Mateus 12:41 - Biblia Tetun Dili

⁴¹ Iha loron ikus bainhira Maromak tesi ema hotu-hotu nia lia, ema sira hosi sidade Ninive sei hamriik hamutuk ho ema sira agora nee, hodi foo kastigu ba imi. Tanba uluk, bainhira Jonas baa foo sai Maromak nia Liafuan ba sira, sira husik kedas sira nia sala. Agora Ida iha imi nia leet nee boot liu fali Jonas.

Mateus 12:41 Iomraidhean Croise

Jonas 1:2

“Rona mai! Agora o baa iha nasaun Asiria nia sidade boot, Ninive, iha loro sae, nebee inimigu ho Israel. Baa foo hatene ba ema sira iha nebaa dehan, ‘Nai Maromak haree ona imi nia aat. Nee mak Nia atu kastigu ona imi.’ ”

Jonas 3:4

Bainhira Jonas too ona iha nebaa, nia hahuu lao haleu sidade laran. Nia lao loron tomak ida. I nia koalia ho lian makaas hodi hatete ba ema Ninive sira, dehan, “Imi ema Ninive sira, rona didiak mai! Loron 40 tan, Nai Maromak sei harahun imi no sidade Ninive nee.”

Mateus 12:39

Jesus hataan, “Imi ema agora nee mesak aat deit i la foo laran ba Maromak! Imi eziji Hau hatudu sinal ida. Maibee Hau sei la hatudu. Hau so hatudu deit sinal nebee uluk halo liu hosi profeta Jonas.

Mateus 12:42

I liurai feto hosi rai Seba, mos sei moris fali, i hamriik hodi foo kastigu ba imi nebee moris agora, tanba uluk nia mai hosi rai dook atu rona rasik liafuan matenek nian hosi liurai Salomão. Afinal agora iha imi nia leet iha Ida ke boot liu fali liurai Salomão.”

Mateus 12:45

Depois espiritu aat nee baa bolu tan espiritu aat hitu nebee aat liu fali nia, i sira hotu baa hela iha ema nee. I ema nee nia kondisaun aat liu fali uluk. Nunee mos sei akontese ho ema aat sira nebee moris agora nee.”

Mateus 12:6

Hau dehan ba imi, agora iha imi nia leet iha Ema ida boot liu uma kreda.

Mateus 16:4

Imi agora nee mesak aat deit i la foo laran ba Maromak! Imi husu Hau hatudu sinal atu imi bele fiar. Maibee Hau sei la hatudu. Milagre nebee uluk Maromak halo liu hosi profeta Jonas too ona.” Koalia tiha hotu, Jesus lao husik tiha sira.

Mateus 17:17

Jesus siak sira hotu dehan, “Imi nee jerasaun nebee la fiar ba Maromak i sempre halo aat. Hau tenki hela ho imi too bainhira tan? Hau tenki pasiensia ho imi too iha nebee? Lori labarik nee mai.”

Mateus 23:36

Hau hatete loloos ba imi, sira hotu nia mate, imi nebee moris agora mak lori todan.”

Lucas 11:32

I laos liurai feto nee deit. Ema sira iha Ninive mos sei hamriik hodi foo sala ba imi, tanba uluk, bainhira Jonas baa foo sai Maromak nia liafuan ba sira, sira husik kedas sira nia sala. Agora iha imi nia leet iha Ema ida nebee boot liu fali Jonas, maibee imi lakohi husik imi nia sala.”

João 3:31

João koalia tan dehan, “Ida nebee tuun mai hosi Maromak iha lalehan, Nia mak boot liu hotu-hotu. Maibee hau mai hosi mundu nee, tan nee mak hau hanesan ho ema hotu-hotu iha mundu nee. Hau koalia kona ba buat sira nebee akontese loro-loron iha mundu nee. Maibee ida nebee tuun mai hosi lalehan, Nia makaas liu hotu-hotu.

João 4:12

Oinsaa? Senhor boot liu fali ami nia bei-ala Jaco? Nia mak husik hela posu nee mai ami. I nia rasik mos hemu bee hosi posu nee. Nia oan sira ho nia animal sira mos hanesan.”

Roma 2:27

Ema sira nebee la sunat maibee moris tuir Maromak nia lei, sira sei foo sala ba imi ema Judeu. Tanba imi hatene lei nee hori uluk kedas i imi mos sunat tiha ona, maibee imi kontra fali lei nee.

Ebreu 11:7

Noé fiar ba Nai Maromak. Nee mak bainhira Maromak foo hatene dehan, Nia atu halo rai nabeen, Noé mos rona. Maski Noé seidauk haree buat nee, maibee nia hakruuk ba Nai Maromak hodi halo roo para salva nia aan ho mos nia familia. Tanba nia fiar nee, Maromak konsidera nia ema ida nebee moris loos. Maibee ema sira seluk iha tempu nebaa hetan kastigu too mate mohu tanba sira la fiar ba Maromak hanesan Noé.