Mateus 11:25 - Biblia Tetun Dili

²⁵ Iha tempu nee, Jesus agradese ba Maromak dehan, “Hau nia Aman, lalehan ho rai nia Nain, Hau agradese ba Ita Boot, tanba Ita Boot taka buat sira nee ba ema matenek ho ema eskola boot, maibee Ita Boot hatudu fali ba ema nebee kiik.

Mateus 11:25 Iomraidhean Croise

Jenesis 14:19

I nia foo bensaun ba Abrão dehan, “Nai Maromak Aas Liu, nebee halo lalehan ho rai, foo bensaun ba o. Grasa ba Nai Maromak, ida nebee halo o manaan ona o nia inimigu.” Depois Abrão fahe sasaan nebee nia hadau tiha ona ba parte sanulu. Parte ida nia foo ba Melkizedek. Ida nee mak dehan dizimu.

Jenesis 14:22

Maibee Abrão hataan dehan, “Hau jura iha NAI Maromak Aas Liu nia oin, Maromak nebee halo lalehan ho rai,

Mateus 16:17

Jesus dehan, “Simão, Jonas nia oan, o hetan bensaun, tanba laos ema mak foo hatene ba o kona ba buat nee. Maibee Hau nia Aman iha lalehan mak foo hatene ba o.

Mateus 21:16

Nunee sira hasee Jesus dehan, “O la rona ka? Labarik sira haklalak saida ba O nee?! ” Jesus hataan, “Hau rona. Maibee iha Livru Sagradu dehan, ‘Maromak hanorin labarik sira ho kiik-oan sira nebee sei susu hela atu hahii Ita Boot.’ Liafuan nee imi la lee ka?”

Lucas 22:42

“Hau nia Aman, se Ita Boot hakarak, hasai tiha terus ida nee hosi Hau. Maibee la bele halo tuir Hau nia hakarak, halo tuir deit Ita Boot nia hakarak.”

Lucas 23:34

[Jesus halo orasaun dehan, “Hau nia Aman, foo perdaun ba ema sira nee nia sala, tanba sira la hatene saida mak sira halo.”] Depois soldadu sira dada rifa hodi fahe Jesus nia hena ba malu.

João 11:41

Entaun ema sira iha nebaa muda tiha fatuk boot nee hosi fatuk kuak. Jesus hateke ba lalehan i dehan, “Aman, Hau agradese ba Ita Boot, tanba Ita Boot rona Hau.

João 12:27

Jesus koalia tan dehan, “Hau senti laran susar. Maibee Hau atu dehan saida tan? Hau tenki husu dehan, ‘Hau nia Aman, hasai Hau para Hau la bele mate agora,’ ka? Lae! Hau la husu nunee, tanba Nia haruka Hau mai para Hau mate duni.

João 12:28

Nunee, Hau husu hanesan nee: ‘Hau nia Aman, Hau tuir deit Aman nia hakarak, para ema hotu-hotu foti aas Aman nia naran.’ ” Iha lian ida mai hosi lalehan dehan, “Hau foti aas ona Hau nia naran. I Hau atu foti aas fali tan.”

Apostolu sira nia Istoria 17:24

Nia mak halo lalehan ho rai, ho buat hotu-hotu iha mundu nee. Nia mak Liurai nebee ukun lalehan ho rai. Nunee Nia la hela iha uma lulik nebee ema mak halo.

1 Korintu 2:10

Agora Maromak foo sai tiha ona buat nee mai ita liu hosi Nia Espiritu. Nia Espiritu nee buka hatene buat hotu-hotu too nia huun. Iha Maromak nia hanoin nebee klean mos, Nia Espiritu buka tuir hotu.

2 Korintu 3:14

Maibee ema Israel sira nia hanoin sai beik tiha. Too agora mos, bainhira ema lee Maromak nia lei ho aliansa antigu nian, sira rona hela, maibee hanesan hena ida taka hela sira nia oin. Maibee, bainhira ita fiar ba Kristu mak foin Maromak hasai hena nee.