Mateus 11:11 - Biblia Tetun Dili

¹¹ Hau hatete loloos ba imi, iha mundu nee la iha ema ida nebee moris hosi inan ida nebee boot liu João Sarani Nain. Maski nunee, ema nebee kiik liu iha Reinu lalehan nian nia sei boot liu João.

Mateus 11:11 Iomraidhean Croise

Mateus 11:10

Uluk kedas Livru Sagradu temi ona kona ba nia dehan, ‘Rona mai! Hau haruka Hau nia ema ida baa uluk O hodi prepara dalan ba O.’

Mateus 11:12

Hosi tempu João Sarani Nain mai too agora, ema ataka Reinu lalehan nian hodi domina nia.

Mateus 3:1

Molok Jesus hahuu Nia knaar, João Sarani Nain komesa hanorin ema iha rai fuik maran iha rai Judeia.

Mateus 3:11

Hau foo sarani imi ho bee deit para hatudu katak imi husik ona imi nia sala. Maibee la kleur tan, Ema ida boot liu hau sei mai. Atu kore deit Nia sandalias talin mos, hau la serve. Nia nee sei sarani imi ho Espiritu Santu no ho ahi.

Mateus 5:19

Nunee, see mak halakon Maromak nia ukun fuan ruma mezmu ke hanoin lei nee kiik-oan deit, i hanorin ema seluk atu lalika halo tuir, Maromak sei konsidera nia ema kiik liu iha Nia reinu. Maibee see mak moris tuir ukun fuan sira nee i hanorin ema seluk mos atu halo tuir, Maromak sei konsidera nia ema boot iha Nia reinu.

Lucas 1:15

Nai Maromak sei konsidera nia nudar ema boot. Durante nia moris tomak, imi nia oan nee la bele hemu tua no tua manas. Nia sei nakonu ho Maromak nia Espiritu Santu dezde iha nia inan nia kabu-laran.

Lucas 7:28

Hau hatete ba imi, la iha ema ida nebee moris hosi feto iha mundu nee boot liu João. Maski nunee, see mak hakruuk ba Maromak nudar Liurai, nia bele ema kiik mos, nia boot liu fali João.

Lucas 9:48

Nia hatete ba sira, “See mak simu labarik nee hodi Hau nia naran, nia simu Hau. I see mak simu Hau, nia simu mos Ida nebee haruka Hau mai. Ema nebee haraik aan nudar ema kiik, nia mak boot liu iha Maromak nia futar oin.”

João 1:15

João foo sai kona ba Ema nee. João koalia ho lian makaas dehan, “Hotu-hotu, rona mai! Nia nee mak ida nebee hau hatete tiha ona dehan, ‘La kleur Ema ida atu mai. Nia nee, boot liu hau. Tanba molok hau moris, Nia iha tiha ona!’ ”

João 1:27

Nia boot liu hau. Maski hau mak hanorin uluk, maibee atu kore deit nia sandalias talin mos, hau la serve.”

João 10:41

Ema barak mai buka Nia. Sira koalia ba malu dehan, “João nunka halo milagre ida. Maibee buat hotu nebee nia koalia kona ba Jesus nee, loos.”

João 3:30

Importante mak nee, Nia tenki sai ema boot ba bebeik, i husik hau sai ema kiik ba bebeik.”

João 5:35

João nia koalia nee, hanesan ahi oan ida nebee lakan hodi foo naroman. Bainhira nia sei lakan hela, imi nia laran haksolok.

João 7:39

Jesus koalia kona ba Maromak nia Espiritu, tanba ema hotu nebee fiar ba Jesus sei simu Espiritu nee. Maibee bainhira Jesus koalia ida nee, sira seidauk simu Maromak nia Espiritu, tanba Maromak seidauk foo. Maromak seidauk foo tanba Nia seidauk foti aas Jesus.

1 Korintu 15:9

Hau mak kiik liu hosi apostolu sira hotu. Tuir loloos, hau la serve atu ema bolu hau apostolu, tanba uluk hau halo terus Maromak nia povu.

1 Korintu 6:4

Nusaa mak problema hanesan nee, imi entrega fali ba juiz nebee naran la diak iha sarani sira nia leet?

Efezu 2:3

Uluk ita hotu moris nunee. Ita halo buat aat saida deit mak ita kaan atu halo, i tuir deit ita nia isin nia hakarak ho hanoin nebee aat. Tanba nee Maromak atu kastigu ona ita, hanesan mos Nia atu kastigu ema aat sira seluk.

Efezu 3:8

Hosi Maromak nia povu santu hotu-hotu nebee fiar, hau mak kiik liu. Maski nunee, Maromak foo fiar mai hau para foo hatene ba ema nebee laos Judeu, kona ba Kristu nia laran diak mai ita nebee ita sukat la too.

2 Timóteo 1:10

Agora, Kristu Jesus nebee salva ita, mai tiha ona, i ita haree ona Nia laran diak mai ita. Mate nia poder, Nia halo rahun tiha ona! I Nia foo sai liu hosi Nia Novidade Diak katak Nia loke dalan ba ita atu moris nafatin tinan ba tinan ho Nai Maromak.

Ebreu 11:40

Nee tanba Maromak halo tuir nia promesa nebee Nia desidi ona atu halo buat diak liu tan mai ita. Nia hakarak para sira nebee moris uluk ita hein ita nebee moris agora, hodi halo ita hotu moris hamutuk iha Kristu.

1 Pedro 1:10

Uluk profeta sira foo sai ona kona ba Nai Maromak nia laran diak ba imi. Sira buka hatene didiak oinsaa mak Nai Maromak atu salva imi.