Mateus 10:4 - Biblia Tetun Dili

⁴ Simão, ida nebee tuir partidu Patriota, ho Judas Iscariotes, nebee ikus mai nia mak faan Jesus.

Mateus 10:4 Iomraidhean Croise

Mateus 26:14

Depois Judas Iscariotes, eskolanti ida hosi sanulu resin rua nee, baa hasoru nai lulik nia xefi sira.

Mateus 26:15

Too iha nebaa nia husu, “Se hau entrega Nia ba imi nia liman, imi sei foo saida mai hau?” Entaun sira selu osan mutin tolu-nulu ba nia.

Mateus 26:2

“Imi hatene katak, hela tan loron rua atu festa Paskua. Iha loron nee, ema sei entrega Hau, Ema Oan atu prega mate iha krus.”

Mateus 26:47

Jesus sei koalia hela, Judas, eskolanti ida hosi sira nain sanulu resin rua nee, too mai. Ema barak teb-tebes mai hamutuk ho nia, lori surik ho ai dona. Ema sira nee, nai lulik nia xefi sira ho katuas lia nain sira mak haruka.

Mateus 27:3

Bainhira Judas, eskolanti nebee faan Jesus nee, hatene katak sira atu kastigu mate Jesus, nia mos arepende. Depois nia lori fali osan mutin tolu-nulu nee hodi baa entrega iha nai lulik Judeu nia xefi sira ho katuas lia nain sira.

Marcos 14:10

Nee liu tiha, Jesus nia eskolanti ida hosi sira nain sanulu resin rua nee, naran Judas Iscariotes baa buka nai-lulik nia ulun sira, atu faan Jesus ba sira. Too iha nebaa, Judas hatoo nia hanoin ba sira.

Marcos 14:43

Jesus sei koalia hela, Judas mai ho ema barak. Sira mai lori ai dona ho punhal hodi kaer Jesus. Sira halo nunee, tuir orden hosi ulun Judeu sira nia. Sira nee mak nai lulik nia xefi sira, mestri relijiaun sira, ho katuas sira.

Lucas 22:3

Depois Satanás tama iha Judas nia laran. Judas nee Jesus nia eskolanti ida hosi sira nain sanulu resin rua; ema mos bolu nia Iscariotes.

Lucas 22:47

Jesus sei koalia hela, Judas, eskolanti ida hosi sira nain sanulu resin rua nee, lori ema barak mai. Nia besik baa hodi rei Jesus.

João 13:2

Tempu nee, diabu tau lia ba Judas, Simão Eskariotes nia oan, para faan Jesus. Bainhira Jesus sira tuur haan festa Paskua, Judas desidi ona atu halo nunee.

João 6:64

Maibee iha ema balu hosi imi la fiar ba Hau”. Jesus koalia nunee, tanba Nia hatene ona hosi hahuu, see mak la fiar no see mak sei faan Nia.

João 6:71

Nia koalia nee kona ba Judas, Simão Iskariotes nia oan. Judas nee, Jesus nia eskolante ida hosi eskolante sanulu resin rua nee. Nia nee mak sei faan Jesus.

Apostolu sira nia Istoria 1:13

Too iha sidade, sira baa tama iha uma ida nebee sira hela baa, i sira sae liu ba iha andar leten. Jesus nia apostolu sira nia naran mak nee: Pedro, João, Tiago, André, Filipe, Tomé, Bartolomeu, Mateus, Tiago (Alfeu nia oan), Simão (membru partidu Zelot), ho Judas (Tiago nia oan).