei nakdoko i sei halai husik hela Hau. Tanba iha Livru Sagradu hakerek tiha ona dehan, ‘Hau sei oho tiha bibi atan, i bibi sira sei halai namkari hotu.’

Mateus 26:33

Pedro hataan, “Maski sira hotu fiar nakdoko i halai namkari tanba sira haree saida mak akontese ba Ita Boot, hau sei la halai duni.”

Marcos 4:17

Maibee Liafuan nee la iha abut. Tanba nee mak la hela metin iha nia laran. Bainhira ema seluk ameasa nia, nia husik tiha kedas Liafuan nee.

Lucas 8:13

Fini nebee monu iha rai fatuk, mak ema nebee rona Maromak nia liafuan i simu ho haksolok, maibee sira nia abut la tama ba rai. Sira fiar duni, maibee bainhira sira hasoru provasaun ruma, sira husik kedas.

João 6:26

Jesus hataan, “Hau hatete loloos nunee: imi buka Hau laos tanba imi haree ona milagre. Maibee imi buka Hau, tanba Hau foo ona hahaan ba imi haan too bosu.

Roma 2:7

Maromak sei foo moris rohan-laek ba ema nebee badinas halo buat diak bebeik, atu nunee, Maromak respeita i foti aas sira nia naran.

Galasia 5:6

Nunee, se ita laran ida ho Kristu Jesus, ita sunat ka la sunat, nee la importante ida. Importante mak nee: ita fiar ba Kristu, i hatudu fiar nee liu hosi hadomi ema seluk.

Galasia 6:12

Ema sira nebee hakarak obriga imi tuir sunat, sira mos fiar ba Jesus Kristu. Maibee sira buka oin para ema Judeu sira seluk bele simu sira. Sira tauk, se sira hanorin dehan, Nai Maromak mos simu ema nebee la tuir lei sunat, entaun ema Judeu bele halo terus sira.

Galasia 6:15

Sunat ka la sunat, nee la importante. Maibee importante mak Maromak halo foun ona ita nia moris.

Efezu 3:17

Hau harohan atu Jesus Kristu hela metin iha imi nia laran, liu hosi fiar ba Nia. Hau mos halo orasaun para imi metin iha Nia domin hanesan ai huun nebee hamriik metin tanba nia abut tama klean ba rai.

Filipi 1:6

Nai Maromak hahuu ona halo serbisu diak iha imi. I hau laran metin katak, Nia sei kontinua nafatin too Nia serbisu nee hotu iha loron nebee Kristu Jesus fila fali mai hosi lalehan.

2 Timóteo 1:15

O hatene katak Fígelu ho Hermójenes ho sira seluk nebee hela iha provinsia Ázia fila kotuk husik hela hau.

2 Timóteo 4:10

Tan Demas husik tiha ona hau hodi baa iha sidade Tesalónika, tanba hadomi liu buat mundu nian. Kresente baa tiha ona provinsia Galasia, i Tito mos baa tiha ona rai Dalmásia.

Tiago 3:2

Ita hotu halo sala oi-oin. Ema nebee la halo sala ho nia liafuan, ema nee moris loos, i nia bele domina nia aan tomak.

1 Pedro 1:5

Tanba imi nia fiar ba Nai Maromak, Nia sei kuidadu nafatin imi hodi Nia kbiit too imi simu salvasaun nebee Maromak prepara tiha ona atu hatudu sai bainhira mundu nee remata.

Apokalipse 2:13

Hau hatene imi nia hela fatin nee, Satanás mak hela iha nebaa hodi ukun. Maski nunee imi kaer metin nafatin Hau nia naran. Iha imi nia sidade nee mos, ema oho tiha Antipas, ema ida nebee sempre foo sasin loloos kona ba Hau. Maski sira oho tiha nia mos, imi la husik imi nia fiar mai Hau.