Lucas 9:35 - Biblia Tetun Dili

³⁵ I lian ida hosi kalohan nee dehan, “Nee Hau nia Oan nebee Hau hili ona. Imi tenki rona Nia.”

Lucas 9:35 Iomraidhean Croise

Mateus 12:18

“Haree baa! Nee Hau nia Atan nebee Hau hili. Hau hadomi Nia, i Hau nia laran haksolok nafatin ba Nia. Hau sei tau Hau nia Espiritu iha Nia, i Nia sei foo sai lia loos ba ema hosi nasaun hotu-hotu.

Mateus 3:17

Depois lian ida hosi lalehan hatete, “Ida nee mak Hau nia Oan Doben. Nia halo Hau nia laran haksolok teb-tebes.”

Marcos 1:11

I Maromak nia lian tuun mai hosi lalehan, hatete nunee, “O mak Hau nia Oan Doben; O sempre halo Hau nia laran haksolok.”

Lucas 3:22

Maromak nia Espiritu Santu tuun ba Nia hanesan manu pombu ida. I lian ida mai hosi lalehan hatete, “O mak Hau nia Oan doben. O halo Hau nia laran haksolok teb-tebes.”

Lucas 9:34

Pedro sei koalia hela nunee, kalohan ida tuun mai falun tiha sira, halo eskolanti nain tolu nee tauk.

João 12:28

Nunee, Hau husu hanesan nee: ‘Hau nia Aman, Hau tuir deit Aman nia hakarak, para ema hotu-hotu foti aas Aman nia naran.’ ” Iha lian ida mai hosi lalehan dehan, “Hau foti aas ona Hau nia naran. I Hau atu foti aas fali tan.”

João 3:16

Tanba Nai Maromak hadomi teb-tebes ema hotu-hotu iha mundu nee, nee mak Nia haruka Nia Oan mane mesak, para ema hotu nebee fiar ba Nia, Nai Maromak la husik sira lakon, maibee Nia foo ba sira moris rohan laek.

Ebreu 2:3

Saa tan salvasaun nebee mak Nai Jesus foo. Salvasaun nee boot teb-tebes, i see mak la interese, nia sei la sees hosi Maromak nia kastigu. Tanba salvasaun nee Nai Jesus rasik mak foo sai uluk, i ema sira nebee rona hatudu mai ita katak Nia liafuan nee loos.

Ebreu 3:15

Hanesan ohin hatete tiha ona: “Iha loron ida nee, se imi rona Nai Maromak nia liafuan, la bele ulun toos hanesan imi nia bei-ala sira uluk kontra Nai Maromak.”

Ebreu 5:9

Nee mak Nia serve atu sai salvador hodi salva ema nebee halo tuir Nia hakarak para sira bele hetan moris rohan-laek.