Mateus 10:14 - Biblia Tetun Dili

¹⁴ Se imi baa iha uma ida ka aldeia ida i ema la simu imi ka lakohi rona imi nia liafuan, husik tiha fatin nee, i baku rai rahun hosi imi nia ain okos nudar sinal katak sira rasik mak sei lori todan.

Mateus 10:14 Iomraidhean Croise

Mateus 10:13

Se uma nain simu imi nia liafuan nee ho diak, sira sei hetan bensaun. Se lae, Maromak dada fila fali bensaun nee hosi sira.

Mateus 18:5

See mak simu labarik ida nebee fiar mai Hau, hanesan mos nia simu Hau.

Marcos 6:11

Maibee se imi too iha fatin ida, ema lakohi simu imi, i lakohi rona imi, imi tenki sai kedas hosi fatin nee. I baku rai rahun hosi imi nia ain. Ida nee sinal katak, ‘Imi lakohi rona ami, imi rasik mak lori todan nee!’ ”

Marcos 9:37

“See mak tuir Hau, nia tenki serbii ema kiik, hanesan labarik oan nee. Bainhira halo hanesan nee, nia mos serbii Hau. I see mak serbii Hau, nia serbii mos Nai Maromak, ida nebee haruka Hau mai iha mundu nee.”

Lucas 9:48

Nia hatete ba sira, “See mak simu labarik nee hodi Hau nia naran, nia simu Hau. I see mak simu Hau, nia simu mos Ida nebee haruka Hau mai. Ema nebee haraik aan nudar ema kiik, nia mak boot liu iha Maromak nia futar oin.”

Lucas 9:5

Maibee se imi tama iha sidade ida mak ema lakohi simu imi, husik tiha sidade nee. I baku rai rahun hosi imi nia ain okos hodi hatudu katak, Maromak sei kastigu sira.”

João 13:20

Hau nia koalia nee loos. See mak simu ho diak ema nebee Hau haruka baa nee, nia mos simu Hau. I see mak simu diak Hau, nia mos simu Ida nebee haruka Hau mai.”

Apostolu sira nia Istoria 13:51

Molok sira sai hosi sidade nee, sira nain rua baku rai rahun hosi sira nia ain hanesan sinal katak, ema iha sidade nee lakohi rona ba Nai Maromak. I sira baa fali iha sidade seluk ida naran Ikóniu.

Apostolu sira nia Istoria 18:6

Maibee ema Judeu balu kontra bebeik ho hatete aat nia. Entaun Paulo baku rai uut hosi nia hena, hanesan sinal katak, nia la interese tan ho sira ona. Nia dehan, “Imi mak sei lori todan no responsabiliza ba imi nia raan rasik. Hau la iha tan responsabilidade ona ba imi ema Judeu. Agora hau atu baa foo sai Novidade Diak ba ema sira nebee laos Judeu.”

1 Tesalonika 4:8

Nee duni, see mak lakohi tuir hanorin nee, nia laos deit fila kotuk mai ami, maibee nia fila kotuk ba Nai Maromak, nebee foo Nia Espiritu Santu mai ita.