Mateus 1:21 - Biblia Tetun Dili

²¹ Maria sei tuur ahi oan mane ida. O tenki foo naran Jesus, tanba Nia mak sei salva Nia povu hosi sira nia sala."

Mateus 1:21 Iomraidhean Croise

Jenesis 17:19

Maibee Maromak hataan, “Lae! O nia kaben Sara mak sei hetan oan mane ida. O tau nia naran Isac. Hau nia aliansa sei tuun ba nia, ho nia jerasaun too tinan ba tinan.

Jenesis 17:21

Bele nunee, maibee Hau nia aliansa nee ho deit Isac. Iha tinan oin mai, mais-ou-menus tempu hanesan nee, Sara sei tuur ahi.”

Jenesis 18:10

Depois ema ida hosi sira nain tolu nee, dehan, “Tinan oin mai, Hau sei mai fali. Iha tempu nee, o nia kaben Sara iha ona oan mane ida.” Momentu sira koalia nunee, Sara rona hela hosi odamatan nia kotuk.

Mateus 1:25

Maibee nia la halo relasaun seksual ho Maria too Maria tuur ahi. I José foo naran ba labarik nee, Jesus.

Lucas 1:13

Maibee anju nee hatete, “Zacarias, la bele tauk! Tanba Nai Maromak rona ona o nia orasaun. O nia feen Isabel sei tuur ahi, oan mane ida. O tenki tau nia naran João.

Lucas 1:31

La kleur tan, o sei isin rua, i sei tuur ahi, oan mane ida. O tenki tau Nia naran Jesus.

Lucas 2:11

Ohin imi nia Salvador moris ona iha liurai David nia moris fatin Belém. Nia mak Kristu, imi nia Nai, Ema nebee Maromak promete ona hori uluk atu haruka mai.

Lucas 2:21

Bainhira Jesus halo loron walu ona, ema tenki sunat Nia. Loron serimonia sunat Kosok Oan nee, Nia inan-aman tau Nia naran Jesus. Naran nee mak anju foo hatene ba Nia inan, bainhira nia seidauk isin rua.

João 1:29

Iha aban fali, João haree Jesus lao mai hasoru nia. João hatete dehan, “Haree ba Ema ida nebaa! Nia, Nai Maromak nia Bibi Malae Oan nebee sai sakrifisiu hodi hamoos ema iha mundu nee nia sala.

João 4:42

I sira foo hatene ba feto nee dehan, “Horiseik, ami rona o koalia deit. Maibee agora ami fiar ba Nia, tanba ami rasik rona hosi Nia. Ami hatene duni dehan, Ema nee mak salva ita ema sala nain hotu iha mundu nee.”

Apostolu sira nia Istoria 13:23

Maromak promete atu haruka David nia jerasaun ida mai, hodi salva povu Israel. Salvador nee mak Jesus.”

Apostolu sira nia Istoria 3:26

Nai Maromak haruka Nia Oan nee hodi foo bensaun ba imi, atu imi husik tiha hahalok aat sira. Nai Maromak haruka nia Oan nee ba uluk imi ema Israel, depois foin haruka ba nasaun sira seluk.”

Apostolu sira nia Istoria 4:12

Iha mundu tomak, la iha dalan seluk mak Maromak foo hodi salva ema. So iha dalan ida deit, mak Jesus. Se laos Nia, la iha tan ema seluk mak bele salva ita.”

Apostolu sira nia Istoria 5:31

Agora Nai Maromak foti Jesus tuur iha Nia liman loos hodi kaer ukun hanesan Liurai i Salvador. Nia foo tempu ba povu Israel para bele husik ona sira nia sala, atu sira bele hetan perdaun hosi Nai Maromak.

Tito 2:14

Nia foo aan ba mate hodi hasai ita hosi buat aat hotu-hotu, i halo ita laran moos, para sai Nia povu rasik, nebee sempre hakarak halo buat diak.

Ebreu 7:25

Tanba nee Jesus iha kbiit hodi salva see deit mak baa iha Maromak liu hosi Nia. Nia bele salva sira agora i too tinan ba tinan, tanba Nia moris nafatin hodi harohan ba Nai Maromak atu tulun sira.

1 João 1:7

Maibee se ita moris iha naroman laran, hanesan mos Nai Maromak, entaun ita nia relasaun ho ema fiar sira sai metin, i Nia Oan Jesus nia raan sei hamoos ita nia sala tomak.

1 João 3:5

Imi hatene katak Jesus Kristu mai para hamoos ita ema nia sala, i Nia rasik la iha sala ida.

Apokalipse 7:14

Hau hataan, “Hau la hatene, Senhor. Ita Boot mak hatene.” Katuas nee hatete mai hau, “Sira nee uluk hetan terus boot tanba sira nia fiar. Sira fasi tiha ona sira nia batina ho Bibi Oan nia raan, nee mak sira nia batina sai mutin.