Mateus 10:25 - Biblia Tetun Dili

²⁵ Se estudante ida sai hanesan nia mestri, nee too ona. I atan ida sai hanesan nia patraun, nee mos too ona. Se xefi familia rasik ema bolu dehan, diabu Belzebu, saa tan membru familia sira iha uma laran nee.”

Mateus 10:25 Iomraidhean Croise

Mateus 12:24

Maibee bainhira ema hosi grupu relijiaun Farizeu rona nunee, sira dehan, “Ema nee bele duni sai espiritu aat tanba Nia simu kbiit hosi Belzebu, espiritu aat sira nia xefi.”

Mateus 12:27

Imi duun Hau dehan, hodi Belzebu nia kbiit mak Hau duni sai espiritu aat. Entaun bainhira imi nia eskolanti sira duni sai espiritu aat, sira mos uza Belzebu nia kbiit ka? Lae! Imi nia eskolanti sira rasik mak sei hatete sai katak, buat nebee imi duun Hau nee, la loos.

Mateus 9:34

Maibee ema Farizeu sira dehan, “Nia duni sai espiritu aat nee tanba espiritu aat nia xefi mak foo kbiit ba Nia.”

Marcos 10:39

Sira hataan, “Ami bele, Mestri!” Jesus hatete tan ba sira, “Loos duni. La kleur tan, imi mos hetan terus hanesan Hau.

Marcos 3:22

Iha tempu nee, mestri relijiaun balu mai hosi sidade Jerusalém. Sira dehan ba ema sira iha nebaa nunee, “Rona mai! Imi la bele tuir Jesus nee. Tanba diabu, nebee ema bolu Belzebu, tama ona iha Nia laran. Belzebu nee mak foo forsa ba Jesus para duni sai espiritu aat sira.”

Lucas 11:15

Maibee iha ema balu dehan, “Nia duni sai espiritu aat, tanba espiritu aat nia xefi Belzebu mak foo kbiit ba Nia.”

Lucas 11:18

Nunee mos, se diabu nia reinu haan malu hela deit, diabu nia ukun sei la dura. Maski nunee, imi duun Hau dehan, hodi Belzebu nia kbiit mak Hau duni sai espiritu aat.

Lucas 11:19

Se nunee, bainhira imi nia ema sira duni sai espiritu aat sira, sira mos uza Belzebu nia kbiit ka? Lae! Imi nia ema sira rasik mak sei hatete sai katak, buat nebee imi duun Hau nee, la loos.

João 10:20

Ema barak hosi sira dehan, “Ema ida nee bulak. Espiritu aat tama iha Nia. Nusaa mak imi hakarak rona Nia?”

João 7:20

I ema barak nee husu, “O koalia saida mak nee? Karik espiritu aat tama ona iha o. See mak atu oho o?”

João 8:48

Ema Judeu nia boot sira hataan, “Ami dehan loos duni. Tan ami dehan ona, O nee, laos ema Judeu isin, maibee O ema Samaria. Espiritu aat tama iha O.”

João 8:52

Rona nunee, ema Judeu nia boot sira dehan ba Nia, “Agora ami hatene ona katak O koalia hanesan ema bulak, tanba espiritu aat tama ona iha O. Abraão rasik mate, no Maromak nia profeta sira uluk nee mos mate. Maibee O dehan, ‘Ema nebee rona no halo tuir Hau nia Liafuan, sei la mate.’ O bulak duni!