Mateus 12:44 - Biblia Tetun Dili

⁴⁴ Entaun nia dehan, ‘Diak liu hau fila fali ba hau nia hela fatin uluk.’ Bainhira nia fila, nia haree fatin nee mamuk, moos tiha ona i buat hotu-hotu tau tuir nia fatin.

Mateus 12:44 Iomraidhean Croise

Mateus 12:29

Hau foo ezemplu tan. Se ema ida hakarak tama ba hadau sasaan hosi ema forti ida nia uma, nia tenki futu tiha ema nee uluk mak foin bele naok sasaan hosi uma nee.

Mateus 12:43

“Bainhira espiritu aat sai hosi ema ida, espiritu aat nee baa lao lemo-lemo iha rai fuik maran hodi buka fatin atu hela, maibee nia la hetan.

Mateus 12:45

Depois espiritu aat nee baa bolu tan espiritu aat hitu nebee aat liu fali nia, i sira hotu baa hela iha ema nee. I ema nee nia kondisaun aat liu fali uluk. Nunee mos sei akontese ho ema aat sira nebee moris agora nee.”

Lucas 11:25

Bainhira nia fila, nia haree fatin nee ema dasa moos tiha ona, i buat hotu-hotu tau tuir nia fatin.

João 12:6

Judas dehan ida nee laos tanba nia hadomi ema kiak sira, maibee nia nee, ema naok-teen ida. Nia mak Jesus sira nia tezoreiru, i sempre foti osan hosi kofre.

João 13:2

Tempu nee, diabu tau lia ba Judas, Simão Eskariotes nia oan, para faan Jesus. Bainhira Jesus sira tuur haan festa Paskua, Judas desidi ona atu halo nunee.

João 13:27

Simu tiha paun nee, diabu tama kedas iha Judas nia laran. I Jesus hatete ba nia, “Lalais! O hakarak halo saida, halo ona baa.”

1 Korintu 11:19

tanba hanoin la hanesan sempre iha. Hosi nee mak ema bele haree, see mak halo tuir Maromak nia hakarak, i see mak la halo tuir.

Efezu 2:2

Iha tempu nebaa imi moris tuir mundu nia hakarak, i tuir mos diabu nia hakarak. Diabu mak ukun espiritu aat sira, i nia mak agora serbisu hela iha ema sira nebee lakohi tuir Nai Maromak.

1 João 2:19

Ema sira nebee kontra Kristu nee uluk hamutuk ho ita, maibee agora sees ona hosi ita. Maski sira uluk iha ita nia klaran, sira laos ema nebee fiar duni ba Kristu, nee mak sira lakohi hamutuk ona ho ita. Sira husik tiha ita, nee hatudu katak, sira nee la halo parte ho ita.

1 João 4:4

Hau nia oan doben sira, imi Nai Maromak nia ema. I imi halakon tiha ona profeta falsu sira, tanba Espiritu nebee hela iha imi nee, forti liu espiritu ida nebee hela iha mundu nee.