Mateus 10:23 - Biblia Tetun Dili

²³ Bainhira ema halo terus imi iha sidade ida tanba imi fiar mai Hau, halai ba sidade seluk. Hau hatete loloos ba imi, imi seidauk haleu sidade hotu iha Israel laran, Hau Ema Oan fila fali mai ona.

Mateus 10:23 Iomraidhean Croise

Mateus 16:27

Tanba aban-bainrua Hau, Ema Oan sei fila fali mai hosi lalehan ho Hau nia Aman nia naroman nabilan, hamutuk ho Nia anju sira. Iha tempu nee mak Hau sei foo ba ema ida-idak tuir saida mak sira halo.

Mateus 16:28

Hau hatete loloos ba imi, hosi imi sira nee, balu sei moris too haree Hau, Ema Oan mai ukun nudar Liurai, mak foin sira mate.”

Mateus 2:13

Bainhira matenek nain sira fila tiha, Nai Maromak nia anju mai hatudu aan ba José liu hosi mehi. Anju nee foo hatene dehan, “Hadeer ona! Lori Labarik nee ho Nia inan halai ba iha rai Ejitu, tanba Erodes buka hela Labarik nee atu oho Nia. Hela iha nebaa too hau foo hatene fali ba o katak imi bele fila.”

Mateus 23:34

Tanba nee, rona didiak! Hau sei haruka nafatin ba imi profeta sira, ema matenek sira ho mos mestri sira nebee hanorin Maromak nia Liafuan. Maibee imi sei oho balu, i prega balu ba iha krus. Sira seluk imi baku ho sikoti iha imi nia uma kreda i duni hosi aldeia ba aldeia.

Mateus 23:36

Hau hatete loloos ba imi, sira hotu nia mate, imi nebee moris agora mak lori todan.”

Mateus 24:27

Tanba bainhira Hau, Ema Oan fila fali mai hosi lalehan, ema hotu sei haree momoos, hanesan rai lakan nebee naroman hosi lorosae too loromonu.

Mateus 24:30

Iha loron nee, ema hotu-hotu iha mundu sei haree sinal ida iha loro-leten hatudu katak Hau, Ema Oan, atu mai ona. Haree nunee, sira nebee lakohi simu Hau sei tanis ho laran susar. Depois ema hotu-hotu sei haree Hau, Ema Oan tuun mai iha kalohan leten, ho kbiit boot no naroman nabilan nian.

Mateus 24:34

Hau hatete loloos ba imi, hosi jerasaun nebee moris iha tempu nee, iha balu sei moris too buat sira nee hotu akontese.

Mateus 24:48

Maibee se atan nee ema aat ida, nia hanoin dehan, ‘Patraun sei kleur mak fila.’

Mateus 25:13

Konta hotu tiha, Jesus hatete, “Tanba nee, matan moris neon nain nafatin baa. Tanba imi la hatene loron ho oras nebee mak Hau atu fila fali mai.”

Mateus 26:64

Jesus hataan, “Loos duni, hanesan ita dehan nee. Maibee Hau hatete ba imi, aban-bainrua imi sei haree Hau, Ema Oan tuur iha Maromak Forsa Teb-tebes nia sorin loos. I imi sei haree Hau tuun mai hosi lalehan iha kalohan laran.”

Mateus 4:12

Iha loron ida, Jesus rona katak ema kaer tiha João Sarani Nain hodi baa dadur iha komarka. Nunee Jesus husik tiha provinsia Judeia hodi baa fali iha provinsia Galileia.

Marcos 13:26

Nee liu tiha, foin ema haree Hau, Ema Oan, tuun mai hosi kalohan. Nunee ema sei haree Hau nia naroman nabilan, ho Hau nia kbiit boot hotu.

Lucas 18:8

Hau hatete ba imi, Maromak sei desidi kedas sira nee ema moris loos. Maibee Hau hakarak husu nunee: Aban-bainrua Hau, Ema Oan, fila fali mai iha mundu, Hau sei hetan ema nebee fiar mai Hau ka lae?”

Lucas 21:27

Entaun mak sira haree Hau, Ema Oan tuun mai iha kalohan laran, ho kbiit boot ho naroman nabilan nian.

João 7:1

Liu tiha nee, Jesus lao baa-mai iha provinsia Galileia. Nia lakohi lao baa-mai iha provinsia Judeia, tanba ema Judeu nia boot sira iha nebaa atu oho Nia.

Apostolu sira nia Istoria 17:10

Iha kalan nee kedas, ema sarani sira iha sidade Tesalónika, haruka Paulo ho Silas baa iha sidade ida naran Bereia. Too iha nebaa, sira baa tama iha uma kreda ema Judeu sira nian hodi hanorin.

Apostolu sira nia Istoria 17:14

Nee mak ema sarani sira iha Bereia lori kedas Paulo ba iha tasi ibun. Maibee Silas ho Timóteo hela nafatin iha Bereia.

Apostolu sira nia Istoria 20:1

Bainhira sidade Efezu hakmatek fila fali, Paulo halibur ema nebee tuir Jesus hodi hametin sira nia laran. Depois nia despede sira hodi baa provinsia Masedónia.