Mateus 10:17 - Biblia Tetun Dili

¹⁷ Maibee kuidadu, tanba ema sei mai kaer imi hodi lori imi ba iha tribunal relijiaun nian. Sira sei baku imi ho sikoti iha sira nia uma kreda laran.

Mateus 10:17 Iomraidhean Croise

Mateus 10:18

Sira mos sei foo sala ba imi iha liurai ho nai ulun sira nia oin. Buat sira nee hotu sai nunee tanba imi tuir Hau. Nee oportunidade ba imi atu foo sai Novidade Diak ba sira ho mos ba ema nebee mak laos Judeu.

Mateus 20:19

Sira sei entrega Hau ba iha ema nebee la konhese Maromak. I ema sira nee sei tarata Hau, baku Hau ho sikoti, i prega Hau iha krus. Maibee iha loron tolu Hau sei moris fali hosi mate.”

Mateus 23:34

Tanba nee, rona didiak! Hau sei haruka nafatin ba imi profeta sira, ema matenek sira ho mos mestri sira nebee hanorin Maromak nia Liafuan. Maibee imi sei oho balu, i prega balu ba iha krus. Sira seluk imi baku ho sikoti iha imi nia uma kreda i duni hosi aldeia ba aldeia.

Mateus 26:59

Nai lulik nia xefi sira ho tesi lian nain relijiaun Judeu sira seluk buka hela ema atu foo sasin falsu para bele kastigu mate Jesus.

Mateus 5:22

Maibee Hau hatete ba imi, ‘See mak hirus nia maun-alin ida, nia sei hetan kastigu. See mak tolok nia maun-alin ida, nia sei baa hataan iha tribunal. I see mak hirus ema seluk dehan, ‘O beik-teen’, ema nee lao dadauk ona ba iha ahi infernu nebee lakan.

Marcos 13:12

Iha uma laran ida, se iha ema balu fiar ba Hau, nia maun-alin rasik mak sei buka dalan hodi oho nia. I se oan mak fiar, nia aman rasik mak sei oho nia. Nunee mos, se inan-aman mak fiar ba Hau, nia oan mak sei oho sira.

Marcos 13:9

Nee duni, imi tenki atensaun didiak! Tanba ema sei mai kaer imi, lori baa iha tribunal relijiaun nian. Ema sei baku imi iha uma kreda laran, i sei kesi imi lori ba iha ukun nain sira, tanba imi tuir Hau. Maibee imi tenki foo sai Hau nia Novidade Diak ba sira.

Lucas 12:11

Aban-bainrua, bainhira ema lori imi baa hataan iha uma kreda ka iha ukun nain sira tanba imi fiar Hau, lalika preokupa kona ba oinsaa imi atu defende aan ka saida mak imi atu koalia.

João 11:47

Entaun nai lulik nia xefi sira, ho ema Farizeu sira halibur hodi foo hanoin ba malu. Sira husu, “Ema nee halo milagre oi-oin. Ita tenki halo saida?

João 16:2

Ema Judeu sira sei duni sai imi hosi sira nia uma kreda. I laos nee deit, tempu sei too, bainhira ema oho imi, sira hanoin dehan sira halo diak ba Nai Maromak.

Apostolu sira nia Istoria 17:14

Nee mak ema sarani sira iha Bereia lori kedas Paulo ba iha tasi ibun. Maibee Silas ho Timóteo hela nafatin iha Bereia.

Apostolu sira nia Istoria 22:19

Hau hataan, ‘Maibee Nai! Sira hotu hatene katak, uluk hau tama-sai uma kreda Judeu nian iha fatin-fatin, hodi kaer ho baku ema sira nebee fiar ba Ita Boot.

Apostolu sira nia Istoria 26:11

Hau baa tama-sai uma kreda Judeu nian hodi halo terus sira, i obriga sira hatete aat Jesus. Hau nia laran nakali, too hau mos baa buka sarani sira iha sidade-sidade iha rai liur hodi halo terus sira.”

Apostolu sira nia Istoria 9:2

hodi husu surat rekomendasaun atu foo iha responsavel uma kreda Judeu sira iha sidade Damasku nebaa. Ho surat nee nia husu lisensa, se nia hasoru ema nebee tuir Jesus nia Dalan, mane ka feto, nia bele kaer i futu sira, i lori mai Jerusalém.

Filipi 3:2

Kuidadu ho asu sira nee. Kuidadu ho ema sira nebee halo buat aat no kuidadu ho ema sira nebee dehan, sunat mak foin Maromak simu ita.

2 Timóteo 4:15

O tenki kuidadu ho ema nee, tanba nia kontra makaas ita nia hanorin.

Ebreu 11:36

Balu ema tarata i baku ho sikoti. Balu ema kesi ho korenti hodi hatama ba kadeia laran.