Mateus 10:2 - Biblia Tetun Dili

² Sira nain sanulu resin rua nia naran mak hanesan tuir mai nee: Primeiru, Simão, ema mos bolu nia Pedro, ho nia alin André, Tiago ho nia alin João, sira nain rua Zebedeu nia oan,

Mateus 10:2 Iomraidhean Croise

Mateus 17:1

Liu tiha loron neen, Jesus lori Pedro, Tiago ho João Tiago nia alin, sira mes-mesak baa sae foho aas ida.

Mateus 20:20

Depois Zebedeu nia feen mai hamutuk ho nia oan Tiago ho João. Senhora nee mai hakneak iha Jesus nia oin hodi husu atu Jesus foo buat ruma ba nia.

Mateus 26:37

Nia lao tan ituan, i Nia lori Pedro ho Zebedeu nia oan nain rua, Tiago ho João. Iha tempu nee Jesus nia laran tristi teb-tebes i la hakmatek.

Mateus 4:18

Iha loron ida Jesus lao hela iha tasi ibun Galileia nian. Nia haree peskador nain rua soe hela dai iha tasi. Sira nain rua nee maun-alin, maun naran Simão, ema mos bolu nia Pedro. Alin naran André.

Mateus 4:21

Jesus lao nafatin, Nia haree tan ema nain rua, Tiago ho nia alin João. Sira nain rua hadia hela redi iha roo laran hamutuk ho sira nia aman Zebedeu. Jesus bolu tan sira nain rua atu tuir Nia.

Marcos 1:29

Bainhira sira sai hosi uma kreda nee mai, Jesus baa iha Simão ho Andre nia uma. Tiago ho João baa hamutuk ho sira.

Marcos 13:3

Liu tiha nee, Jesus baa iha foho Oliveira. Nia tuur hodi hateke hela ba Nai Maromak nia uma kreda boot. Depois Nia eskolanti nain haat baa koalia ho Nia. Ema nain haat nee mak, Pedro, Tiago, João ho André.

Marcos 6:30

Iha loron ida, Jesus nia eskolanti sira nebee Nia haruka baa nee, sira fila fali mai hamutuk ho Nia. I sira konta ba Jesus buat hotu-hotu nebee mak sira halo ona, ho mos buat nebee mak sira hanorin ona ba ema.

Lucas 11:49

Tanba nee, Nai Maromak koalia sai Nia matenek kona ba imi dehan, ‘Hau sei haruka Hau nia profeta sira ho apostolu sira ba imi maibee imi sei halo terus balu, i oho balu.’

Lucas 22:14

Bainhira oras too ona, Jesus ho Nia apostolu sira tuur haleu meza atu haan hamutuk.

Lucas 22:8

Entaun Jesus haruka Pedro ho João, dehan, “Imi nain rua baa uluk prepara hahaan ba Paskua, para orsida ita haan hamutuk.”

Lucas 9:10

Bainhira Jesus nia apostolu sira fila fali mai, sira konta ba Jesus buat hotu-hotu nebee sira halo ona. Depois Jesus lori sira sees aan baa iha aldeia Betsaida.

João 12:22

Filipe baa foo hatene ba Andre, i sira nain rua baa koalia ho Jesus.

João 13:23

Iha nebaa mos iha eskolante ida hosi sira nebee Jesus hadomi (mak hau, João, nebee hakerek livru nee). Hau tuur iha Jesus nia sorin.

João 20:2

Entaun nia halai fila fali ba Simão Pedro, no hau, Jesus nia eskolante nebee Nia hadomi nee. Nia hatete dehan, “Ema naok tiha ona ita nia Nai nia mate isin hosi rate! Ita la hatene sira tau Nia iha nebee.”

João 21:2

Tempu nee, Jesus nia eskolante nain hitu halibur hamutuk hela. Sira nee, mak: Simão Pedro, Tome, nebee sira bolu, ‘oan kaduak’, Natanael, hosi aldeia Kanaa iha provinsia Galileia, Zebedeu nia oan nain rua, ho Jesus nia eskolante nain rua seluk.

João 21:20

Iha tempu nee, Pedro haree ba kotuk, i nia haree hau tuir hosi sira nain rua nia kotuk. Hau eskolante ida nebee Jesus hadomi. Hau mos tuur iha Jesus nia sorin bainhira ami tuur hamutuk haan iha festa Paskua. Hau mak husu ba Nia, “Senhor, see mak sei faan Ita Boot?”

João 21:24

Eskolante nebee Jesus koalia nee, mak hau, João. Hau mak konta buat sira nee hotu ba imi. Hau mak haree ho hau nia matan rasik. I hau mak hakerek buat sira nee hotu. Ita hotu hatene katak, saida mak hau foo hatene ba imi nee, loos duni.

João 6:67

Depois Jesus husu ba Nia eskolante nain sanulu resin rua nee dehan, “Imi oinsaa? Imi mos hakarak dada aan hosi Hau, ka?”

João 6:70

Jesus foo hatene ba sira dehan, “Hau hili ona imi nain sanulu resin rua. Maibee entre imi sira nee, iha ida mak hanesan diabu!”

João 6:71

Nia koalia nee kona ba Judas, Simão Iskariotes nia oan. Judas nee, Jesus nia eskolante ida hosi eskolante sanulu resin rua nee. Nia nee mak sei faan Jesus.

João 6:8

Entaun Jesus nia eskolante ida tan, naran Andre, Simão Pedro nia alin, foo hatene ba Jesus dehan,

Apostolu sira nia Istoria 1:13

Too iha sidade, sira baa tama iha uma ida nebee sira hela baa, i sira sae liu ba iha andar leten. Jesus nia apostolu sira nia naran mak nee: Pedro, João, Tiago, André, Filipe, Tomé, Bartolomeu, Mateus, Tiago (Alfeu nia oan), Simão (membru partidu Zelot), ho Judas (Tiago nia oan).

Apostolu sira nia Istoria 1:26

Depois sira dada rifa, i rifa monu kona iha Matias. Nunee sira foti nia sai Jesus nia apostolu hamutuk ho sira nain sanulu resin ida.

Apostolu sira nia Istoria 12:2

Nia haruka ema oho Tiago (João nia maun) ho surik.

Apostolu sira nia Istoria 3:1

Iha loron ida, tuku tolu lokraik, Pedro ho João baa iha Nai Maromak nia Uma Kreda Boot, hodi halo orasaun.

1 Korintu 15:7

Depois Nia hatudu Aan fali ba Tiago, foin ba apostolu sira hotu.

Efezu 4:11

Kristu mak foo kbiit ba Nia ema, atu sira halao serbisu nebee Nia fahe ba sira. Nia foti balu sai Nia apostolu, balu Nia foti sai Nia profeta para tatoli Nia liafuan, balu sai ema nebee foo sai Nia Novidade Diak ba ema nebee seidauk rona, i balu fali sai bibi atan i mestri hodi tau matan i hanorin Nia povu.

Ebreu 3:1

Maun-alin sira, Maromak hili ona imi atu moris ho laran moos, i hili mos imi atu tama iha lalehan. Imi tenki hanoin klean kona ba Jesus. Ita rekonhese ona katak Nia mak Ida nebee Nai Maromak haruka, i Nia mak ita nia nai-lulik boot.

1 Pedro 1:1

Surat nee hosi hau, Pedro, nudar Jesus Kristu nia apostolu. Hau hakerek surat nee ba imi hotu nebee mak Nai Maromak hili tiha ona. Imi ema lao rai, namkari iha fatin-fatin iha rai Pontus, Galasia, Kapadósia, Azia kiik ho mos Bitínia. Hori uluk kedas Aman Maromak hili tiha ona imi para sai Nia ema. Maromak nia Espiritu halo imi sai ema nebee moris loos atu imi moris tuir Jesus Kristu nia hakarak i simu raan nebee Jesus fakar ba imi hodi hamoos imi nia sala. Hau harohan para loron ba loron Nai Maromak hatudu Nia laran diak ba imi, i foo paz ho hakmatek ida ke boot teb-tebes ba imi.

2 Pedro 1:1

Surat nee hosi hau, Simão Pedro, nudar Jesus Kristu nia atan ho mos Nia apostolu. Hau hakerek surat nee ba imi nebee simu tiha ona fiar ida ke folin boot, hanesan mos ami. Imi simu fiar nee tanba Jesus Kristu sempre halo buat nebee mak loos. Nia mak ita nia Maromak ho ita nia Salvador.

2 João 1:1

Hau, João, nudar presbiteru igreja nian, hakerek surat nee ba Senhora nebee Maromak hili ona, no senhora nia oan sira. Hau hadomi teb-tebes imi. Laos hau deit maibee ema hotu-hotu nebee hatene lia loos mos hadomi imi.

3 João 1:1

1 Hau, João, nudar presbiteru igreja nian, hakerek surat nee ba hau nia belun Gaio, nebee hau hadomi.

Apokalipse 1:1

Iha livru nee hakerek kona ba buat nebee mak la kleur tan sei akontese. Nai Maromak foo hatene ona buat sira nee ba Jesus Kristu para foo sai ba ema sira nebee serbii Nai Maromak. Tuir mai, Jesus Kristu haruka Nia anju ida foo tutan mai hau, João, Maromak nia atan.

Apokalipse 1:9

Hau João, imi nia maun-alin. Ita hotu hetan susar ho terus tanba ita hakruuk ba Jesus nudar Liurai, maibee ita aguenta ho pasiensia nafatin. Ema kastigu hau iha ilha Patmos tanba hau foo sai Nai Maromak nia liafuan i foo sasin kona ba Jesus.

Apokalipse 18:20

Depois hau rona lian ida dehan, “Imi nebee moris iha lalehan, haksolok baa! Maromak nia povu, Nai Jesus nia apostolu sira ho profeta sira, haksolok baa! Tanba Maromak kastigu ona sidade nee, tuir saida mak nia uluk halo ba imi.”

Apokalipse 22:8

Hau João, mak rona buat sira nee hotu, i haree rasik ho matan. Bainhira hau rona ho haree tiha hotu, hau hakneak i hakruuk too rai atu adora anju nebee mak hatudu buat sira nee mai hau.