Mateus 11:1 - Biblia Tetun Dili

¹ Bainhira Jesus hanorin tiha buat sira nee hotu ba Nia eskolanti nain sanulu resin rua, Nia husik tiha fatin nee. Depois Nia baa iha aldeia ba aldeia iha rejiaun nee hodi hanorin ema i foo sai Nai Maromak nia Novidade Diak.

Mateus 11:1 Iomraidhean Croise

Mateus 28:20

I hanorin sira atu halo tuir buat hotu-hotu nebee mak Hau hatete ona ba imi. Keta haluha, Hau sempre hamutuk ho imi too mundu nee remata.”

Mateus 4:23

Jesus lao iha provinsia Galileia tomak hodi hanorin iha ema Judeu sira nia uma kreda. Nia foo sai Novidade Diak kona ba oinsaa Maromak ukun nudar Liurai. I Nia mos kura ema nebee iha moras oi-oin.

Mateus 7:28

Bainhira Jesus hanorin tiha hotu, ema barak nebee rona Nia nee admira,

Mateus 9:35

Jesus lao iha sidade ba sidade no aldeia ba aldeia hodi hanorin iha uma kreda sira. Nia foo sai Novidade Diak kona ba oinsaa Maromak ukun nudar Liurai. I ema nebee iha moras oi-oin Nia kura tiha hotu.

Marcos 6:12

Depois sira lao baa hatoo Nai Maromak nia Novidade Diak, i hanorin ema dehan, “Imi hotu tenki husik ona imi nia sala, i fila fali tuir nafatin Nai Maromak nia hakarak.”

Lucas 23:5

Maibee sira ulun toos nafatin hodi protesta dehan, “Lae, Nia tau lia ba povu no hanorin iha nebee ba nebee para povu halo rungu-ranga, komesa hosi provinsia Galileia, too iha rai Judeia tomak, mai too iha nee.”

Lucas 8:1

Hotu tiha, Jesus lao hosi sidade ba sidade ho aldeia ba aldeia hodi foo sai Novidade Diak kona ba Nai Maromak ukun nudar Liurai. Nia eskolanti nain sanulu resin rua akompanha Nia.

João 15:10

Se imi halo tuir Hau nia ukun-fuan sira, entaun imi metin nafatin ho Hau, nunee Hau bele hatudu Hau nia domin nafatin ba imi. Nee hanesan Hau halo tuir Hau nia Aman nia ukun-fuan, para Nia hatudu nia domin nafatin mai Hau.

João 15:14

Se imi tuir Hau nia ukun-fuan nafatin, imi sai Hau nia belun.

Apostolu sira nia Istoria 10:38

Imi mos hatene ona katak Nai Maromak foo Nia Espiritu Santu ho mos poder ba Jesus, ema Nazaré. Depois Jesus tama-sai aldeia-aldeia hodi halo diak ba ema, i kura ema hotu nebee Satanás halo terus, tanba Nai Maromak hamutuk ho Nia.

Apostolu sira nia Istoria 10:42

Nunee Nai Maromak haruka ami baa foo sai Nai Jesus nia Novidade Diak ba ema iha fatin-fatin. Nia haruka ami foo sasin katak, Nai Maromak foti ona Jesus nee sai tesi lia nain ba ema moris ho mos ba ema nebee mate tiha ona, hodi hakotu see mak bele moris hamutuk ho Nai Maromak, i see mak lae.

1 Tesalonika 4:2

Imi hatene ona regra saida mak ami hanorin ona ba imi hodi Nai Jesus nia naran.

2 Tesalonika 3:10

Iha tempu nebaa, ami rai hela regra ida ba imi nunee, “See mak lakohi halo serbisu, la bele haan.”

2 Tesalonika 3:6

Maun-alin sira, hau foo orden ba imi hodi Nai Jesus Kristu nia naran, imi hadook hosi maluk kristaun sira nebee baruk-teen. Sira la halo tuir buat nebee ami hanorin ona ba imi kona ba serbisu.

1 Timóteo 6:14

hau haruka para o halo tuir Nai Maromak nia orden nee hotu. Nunee ema la foo sala ba o too ita nia Nai Kristu Jesus fila fali mai hosi lalehan.