Mateus 11:3 - Biblia Tetun Dili

³ “Ita Boot mak Ema ida nebee Maromak promete atu haruka mai ka, ami tenki hein ema seluk?”

Mateus 11:3 Iomraidhean Croise

Jenesis 12:3

Hau sei foo bensaun ba ema nebee foo bensaun ba o. Maibee Hau sei foo malisan ba ema nebee foo malisan ba o. Rona didiak mai! Nasaun hotu-hotu iha mundu sei hetan bensaun liu hosi o.”

Jenesis 3:15

Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”

Jenesis 49:10

O nee sei kaer ukun. O nia jerasaun sira mos sei kaer ukun tutuir malu, too iha ida mak iha direitu liu hodi tuur kaer ukun nee. I nasaun sira hotu sei hakruuk i rona ba Nia.

Mateus 11:10

Uluk kedas Livru Sagradu temi ona kona ba nia dehan, ‘Rona mai! Hau haruka Hau nia ema ida baa uluk O hodi prepara dalan ba O.’

Mateus 11:4

Jesus hataan dehan, “Imi fila baa konta ba João kona ba buat hotu-hotu nebee imi ohin rona ho saida mak imi haree.

Mateus 21:5

“Hatete ba Jerusalém oan sira nunee: ‘Haree baa, imi nia Liurai mai iha imi. Nia mai ho haraik Aan, sae deit kuda buru salak.’ ”

Mateus 21:9

Ema balu lao uluk iha Jesus nia oin, balu lao hosi kotuk. Sira hotu haklalak hahii Maromak dehan, “Hosana, liurai David nia Jerasaun! Maromak foo bensaun ba Ida nebee mai lori Nai Maromak nia naran. Hosana, hahii Nia iha fatin aas liu!”

Marcos 11:9

I sira balu lao iha Jesus nia oin, balu iha Nia kotuk. Sira komesa haklalak, “Hosana! Ami hahii Nai Maromak! Nai foo bensaun ba Ema nebee mai hodi Nia naran!

Lucas 19:38

Sira haklalak ho haksolok dehan, “Nai Maromak foo bensaun ba Liurai! Nia mai hodi Nai Maromak nia naran. Agora ema dame malu ona ho Maromak iha lalehan. Hahii ba Maromak nebee ukun iha fatin aas liu!”

João 11:27

Marta hataan, “Loos! Hau fiar katak Nai mak Kristu, Ema nebee Nai Maromak hatudu kedas hori uluk. I Ita Boot, Nai Maromak nia Oan, nebee Nia promete ona atu haruka mai iha mundu nee.”

João 12:13

Nunee sira baa taa ramus hodi simu Jesus, hanesan ema boot. Sira haklalak hamutuk dehan, “Hosana! Ami hahii Nai Maromak! Tanba Maromak hatudu nia laran diak ba liurai Israel, nebee mai lori Nai nia naran.”

João 16:14

Nia sei foti aas Hau, tanba Nia sei hatudu ba imi buat hotu nebee loos kona ba Hau.

João 4:21

Jesus hataan, “Ita fiar ba Hau Nia koalia, tanba Hau koalia loos. Sei too nia tempu, imi adora Maromak iha foho nee, ka iha Jerusalem, fatin rua nee la iha folin tan ona.

João 6:14

Bainhira ema barak haree milagre nebee Jesus halo ona nee, sira dehan, “Ema ida nee laos halimar. Nia nee, mak profeta nebee Maromak promete ona atu haruka mai.”

João 7:31

Hosi ema barak sira nee, iha ema barak mos fiar ba Nia. Sira koalia dehan, “Ema ida nee halo milagre barak ona. Bainhira Kristu mai, Nia la halo milagre liu fali Ema ida nee. Loos, ka lae?”

Ebreu 10:37

Tanba iha Livru Sagradu hakerek ona dehan, “La kleur tan, Ema ida nebee atu mai nee, sei mai duni, Nia sei la demora.