Mateus 10:26 - Biblia Tetun Dili

²⁶ “Nunee lalika tauk ema sira nee. Tanba buat hotu-hotu nebee agora taka hela, loron ida sei nakloke. I buat hotu-hotu nebee agora subar hela, aban-bainrua ema sei hatene.

Mateus 10:26 Iomraidhean Croise

Mateus 10:28

La bele tauk ema nebee mak hakarak oho imi, tanba sira so bele oho deit imi nia isin lolon, imi nia klamar sira la bele oho. Diak liu imi tauk ba Maromak, tanba Nia mak iha kbiit hodi oho imi nia isin lolon i soe imi nia klamar ba infernu.

Marcos 4:22

Nunee, buat nebee mak agora subar hela, aban-bainrua sei bele haree. Buat nebee mak agora ita la hatene, aban-bainrua sei bele hatene.

Lucas 24:47

I ema sei foo sai hodi Kristu nia naran katak, see mak husik nia sala, Maromak foo perdaun ba nia. Sira sei foo sai nunee iha nasaun hotu-hotu, hahuu hosi Jerusalém.

Lucas 8:17

Nunee mos, buat hotu-hotu nebee agora sei subar hela, iha loron ida sei hatudu momoos. I buat hotu-hotu nebee agora segredu hela, iha loron ida ema sei hatene.

Apostolu sira nia Istoria 1:8

Maibee bainhira Espiritu Santu tuun iha imi, imi sei simu kbiit. Depois mak imi baa foo sasin kona ba Hau, iha sidade Jerusalém, iha provinsia Judeia no Samaria tomak, no too rai ulun rai ikun.”

Apostolu sira nia Istoria 4:13

Ema sira nebee tesi lia nee hatene katak Pedro ho João ema baibain, la eskola boot. Nunee sira admira teb-tebes ho sira nain rua nia brani nee, i sira hatene katak ema nain rua nee, uluk hamutuk ho Jesus.

Apostolu sira nia Istoria 4:19

Maibee Pedro ho João hataan, “Senhor sira desidi rasik baa. Nebee mak diak liu? Halo tuir senhor sira nia orden ka halo tuir Nai Maromak nia orden?

1 Korintu 4:5

Nee duni la bele julga ema seluk, tanba tempu atu tesi lia seidauk too. Hein too Nai Jesus fila fali mai hosi lalehan. Nia sei tesi ema hotu-hotu nia lia. Saida deit mak ema halo iha nakukun laran, Nia sei foo sai iha ema hotu nia oin. Too ema nia hanoin nebee segredu mos, Nia sei hatudu sai. Depois Maromak mak sei gaba ema ida-idak tuir sira nia serbisu nebee sira halo ba Nia.

1 Pedro 3:14

Maibee se imi tenki terus ba lia loos, imi sorti boot. Tanba nee, imi la bele tauk i laran taridu ba buat nebee ema sira nebee la fiar ba Kristu tauk.