Mateus 13:11 - Biblia Tetun Dili

¹¹ Jesus hataan, “Uluk ema seidauk hatene, oinsaa mak Maromak ukun nudar Liurai. Agora Hau foo sai segredu Reinu lalehan nian ba imi, maibee ba ema sira nee lae.

Mateus 13:11 Iomraidhean Croise

Mateus 13:10

Depois Jesus nia eskolanti sira mai i husu Nia dehan, “Nusaa mak Ita Boot hanorin sira liu hosi komparasaun?”

Mateus 16:17

Jesus dehan, “Simão, Jonas nia oan, o hetan bensaun, tanba laos ema mak foo hatene ba o kona ba buat nee. Maibee Hau nia Aman iha lalehan mak foo hatene ba o.

Mateus 19:11

Jesus hataan, “Laos ema hotu-hotu mak bele komprende liafuan nee. So ema nebee Maromak foo kbiit ba sira mak bele komprende.

Mateus 20:23

Jesus hatete ba sira, “Loos duni, Hau nia kalis imi sei hemu duni, imi sei simu duni terus hanesan Hau. Maibee Hau la iha direitu atu hili see mak atu tuur iha Hau nia sorin loos ho sorin karuk. Kona ba ida nee Hau nia Aman iha lalehan desidi tiha ona.”

Marcos 10:40

Maibee kona ba tuur iha Hau nia sorin loos ka sorin karuk, nee laos Hau nia direitu. Nee Nai Maromak nia direitu. Nia desidi tiha ona, see mak bele tuur iha fatin nee.”

Marcos 4:11

Jesus hataan, “Tanba imi buka atu hatene duni Nai Maromak nia hakarak, Hau sei foo sai ba imi. Maibee, ba ema seluk, Hau hanorin deit ho komparasaun.

Lucas 8:10

Jesus hataan, “Uluk ema seidauk hatene Nai Maromak ukun nudar Liurai. Agora Hau foo sai momoos ba imi. Maibee ba ema seluk, Hau hanorin sira uza komparasaun deit, atu nunee ‘Sira haree, maibee hanesan sira la haree. Sira rona, maibee sira la komprende.’ ”

João 6:65

Jesus koalia tan, “Nee mak Hau foo hatene ona ba imi dehan, la iha ema ida nebee bele mai iha Hau, se Hau nia Aman iha lalehan la loke dalan ba nia.”

João 7:17

Ema nebee hakarak teb-tebes tuir Maromak nia hakarak, nia sei hatene Hau nia hanorin nee, mai hosi Maromak, ka mai hosi Hau rasik.

Apostolu sira nia Istoria 16:14

Ida naran Lídia, hosi sidade Tiatira. Senhora nee faan hena koor uvas nebee folin karu teb-tebes. Nia hamtauk ona ba Nai Maromak. Bainhira nia rona Paulo nia liafuan, Maromak loke nia laran hodi simu kedas buat nebee Paulo koalia.

Roma 11:25

Maun-alin sira, hau hakarak atu imi hatene Maromak nia planu nebee uluk segredu hela, para imi la bele foti aan. Nia planu mak nee: agora dadauk ema Israel barak sei ulun toos hasoru Maromak. Sira sei ulun toos too Maromak hili ona ema seluk tama hotu ba Maromak nia povu, foin sira fiar ba Nia.

Roma 16:25

Hahii ba Nai Maromak! Nia mak iha kbiit hodi halo ita sai forti, liu hosi Novidade Diak nebee hau foo sai ona kona ba Jesus Kristu. Hori uluk liu, ema la hatene Maromak nia planu kona ba Kristu, tanba sei segredu hela.

1 Korintu 13:2

Se karik hau iha kbiit hodi foo tutan Maromak nia lia menon, hau komprende Nia segredu hotu, hau hatene buat hotu-hotu, i hau fiar makaas too hau bele muda foho, maibee hau la iha domin, hau la iha folin ida.

1 Korintu 15:51

Rona didiak! Hau hakarak loke segredu ida nee ba imi. Hosi ita sira nee, balu deit mak sei mate. Maibee too loron ikus Maromak sei troka ita hotu nia isin lolon sai foun.

1 Korintu 2:14

Maibee se Maromak nia Espiritu la hela iha ema ida nia laran, ema nee sei la simu saida mak Maromak nia Espiritu koalia. Nia la bele komprende, nia hanoin liafuan nee buat beik ida, tanba so ho Espiritu nia tulun mak ema bele komprende.

1 Korintu 2:7

Matenek nebee mak ami foo sai nee, matenek Maromak nian. Molok mundu iha, Maromak iha ona planu hodi foti aas ita liu hosi Jesus, maibee durante nee Nia planu nee segredu hela.

1 Korintu 4:1

Nee duni, imi tenki konsidera ami nee Kristu nia atan deit. Maromak foo fiar mai ami atu foo sai Nia planu segredu.

1 Korintu 4:7

Imi hanoin dehan imi importante liu ema seluk ka? Buat hotu-hotu nebee imi iha, Maromak mak foo. Entaun nusaa mak imi foti aan hanesan fali imi hetan buat sira nee hosi imi nia kbiit rasik?

Efezu 1:18

Hau husu ba Maromak atu foo naroman ba imi para imi bele komprende buat hotu-hotu nebee Maromak promete ona atu foo. Imi hein ho laran metin atu simu buat sira nee, tanba Nia bolu ona imi sai Nia ema. Hau mos harohan atu imi komprende katak, bensaun nebee Maromak promete ona atu foo ba Nia povu santu nee makaas teb-tebes.

Efezu 1:9

Uluk Nai Maromak seidauk foo hatene Nia hakarak hotu ba ema. Maibee agora, Nia hatudu ona Nia planu mai ita. Nia desidi ona hori uluk atu Jesus Kristu halao planu nee.

Efezu 5:32

Liafuan nee klean teb-tebes, i tuir hau haree, hatudu mos ba Kristu ho Nia povu.

Efezu 6:19

Keta haluha halo orasaun mos mai hau, para bainhira hau loke hau nia ibun, Nai Maromak foo liafuan mai hau, atu hau bele foo sai segredu Novidade Diak nee ho brani.

Kolose 2:2

Hau hakaas aan nunee atu hametin imi hotu nia laran para imi hadomi malu ho neon ida laran ida. Ho nunee imi bele komprende loloos Maromak nia planu nebee uluk segredu hela, i bele laran metin katak planu nee loos duni. Maromak nia segredu mak nee: Kristu rasik.

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

1 Timóteo 3:9

Nia tenki laran moos i kaer no fiar metin lia loos nebee Maromak hatudu mai ita.

Tiago 1:5

Se iha imi ruma presiza matenek, husu ba Maromak maka Nia sei foo. Tan Maromak sei foo ba ema hotu-hotu ho laran luak.

1 João 2:20

Maibee imi la hanesan ho sira. Jesus Kristu haraik ona Nia Espiritu Santu ba imi, i nunee imi hotu hatene ona lia loos.

1 João 2:27

Maibee imi simu ona Nai Maromak nia Espiritu, i Nia Espiritu hela nafatin ho imi. Nunee imi la presiza mestri seluk atu hanorin imi, tanba Nia Espiritu rasik mak hanorin imi kona ba buat hotu-hotu, i saida mak Nia hanorin nee loos hotu, ida mos la sala. Entaun imi tenki moris laran ida nafatin ho Jesus Kristu tuir Nia Espiritu hanorin ona ba imi.