Mateus 12:34 - Biblia Tetun Dili

³⁴ Imi nee hanesan samea nebee fila lia tuun-sae! Imi ema laran aat bele koalia buat diak? Lae! Tanba buat nebee mak iha ema nia laran, ida nee mak sei sai hosi nia ibun.

Mateus 12:34 Iomraidhean Croise

Lucas 6:45

Nunee mos ho ema. Ema nebee diak koalia buat diak, tanba nia laran mos diak. I ema nebee aat koalia buat aat, tanba nia laran mos aat. Tanba buat nebee nia koalia, sai hosi nia fuan-laran.”

Mateus 15:18

Maibee buat nebee mak sai hosi ema nia ibun mai hosi nia laran. Ida nee mak halo foer nia.

Efezu 4:29

Bainhira imi koalia, la bele koalia liafuan tolok no aat. Maibee koalia deit liafuan diak nebee ema presiza rona, para hametin sira nia laran. Liafuan hanesan nee sei ajuda sira.

1 João 3:10

Imi bele hatene ida nebee mak Maromak nia oan, i ida nebee mak diabu nia oan, hanesan nee: see mak la halo buat nebee loos no la hadomi nia maun-alin iha Kristu, ema nee laos Maromak nia oan.

Mateus 12:35

Ema nebee diak koalia liafuan diak, tanba nia laran nakonu ho buat diak. I ema nebee aat koalia buat aat, tanba nia laran nakonu ho buat aat.

João 8:44

Imi nia hahalok hanesan diabu, tanba imi gosta halo tuir diabu nia hakarak. Hosi hahuu kedas nia oho door ema. Nia kontra buat nebee loos, tan nia la simu buat loos hotu-hotu. Se nia bosok teen, nee ba nia baibain. Tan nia nee, bobar lia door, no bosok-teen hotu nia huun.

Mateus 23:33

He! Imi hanesan samea nebee fila lia tuun-sae! Oinsaa imi bele halai sees hosi kastigu iha infernu?

Mateus 3:7

Iha mos ema barak mai hosi grupu relijiaun Farizeu ho Saduseu atu João foo sarani sira. Maibee bainhira João haree sira, nia siak sira dehan, “He! Imi hanesan samea nebee fila lia tuun-sae! Maromak sei kastigu imi tanba imi nia hahalok aat. Karik ema bosok imi dehan imi bele sarani para sees aan hosi kastigu nee.

Lucas 3:7

Ema barak mai hosi fatin-fatin hodi husu para João foo sarani sira. Maibee nia siak sira dehan, “He! Imi hanesan samea nia oan! See mak hatete ba imi para imi bele halai hosi Maromak nia kastigu nebee atu mai?

Efezu 5:4

La bele tolok, ka koalia nar-naran, ka konta liafuan aat, tanba buat sira nee la serve atu Maromak nia ema koalia. Maibee foo agradese ba Maromak.

Tiago 3:2

Ita hotu halo sala oi-oin. Ema nebee la halo sala ho nia liafuan, ema nee moris loos, i nia bele domina nia aan tomak.