Lucas 9:32 - Biblia Tetun Dili

³² Tempu nee, Pedro ho nia kolega nain rua nee toba dukur tiha. Bainhira sira hadeer mai, sira haree Jesus naroman nabilan loos hamriik hela ho profeta nain rua nee.

Lucas 9:32 Iomraidhean Croise

Marcos 14:40

Depois Nia mai, haree Nia eskolanti nain tolu nee. Maibee sira toba dukur hela, tanba sira matan dukur atu mate. I Nia fanu fali sira, maibee sira la hatene saida mak sira atu hataan ba Nia.

João 1:14

I ‘Maromak nia Liafuan’ nee, sai tiha ema. Nia moris iha ita nia leet. Ita haree Nia naroman-nabilan. Nia iha naroman-nabilan nunee, tanba Nia mak Nai Maromak nia Oan mane mesak. Nia hakarak hatudu Nia laran diak no grasa mai ita, tanba Nia hahalok nunee duni. I buat hotu nebee Nia hatoo kona ba Nai Maromak, loos duni.

João 17:24

Aman, Hau hakarak para ema hotu nebee Aman foo ona mai Hau, hamutuk ho Hau. Tan Hau hakarak atu sira haree Hau nia Aman foti aas Hau. Aman hadomi ona Hau, molok Ita halo mundu nee.

2 Pedro 1:16

Uluk ami foo sai ba imi katak ita nia Nai Jesus Kristu sei fila fali mai hosi lalehan ho kbiit boot. Momentu nebaa ami laos konta tuir ai-knanoik nebee mak ema inventa. Maibee ami rasik haree Nia kbiit nee ho matan,

1 João 3:2

Maluk doben sira, ita sai ona Maromak nia oan. Maibee Maromak seidauk foo sai ba ita, aban-bainrua ita sei sai oinsaa. Maski nunee ita sei hatene, bainhira Jesus Kristu fila fali mai hosi lalehan, ita sei sai hanesan Nia, tanba ita sei haree Nia momoos.