Mateus 10:42 - Biblia Tetun Dili

⁴² Hau dehan loloos ba imi, see mak foo bee kopu ida deit ba ema kiik ida tanba ema nee tuir Hau, Maromak la haluha nia kolen.”

Mateus 10:42 Iomraidhean Croise

Mateus 18:10

“Jesus koalia tan dehan, keta hanoin dehan ema kiik sira nee la iha folin. Hau hatete ba imi, anju sira nebee hamriik iha Hau nia Aman Maromak nia oin, iha lalehan, sempre tau matan ba sira.

Mateus 18:14

Nunee mos imi nia Aman iha lalehan lakohi atu labarik kiik sira ida lakon.”

Mateus 25:40

Hau sei hataan, ‘Hau hatete loloos ba imi! Bainhira imi halo saida deit ba Hau nia maluk ida, maski ba ema kiik ida mos, nee hanesan imi halo ona mai Hau.’

Lucas 17:2

See mak halo ema nebee fiar sei fraku monu ba sala, diak liu kesi fatuk boot iha nia kakorok i lori nia ba soe iha tasi laran.

Lucas 6:35

Maibee tuir loloos hanesan nee: hadomi o nia inimigu sira, i halo diak ba sira. Foo empresta ba sira, i lalika hein atu sira selu fila fali. Ho nunee, o sei hetan premiu boot, i o sei sai Maromak Aas Liu nia oan. Tanba Maromak mos halo diak ba ema aat ho ema nebee la hatene foo obrigadu.

2 Korintu 8:12

Tanba se imi foo ho laran tuir buat nebee imi iha, Maromak simu. Buat nebee mak imi la iha, lalikan foo.

Ebreu 6:10

Nai Maromak nee sempre halo buat nebee loos. Nia sei la haluha imi nia kolen ho imi nia domin ba Nia, tanba hori uluk too agora, imi tulun Maromak nia povu, nee hatudu katak imi mos hadomi Maromak.