Mateus 10:41 - Biblia Tetun Dili

⁴¹ See mak simu profeta ida tanba profeta nee foo sai Maromak nia Liafuan, bainhira Maromak selu profeta sira nia kolen, ema nee mos sei simu hanesan profeta sira simu. I see mak simu ema ida nebee moris loos tanba nia moris nee loos, bainhira Maromak selu ema moris loos sira nia kolen, ema nee mos sei simu hanesan.

Mateus 10:41 Iomraidhean Croise

Jenesis 20:7

Agora, o haruka nia fila ona ba nia laen. Nia laen nee Hau nia profeta. Nunee o husu ba nia halo orasaun ba o, para o keta mate. Maibee se o la foo fila fali feto nee, o kuidadu! Tanba se lae, o ho o nia ema hotu sei mate.”

Mateus 16:27

Tanba aban-bainrua Hau, Ema Oan sei fila fali mai hosi lalehan ho Hau nia Aman nia naroman nabilan, hamutuk ho Nia anju sira. Iha tempu nee mak Hau sei foo ba ema ida-idak tuir saida mak sira halo.

Mateus 25:44

Sira mos husu, ‘Nai, hori bainhira mak ami haree Ita Boot hamlaha ka hamrook, ka hanesan ema lao rai, ka la iha ropa, ka moras ka iha komarka i ami la tau matan?’

Mateus 25:45

Hau sei hataan, ‘Hau hatete loloos ba imi! Bainhira imi la halo buat sira nee ba Hau nia maluk ida, maski la halo ba ema kiik ida mos, nee hanesan imi la halo mai Hau.’

Mateus 6:1

Jesus hanorin nafatin dehan: “Kuidadu, keta foti aan hodi hatudu imi nia hahalok diak iha ema nia oin para sira haree. Se imi halo nunee, imi nia Aman iha lalehan sei la selu imi nia kolen.

Mateus 6:18

Nunee, bainhira ema haree imi la nota katak imi jejun. Maibee, imi nia Aman deit iha lalehan mak hatene. Nia haree hotu saida mak ema halo nonook, i Nia sei selu imi nia kolen.”

Mateus 6:4

Nunee, o foo nonook deit, maka o nia Aman iha lalehan haree hotu saida mak o halo nee, i Nia sei selu o nia kolen.”

Mateus 6:6

Maibee bainhira imi halo orasaun, tama iha kuartu laran, taka odamatan i halo orasaun ba imi nia Aman iha lalehan, nebee ema ida la haree. Maski ema la haree, Nia haree hotu saida mak ema halo nonook, i Nia sei selu imi nia kolen.

Mateus 7:8

Tanba see mak husu bebeik ba Maromak, nia sei simu. See mak buka bebeik, nia sei hetan. See mak tuku bebeik odamatan, Maromak sei loke ba nia.

Apostolu sira nia Istoria 16:15

Depois ami sarani Lídia ho ema hotu nebee hela ho nia. I nia konvida ami dehan, “Senhor sira, se imi hanoin hau fiar tebes ba Nai Jesus, entaun imi baa hela lai iha hau nia uma.” Nia hamaus bebeik, too ikus mai ami mos simu.

Roma 16:23

Gaio mos foo kumprimentus ba imi. Hau, Paulo, hela iha nia uma, i hau nia maluk sarani sira baibain halibur malu halo orasaun iha nee. Erastu, tezoreiru iha sidade nee, ho ita nia maluk Kuartu mos foo kumprimentus ba imi.

1 Korintu 9:17

Se hau rasik mak hakarak foo sai Novidade Diak nee, entaun hau bele hein atu simu hau nia direitu. Maibee Maromak mak foo fiar mai hau atu halao serbisu nee. Nunee hau la hein atu simu buat ida, tanba hau halo tuir deit buat nebee mak Nia foo mai hau.

Ebreu 6:10

Nai Maromak nee sempre halo buat nebee loos. Nia sei la haluha imi nia kolen ho imi nia domin ba Nia, tanba hori uluk too agora, imi tulun Maromak nia povu, nee hatudu katak imi mos hadomi Maromak.

2 João 1:8

Kuidadu didiak, keta rona ema sira nee, maibee kaer metin lia loos, para aban-bainrua Maromak bele foo premiu ba imi. Se lae, ami nia serbisu ba imi mos saugati deit.