Mateus 11:21 - Biblia Tetun Dili

²¹ Jesus dehan, “Imi ema Korazim sei terus. I imi ema Betsaida mos sei terus. Hau halo ona milagre bar-barak iha imi nia leet, maibee imi lakohi husik imi nia sala. Ema nebee hela iha sidade Tiru ho Sidon nunka haree milagre sira nee. Se sira haree karik, maka sira sei tuur iha ahu kdesan i hatais hena lutu hodi hatudu katak sira husik ona sira nia sala.

Mateus 11:21 Iomraidhean Croise

Mateus 11:22

Maibee Hau hatete ba imi, iha loron ikus bainhira Maromak tesi ema hotu-hotu nia lia, imi sei simu kastigu todan liu fali ema Tiru ho ema Sidon.

Mateus 15:21

Depois Jesus husik tiha fatin nee hodi baa fali iha rai ida besik sidade Tiru ho Sidon.

Mateus 18:7

Mundu nee susar barak tanba iha buat barak mak halo ema monu ba sala. Loos duni, buat aat sira nee sempre iha. Maibee see mak halo ema seluk monu ba sala, nia sei simu terus.

Mateus 26:24

Hau, Ema Oan tenki mate duni tuir buat nebee hakerek tiha ona iha Livru Sagradu. Maibee ema nebee faan Hau nee, sei terus teb-tebes. Diak liu ema ida nee lalika moris.”

Marcos 6:45

Nee liu tiha, Jesus haruka Nia eskolanti sira baa sae bero hodi baa uluk iha aldeia Betsaida, iha tasi sorin baa. Maibee Nia sei hela iha fatin nee, hodi haruka ema barak nee fila ba uma.

Marcos 7:24

Liu tiha nee, Jesus sira husik hela fatin nee, hodi baa iha sidade ida, naran Tiru. Too iha nebaa, Nia tama liu ba iha uma ida, tanba Jesus lakohi atu ema hatene katak Nia iha fatin nee. Maibee Nia subar aan la diak.

Marcos 7:31

Liu tiha nee, Jesus sira husik tiha sidade Tiru, i baa fali iha sidade Sidon. Depois Nia lao too iha tasi Galileia. Tuir mai, Nia baa iha rai Dekapolis.

Marcos 8:22

Tuir mai, Jesus ho Nia eskolanti sira too iha aldeia Betsaida. Iha fatin nee ema lori ema matan delek ida baa Jesus. Sira husu ba Jesus para bele kura nia matan.

Lucas 4:26

maibee Maromak la haruka Elias baa sira. Nia haruka fali baa iha feto faluk ida iha aldeia Sarepta besik sidade Sidon.

Lucas 6:17

Hotu tiha Jesus ho Nia apostolu sira tuun mai hosi foho nee. Too iha rai tetuk ida, sira para, tanba iha ema lubuk boot ida hein hela sira iha nebaa. Hosi ema sira nee, iha barak mak baibain tuir Nia. Iha mos ema barak mai hosi sidade Jerusalém ho provinsia Judeia tomak, i hosi sidade Tiru ho Sidon besik tasi ibun.

Lucas 9:10

Bainhira Jesus nia apostolu sira fila fali mai, sira konta ba Jesus buat hotu-hotu nebee sira halo ona. Depois Jesus lori sira sees aan baa iha aldeia Betsaida.

João 12:21

I sira baa koalia ho Filipe, hosi aldeia Betsaida iha provinsia Galileia. Sira husu dehan, “Senhor, ami hakarak hasoru Jesus.”

Apostolu sira nia Istoria 12:20

Liurai Erodes hirus teb-tebes ema sira hosi sidade Tiru ho Sidon. Maibee sira presiza hahaan hosi liurai Erodes nia rain. Entaun sira haruka delegasaun ba Erodes hodi buka dame ho nia. Too iha nebaa, sira hetan apoiu hosi liurai nia funsionariu boot ida naran Blastu.

Apostolu sira nia Istoria 27:3

Iha aban fali, ami too iha sidade Sidon. Komandante Júlio haree Paulo diak loos, i hatete ba nia para bele tuun baa haree nia kolega sira iha rai maran, atu sira bele foo buat nebee Paulo presiza.

Judas 1:11

Sira sei terus! Tanba sira tuir Kaín nia dalan. Sira hakarak teb-tebes hetan osan, too monu ba sala hanesan Balaão. I sira rahun tanba sira hanesan Koré nebee lori ema barak kontra Moisés ho Arão.

Apokalipse 11:3

I Maromak sei haruka Nia ema nain rua baa foo sasin kona ba Nia. Sira sei hatais hena lutu hodi foo sai Maromak nia profesia durante fulan hirak nee hotu. Nee hamutuk loron rihun ida atus rua neen-nulu.”

Apokalipse 6:12

Depois hau haree Bibi Oan loke tan karimbu fatin numeru neen. Derepenti rai nakdoko makaas. Loro-matan sai nakukun tiha hanesan hena metan, fulan sai mean hanesan raan.