Mateus 10:19 - Biblia Tetun Dili

¹⁹ Bainhira ema lori imi baa hataan iha tribunal, lalika preokupa atu koalia saida ka atu hataan oinsaa. Tanba iha momentu nee Maromak sei foo hatene ba imi liafuan nebee mak imi atu koalia.

Mateus 10:19 Iomraidhean Croise

Mateus 10:18

Sira mos sei foo sala ba imi iha liurai ho nai ulun sira nia oin. Buat sira nee hotu sai nunee tanba imi tuir Hau. Nee oportunidade ba imi atu foo sai Novidade Diak ba sira ho mos ba ema nebee mak laos Judeu.

Mateus 6:25

Tanba nee Hau hatete ba imi, lalika preokupa ho imi nia moris, ho saida mak imi atu haan, ka atu hemu ka atu hatais. Ita nia moris folin liu hahaan, i ita nia isin lolon folin liu ropa.

Mateus 6:31

Nee duni, lalika preokupa dehan: ‘Ita atu haan saida?’ ka ‘Ita atu hemu saida?’ ka ‘Ita atu hatais saida?’

Mateus 6:34

Entaun lalika preokupa kona ba loron aban, tanba loron aban nee preokupasaun seluk fali. Susar nebee ita hetan iha loron ida nee, too ona ba loron nee.”

Lucas 12:11

Aban-bainrua, bainhira ema lori imi baa hataan iha uma kreda ka iha ukun nain sira tanba imi fiar Hau, lalika preokupa kona ba oinsaa imi atu defende aan ka saida mak imi atu koalia.

Lucas 12:12

Tanba iha oras nee duni Espiritu Santu sei hanorin imi, oinsaa mak imi atu hataan sira.”

Apostolu sira nia Istoria 6:10

Maibee Espiritu Santu foo matenek ba Estevão hodi koalia. Nee mak sira la manaan nia.

Filipi 4:6

La bele preokupa kona ba saida deit. Maibee iha situasaun saida deit, halo orasaun husu Nai Maromak nia tulun. I bainhira imi husu, keta haluha foo agradese ba Nia.

2 Timóteo 4:17

Bele nunee mos, Nai Jesus hamriik iha hau nia sorin hodi foo forsa mai hau, para hau bele foo sai Novidade Diak hotu. Nunee sira nebee laos ema Judeu mos bele rona. I Maromak mos hasai hau hosi liaun nia ibun.

Tiago 1:5

Se iha imi ruma presiza matenek, husu ba Maromak maka Nia sei foo. Tan Maromak sei foo ba ema hotu-hotu ho laran luak.