Mateus 13:12 - Biblia Tetun Dili

¹² Tanba ema nebee komprende ona, Maromak sei halo nia komprende liu tan. Maibee ema nebee lakohi hatene, buat ituan nebee nia komprende tiha ona mos, Maromak sei hasai tiha hosi nia hanoin.

Mateus 13:12 Iomraidhean Croise

Mateus 21:43

“Nee duni Hau hatete ba imi, Maromak sei hasai Nia reinu hosi imi. Nia sei hili fali povu seluk nebee sei halo tuir Nia hakarak.

Mateus 25:29

Tanba ema nebee iha ona, sei simu tan too nakonu resin. Maibee ema nebee la iha, ituan nebee nia iha mos, sei hasai tiha hosi nia.

Marcos 12:9

Depois Jesus husu ba ema boot sira, “Tuir imi nia hanoin, toos nain nee atu halo saida ba ema sira aluga toos nee? Tuir Hau nia hanoin, toos nain sei baa iha toos nee, i sei oho tiha sira hotu. Depois nia foo fali nia toos nee ba ema seluk aluga.

Lucas 10:42

Afinal iha buat ida deit mak o presiza. Maria hili ona ida nebee diak liu, i la iha ema ida atu foti hosi nia.”

Lucas 12:48

Maibee atan nebee mak halo serbisu la loos tanba la hatene patraun nia hakarak, nia sei simu kastigu kamaan. Tanba ema nebee simu barak ona, Maromak sei husu barak ba nia. I ema nebee simu knaar boot, Maromak sei husu responsabilidade boot ba nia.”

Lucas 16:2

Entaun nia bolu ema nee hodi hatete, ‘Hau rona o halo saida mak nee?! Agora o tenki halo relatóriu ida mai hau, tanba o la bele kaer tan kargu nee ona.’

Lucas 16:25

Maibee Abraão hataan, ‘Oan, keta haluha, uluk o sei moris iha mundu, o simu buat diak hotu, o la falta buat ida. Maibee Lázaro so hetan terus deit. Agora Maromak halo haksolok Lázaro iha nee, i o terus teb-tebes iha nebaa.

Lucas 8:18

Nunee, imi tenki rona Hau nia hanorin ho atensaun. Tanba ema nebee rona ho atensaun, Maromak sei halo nia komprende liu tan. Maibee ema nebee lakohi rona, maski nia hanoin dehan nia komprende ituan, nia sei sai beik liu tan.

Lucas 9:26

See mak moe simu Hau i lakohi simu Hau nia liafuan, aban-bainrua Hau, Ema Oan, mos sei moe rekonhese nia bainhira Hau fila fali mai hosi lalehan. Hau sei tuun mai ho naroman nabilan nian, ho Aman Maromak nia kbiit tomak, i anju sira nia nabilan haleu Hau.

Tiago 4:6

Maski nunee, Nai Maromak sei hatudu Nia grasa boot liu tan ba ita. Tuir Livru Sagradu hatete: “Maromak kontra ema nebee foti aan, maibee Nia hatudu Nia laran diak ba ema nebee haraik aan.”

Apokalipse 2:5

Imi monu aat liu ona! Agora, hanoin fila fali imi nia domin uluk. Husik tiha imi nia sala nee hodi moris fali tuir imi nia hahalok ida uluk nia. Se lae, Hau sei mai hasai imi nia ahi-oan riin.