Lucas 9:48 - Biblia Tetun Dili

⁴⁸ Nia hatete ba sira, “See mak simu labarik nee hodi Hau nia naran, nia simu Hau. I see mak simu Hau, nia simu mos Ida nebee haruka Hau mai. Ema nebee haraik aan nudar ema kiik, nia mak boot liu iha Maromak nia futar oin.”

Lucas 9:48 Iomraidhean Croise

Mateus 18:10

“Jesus koalia tan dehan, keta hanoin dehan ema kiik sira nee la iha folin. Hau hatete ba imi, anju sira nebee hamriik iha Hau nia Aman Maromak nia oin, iha lalehan, sempre tau matan ba sira.

Mateus 18:14

Nunee mos imi nia Aman iha lalehan lakohi atu labarik kiik sira ida lakon.”

Mateus 19:28

Jesus hatete ba sira, “Hau dehan loloos ba imi, bainhira Maromak halo buat hotu sai foun, Hau, Ema Oan sei tuur iha kadeira ukun, i naroman lalehan nian haleu hela Hau. Imi sira nebee agora tuir Hau mos sei tuur iha kadeira ukun sanulu resin rua hodi tesi Israel nia suku sanulu resin rua nia lia.

Mateus 25:40

Hau sei hataan, ‘Hau hatete loloos ba imi! Bainhira imi halo saida deit ba Hau nia maluk ida, maski ba ema kiik ida mos, nee hanesan imi halo ona mai Hau.’

Mateus 25:45

Hau sei hataan, ‘Hau hatete loloos ba imi! Bainhira imi la halo buat sira nee ba Hau nia maluk ida, maski la halo ba ema kiik ida mos, nee hanesan imi la halo mai Hau.’

Marcos 9:37

“See mak tuir Hau, nia tenki serbii ema kiik, hanesan labarik oan nee. Bainhira halo hanesan nee, nia mos serbii Hau. I see mak serbii Hau, nia serbii mos Nai Maromak, ida nebee haruka Hau mai iha mundu nee.”

Lucas 10:16

Depois Jesus hatete ba Nia eskolanti sira, “Ema nebee rona imi, nia rona Hau. I ema nebee lakohi simu imi, nia lakohi simu Hau. I ema nebee lakohi simu Hau, nia mos lakohi simu Ida nebee mak haruka Hau mai.”

Lucas 14:11

Tanba ema nebee foti aan, Maromak sei hatuun nia, i ema nebee haraik aan, Maromak sei foti aas nia.”

Lucas 22:26

Maibee imi la bele nunee. See mak boot liu, nia tenki sai hanesan ema nebee kiik liu. I ema nebee ukun, tenki sai hanesan atan hodi serbii ema seluk.

Lucas 22:30

atu nunee bainhira Hau kaer ukun, imi bele tuur iha meza hodi haan-hemu hamutuk ho Hau. I imi mak sei ukun suku sanulu resin rua iha Israel.”

Lucas 7:28

Hau hatete ba imi, la iha ema ida nebee moris hosi feto iha mundu nee boot liu João. Maski nunee, see mak hakruuk ba Maromak nudar Liurai, nia bele ema kiik mos, nia boot liu fali João.

João 13:20

Hau nia koalia nee loos. See mak simu ho diak ema nebee Hau haruka baa nee, nia mos simu Hau. I see mak simu diak Hau, nia mos simu Ida nebee haruka Hau mai.”

João 14:21

Ema nebee simu no halo tuir Hau nia ukun-fuan sira, nia mak hadomi Hau. Hau nia Aman mos hadomi ema nebee hadomi Hau nunee. Hau mos hadomi nia, i hatudu Hau nia aan ba nia.”

1 Tesalonika 4:8

Nee duni, see mak lakohi tuir hanorin nee, nia laos deit fila kotuk mai ami, maibee nia fila kotuk ba Nai Maromak, nebee foo Nia Espiritu Santu mai ita.

1 Pedro 5:6

Tanba nee haraik aan ba Nai Maromak Kbiit Nain, para bainhira too iha nia tempu, Nia foti aas imi.

Apokalipse 21:14

Muru nee harii iha fatuk boot sanulu resin rua nia leten, iha fatuk ida-idak hakerek Bibi Oan nia reprezentate nain sanulu resin rua nia naran.

Apokalipse 3:21

See mak manaan, Hau sei foo direitu ba nia para tuur ukun hamutuk ho Hau, hanesan mos Hau manaan tiha ona, i agora Hau tuur ukun hamutuk ho Hau nia Aman.