Lucas 9:5 - Biblia Tetun Dili

⁵ Maibee se imi tama iha sidade ida mak ema lakohi simu imi, husik tiha sidade nee. I baku rai rahun hosi imi nia ain okos hodi hatudu katak, Maromak sei kastigu sira.”

Lucas 9:5 Iomraidhean Croise

Mateus 10:18

Sira mos sei foo sala ba imi iha liurai ho nai ulun sira nia oin. Buat sira nee hotu sai nunee tanba imi tuir Hau. Nee oportunidade ba imi atu foo sai Novidade Diak ba sira ho mos ba ema nebee mak laos Judeu.

Marcos 6:11

Maibee se imi too iha fatin ida, ema lakohi simu imi, i lakohi rona imi, imi tenki sai kedas hosi fatin nee. I baku rai rahun hosi imi nia ain. Ida nee sinal katak, ‘Imi lakohi rona ami, imi rasik mak lori todan nee!’ ”

Marcos 9:37

“See mak tuir Hau, nia tenki serbii ema kiik, hanesan labarik oan nee. Bainhira halo hanesan nee, nia mos serbii Hau. I see mak serbii Hau, nia serbii mos Nai Maromak, ida nebee haruka Hau mai iha mundu nee.”

Lucas 10:16

Depois Jesus hatete ba Nia eskolanti sira, “Ema nebee rona imi, nia rona Hau. I ema nebee lakohi simu imi, nia lakohi simu Hau. I ema nebee lakohi simu Hau, nia mos lakohi simu Ida nebee mak haruka Hau mai.”

Lucas 5:14

Depois Jesus bandu nia dehan, “La bele konta buat nee ba ema seluk. Maibee baa konsulta iha nai lulik, atu nia haree katak o nia isin moos ona. Depois foo oferta tuir lei nebee Moisés haruka, para ema hotu bele hatene katak o diak ona.”

Lucas 9:4

Bainhira ema simu imi iha sira nia uma, hela deit iha uma nee too imi sai fali ba iha fatin seluk.

Lucas 9:48

Nia hatete ba sira, “See mak simu labarik nee hodi Hau nia naran, nia simu Hau. I see mak simu Hau, nia simu mos Ida nebee haruka Hau mai. Ema nebee haraik aan nudar ema kiik, nia mak boot liu iha Maromak nia futar oin.”

Apostolu sira nia Istoria 13:51

Molok sira sai hosi sidade nee, sira nain rua baku rai rahun hosi sira nia ain hanesan sinal katak, ema iha sidade nee lakohi rona ba Nai Maromak. I sira baa fali iha sidade seluk ida naran Ikóniu.

Apostolu sira nia Istoria 18:6

Maibee ema Judeu balu kontra bebeik ho hatete aat nia. Entaun Paulo baku rai uut hosi nia hena, hanesan sinal katak, nia la interese tan ho sira ona. Nia dehan, “Imi mak sei lori todan no responsabiliza ba imi nia raan rasik. Hau la iha tan responsabilidade ona ba imi ema Judeu. Agora hau atu baa foo sai Novidade Diak ba ema sira nebee laos Judeu.”