Mateus 11:5 - Biblia Tetun Dili

⁵ Ema matan delek bele haree. Ema lao la diak bele lao. Ema moras lepra, isin sai moos. Ema tilun diuk bele rona. Ema mate bele moris fali. Ema kiak rona Novidade Diak.

Mateus 11:5 Iomraidhean Croise

Mateus 10:8

Baa kura ema moras, halo moris fali ema mate, halo ema moras lepra isin moos fali, i duni sai espiritu aat hosi ema nia laran. Imi simu kbiit nee ho gratis, nunee mos imi tenki foo ho gratis.

Mateus 11:4

Jesus hataan dehan, “Imi fila baa konta ba João kona ba buat hotu-hotu nebee imi ohin rona ho saida mak imi haree.

Mateus 12:13

Depois Nia dehan ba ema liman sorin mate nee, “Lolo o nia liman nee mai!” Ema nee lolo baa, i nia liman diak kedas hanesan fali nia liman sorin.

Mateus 21:14

Hotu tiha, ema matan delek ho ema ain kudeik sira mai hasoru Jesus iha area uma kreda boot nee, i Nia kura sira hotu.

Mateus 5:3

Jesus hanorin nunee: ”Ema sira nebee senti kiak iha Maromak nia futar oin no depende ba Nia, sira hetan bensaun, tanba sira nee Maromak nia ema.

Mateus 9:30

Sira nain rua nia matan haree moos kedas. I Jesus bandu makaas sira dehan, “La bele foo hatene buat nee ba see-see deit.”

Marcos 7:37

I ema sira nebee rona notisia nee, sira admira teb-tebes no doko ulun. Sira foo hatene ba malu dehan, “Ema nee laos halimar! Nia bele halo buat hotu-hotu sai diak. Ema tilun diuk bele rona. Ema monok mos bele koalia.”

Marcos 9:25

Bainhira Jesus haree ema barak halai mai hamutuk iha fatin nee, Nia hatete ba espiritu aat nee, “Espiritu aat nebee halo labarik nee diuk no monok, sai ona hosi nia! I la bele tama tan ba nia ona.”

Lucas 4:18

“Nai Maromak nia Espiritu iha Hau. Tanba Nia foti ona Hau para foo sai Novidade Diak ba ema kiak sira. Nia haruka ona Hau foo hatene dehan, ema dadur sira sei livre fali, ema matan delek sira sei haree moos fali, sira nebee ema hanehan, sei moris livre,

João 10:25

Jesus hataan, “Hau foo hatene tiha ona, maibee imi la fiar. Afinal serbisu sira nebee Hau halo, hotu-hotu tuir Hau nia Aman nia orden. Serbisu sira nebee Hau halo nee mak hatudu, see mak Hau.

João 10:38

Maibee Hau halao Nia serbisu nafatin. Entaun maski imi la fiar Hau, maibee pelu-menus, imi fiar ba milagre sira nebee Hau halo. Nunee, imi bele komprende katak, Hau nia Aman hamutuk ho Hau, i Hau hamutuk ho Nia.”

João 2:23

Jesus hela lalais deit iha sidade Jerusalem, hodi selebra loron boot Paskua. Ema barak haree Nia halo milagre oi-oin i sira fiar ba Nia.

João 3:2

Iha kalan ida, nia baa hasoru Jesus, hodi dehan, “Mestri! Ami hatene katak Maromak mak haruka Ita Boot mai hanorin ami. Tanba milagre sira nebee Ita Boot halo nee, hatudu katak Maromak mak foo kbiit ba Ita Boot. Se laos nunee, buat sira nee sei la akontese.”

João 5:36

Tuir loloos, iha Ema ida boot liu João nebee foo sasin kona ba Hau. Nia mak Hau nia Aman iha lalehan, nebee foo knaar hotu mai Hau, para Hau halao too remata. Serbisu sira nee mak hatudu katak, Aman mak haruka Hau mai.

João 9:7

Nia hameno dehan, “Baa iha bee tanki Siloe, hodi fasi o nia oin iha nebaa.” (Ho lian Ebreu, Siloe signifika dehan, ‘haruka mai’.) Ema matan delek nee baa nebaa, hodi fasi nia oin. Bainhira nia fila, nia haree diak ona.

Apostolu sira nia Istoria 2:22

Maun-alin Israel sira, see tilun mai. Nai Maromak hili ona Jesus, ema Nazaré. Imi rasik hatene buat nee, tanba imi haree ona Nai Maromak hatudu ona Jesus hodi halo milagre ho sinal iha imi nia leet. Sinal sira nee halo ema admira.

Tiago 2:5

Maun-alin doben sira, rona mai. Nai Maromak hili ona ema kiak tuir mundu nia haree, atu sai riku iha fiar. Maromak nudar Liurai hili ona sira hodi sai Maromak nia reinu nebee Nia promete ona atu foo ba Nia povu nebee hadomi Nia.