Lucas 9:51 - Biblia Tetun Dili

⁵¹ Jesus nia loron atu sae ba lalehan besik ona, entaun Nia desidi Nia tenki baa iha sidade Jerusalém.

Lucas 9:51 Iomraidhean Croise

Marcos 16:19

Jesus koalia tiha hotu, Nai Maromak hasae Nia ba lalehan. Nia tuur iha Nai Maromak nia liman kuana para Sira nain rua ukun hamutuk.

Lucas 12:50

Maibee Hau tenki simu terus todan lai, i Hau nia laran susar teb-tebes too terus nee hotu.

Lucas 13:22

Jesus lao dadaun ba Jerusalém, Nia tama tutuir aldeia-aldeia no sidade-sidade hodi hanorin.

Lucas 17:11

Jesus kontinua lao ba Jerusalém. Nia lao tuir baliza entre provinsia Galileia ho Samaria.

Lucas 18:31

Jesus bolu Nia eskolanti nain sanulu resin rua halibur hamutuk iha fatin ida. Nia hatete ba sira, “Ita besik ona Jerusalém. Too iha nebaa, buat hotu nebee Maromak nia profeta sira uluk hakerek ona kona ba Ema Oan sei kumpri duni.

Lucas 19:11

Tempu nebaa, ema barak rona hela Jesus nia hanorin. Nia besik dadaun Jerusalém, i povu hanoin katak, too iha nebaa, Maromak atu ukun kedas nudar Liurai. Entaun Jesus hanorin sira ho komparasaun ida.

Lucas 19:28

Konta tiha hotu, Jesus kontinua lao sae ba Jerusalém, i ema barak tuir Nia.

Lucas 24:51

Nia foo dadauk bensaun ba sira, i Nia sae ba lalehan, husik hela sira.

Lucas 9:57

Bainhira Jesus ho Nia eskolanti sira lao dadauk, ema ida dehan ba Jesus, “Ita Boot baa nebee deit, hau prontu atu tuir.”

João 13:1

Molok loron boot Paskua hahuu, Jesus hatene ona katak, Nia tempu too ona atu Nia husik hela mundu nee, hodi fila fali ba Nia Aman iha lalehan. Maibee Nia hadomi teb-tebes Nia ema sira iha mundu nee, too Nia foo Nia moris tomak ba sira.

João 16:28

Uluk Hau husik hela Hau nia Aman, hodi mai hela iha mundu nee. Maibee agora Hau atu husik mundu nee, hodi baa hela fali ho Nia.”

João 16:5

Jesus hanorin tan dehan, “Agora Hau fila ba Nia nebee haruka Hau mai iha mundu nee. Maibee la iha ema ida hosi imi mak husu mai Hau dehan, ‘Ita Boot atu baa nebee?’

João 17:11

Hau la hela tan iha mundu nee ona, tanba la kleur tan Hau sei fila ba Hau nia Aman. Maibee ema sira nee hela nafatin iha mundu nee. Aman Santu, Hau husu Aman kuidadu sira uza Ita Boot nia kbiit nebee Ita Boot foo mai Hau. Hau mos husu para sira sai neon ida laran ida, hanesan Hau sai ida ho Aman.

João 6:62

Saa tan bainhira imi haree Hau, Ema Oan, sae fila fali ba Hau nia fatin uluk?

Apostolu sira nia Istoria 1:9

Jesus koalia tiha hotu, Maromak foti Nia sae ba lalehan iha sira nia oin. La kleur kalohan taka tiha Nia, i sira la haree tan Nia ona.

Efezu 1:20

Nia halo Kristu moris fila fali hosi mate, i foti Nia ba tuur iha Nai Maromak nia sorin loos iha lalehan.

Filipi 3:14

Hau hakaas aan ba oin nafatin too rohan para manaan premiu. Hau nia premiu mak nee: Nai Maromak bolu hau tama iha lalehan, tanba Kristu Jesus mate mai hau.

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

Ebreu 12:2

Ita tenki hateke deit ba Jesus, tanba ita nia fiar mai hosi Nia, i Nia mak halo ita nia fiar sai metin too rohan. Bainhira Jesus terus iha krus, Nia aguenta ho pasiensia i la interese katak mate iha krus nee moe boot ida, tanba Nia hatene katak, Maromak sei halo Nia laran haksolok. I sai nunee duni. Agora Jesus tuur hela iha Nai Maromak nia sorin kuana.

Ebreu 6:20

Jesus mak loke dalan ba ita atu tama iha nebaa, tanba Nia tama uluk ona hodi harohan ba ita. Nia sai ona ita nia nai-lulik boot too tinan ba tinan, hanesan Melkizedek uluk.

1 Pedro 3:22

Agora Nia sae tiha ona ba lalehan tuur iha Nai Maromak nia sorin loos. I anju sira ho autoridade sira nebee kaer ukun, hotu-hotu hakruuk ba Nia.