Mateus 10:22 - Biblia Tetun Dili

²² Ema iha nebee-nebee deit sei odi imi tanba imi tuir Hau. Maibee ema nebee mak aguenta nafatin too rohan, Maromak sei salva sira.

Mateus 10:22 Iomraidhean Croise

Mateus 10:39

Ema nebee hanoin liu nia moris iha mundu nee, nia sei lakon nia moris. Maibee see mak lakon nia moris iha mundu nee tanba nia tuir Hau, nia sei hetan moris rohan-laek.”

Mateus 24:13

Maibee ema nebee tuir nafatin Hau too rohan, Maromak sei salva nia.

Mateus 24:9

Ema iha nasaun hotu-hotu sei odi imi tanba imi tuir Hau. Sira sei entrega imi ba ema seluk hodi halo terus imi i oho imi.

Mateus 5:11

Bainhira ema hatete aat imi i halo terus imi tanba imi tuir Hau, ka sira bobar lia tuun-sae hodi hatete aat imi nia naran tanba Hau, imi hetan bensaun.

Marcos 13:13

Nunee ema sei odi makaas imi, tanba imi fiar ba Hau. Maibee see mak fiar nafatin ba Hau too mate, Nai Maromak sei salva nia.”

Lucas 21:17

I ema iha fatin-fatin sei odi imi, tanba imi tuir Hau.

Lucas 21:19

Se imi aguenta nafatin, imi sei hetan moris rohan-laek.”

Lucas 6:22

Bainhira ema odi imi, lakohi simu imi, tarata imi i duun imi dehan imi ema aat, tanba tuir Hau, Ema Oan, imi hetan bensaun.

Lucas 8:15

Maibee fini nebee monu iha rai bokur, mak ema nebee moris loos ho laran moos. Bainhira sira rona Maromak nia liafuan, sira rai didiak iha sira nia laran hodi kaer metin nafatin too foo rezultadu diak teb-tebes.”

João 17:14

Hau hatoo ona Aman nia Liafuan ba sira. Ema seluk iha mundu nee odi Hau nia ema, tanba Hau nia ema sira nee moris la hanesan sira. Hau mos nunee, Hau la hanesan ho ema iha mundu nee.

João 7:7

Ema iha mundu nee la odi imi, maibee sira odi teb-tebes Hau, tanba Hau loke no hatudu momoos sira nia hahalok hotu. Tan sira nia laran aat.

Apostolu sira nia Istoria 9:16

Hau sei hatudu ba nia katak, nia sei terus barak tanba nia tuir Hau.”

Roma 2:7

Maromak sei foo moris rohan-laek ba ema nebee badinas halo buat diak bebeik, atu nunee, Maromak respeita i foti aas sira nia naran.

2 Korintu 4:11

Iha ami nia moris nee, ami dala barak atu mate sal-sala tanba tuir Jesus. Nunee ema mos haree Jesus nia moris iha ami nia isin lolon nebee sei mate nee.

Galasia 6:9

Nee duni la bele baruk halo buat nebee diak. Tanba too iha nia loron, ita sei simu rezultadu diak, naran katak ita halo diak nafatin.

Ebreu 3:14

Ita sai ona laran ida ho Jesus Kristu, naran katak ita kaer metin nafatin ita nia fiar hosi huun too rohan.

Ebreu 6:11

Ami hakarak atu imi ida-idak hatudu nafatin imi nia domin nee too rohan, atu nunee imi bele laran metin katak, imi sei hetan buat nebee mak Nai Maromak promete tiha ona atu foo ba imi.

Tiago 1:12

Maromak foo bensaun boot ba ema nebee aguenta ho pasiensia bainhira hasoru susar oi-oin. Bainhira nia manaan, Maromak sei foo koroa ida ba nia. Koroa nee mak moris nebee Maromak promete ona atu foo ba ema nebee hadomi Nia.

1 João 3:13

Maun-alin sira, se ema nebee moris tuir mundu nia hakarak odi imi, lalika hakfodak.

Apokalipse 2:10

Maski nunee imi lalikan tauk kona ba terus nebee mak imi sei hetan. Hau hatete ba imi, diabu sei halo imi balu sai dadur iha kadeia hodi koko imi nia fiar. Imi sei hetan terus too loron sanulu. Maibee imi tenki tuir nafatin Hau too mate, maski ema oho imi. Se imi halo nunee, Hau sei foo prémiu moris rohan-laek nian ba imi.

Apokalipse 2:17

Imi nebee iha tilun, rona didiak saida mak Maromak nia Espiritu hatete ba sarani sira. See mak manaan, Hau sei foo ai haan manaa. Ai haan nee agora sei subar hela. Hau mos sei foo fatuk mutin ba sira ida-idak. Iha fatuk nee hakerek naran foun, naran nee ema ida sei la hatene, so ema nebee simu fatuk nee deit mak hatene.’ ”

Apokalipse 2:26

Ema nebee manaan no halo tuir nafatin Hau nia hakarak too rohan, Hau sei foo ba sira kbiit nebee Hau hetan hosi Hau nia Aman. Hau foo kbiit ba sira hodi ukun nasaun sira nebee kontra Nai Maromak ho liman besi. Sira sei ukun ho rota nebee halo ho besi, i hodi rota nee sira sei halo rahun tiha povu hanesan fali ema halo rahun sanan rai.

Apokalipse 2:3

Ema halo terus imi tanba imi fiar mai Hau, maibee imi aguenta nafatin, i la kole.

Apokalipse 2:7

Imi nebee iha tilun, rona didiak saida mak Maromak nia Espiritu hatete ba sarani sira. Ema nebee manaan, Hau sei foo direitu ba nia para bele haan ai fuan nebee lori nia ba moris rohan-laek. Ai fuan nee nia huun moris iha Nai Maromak nia toos Eden.’ ”

Apokalipse 3:21

See mak manaan, Hau sei foo direitu ba nia para tuur ukun hamutuk ho Hau, hanesan mos Hau manaan tiha ona, i agora Hau tuur ukun hamutuk ho Hau nia Aman.